Soichiro Honda

Soichiro Honda 本田 宗一郎 Senior Third Rank
Ladawan:Soichiro Honda portrait.JPG
Kamundagan	(1906-11-17)17 Nobyembre 1906 Hamamatsu, Shizuoka, Japan
Kagadanan	Tokyo, Japan
Trabaho	Engineering
Midbid bilang	Founder of Honda Motor Co., Ltd.
Agom	Sachi Honda (1914–2013)
Mga aki	Hirotoshi Honda, Yasuhiro Watanabe
Mga magurang	Gihei Honda (Father) Mika Honda (Mother)

Soichiro Honda (本田 宗一郎, Honda Sōichirō) sarong japanese engineer asin industrialist. Kan taong 1948, tig mugtak niya an Honda Motor Co., Ltd. asin tig its expansion from a wooden shack manufacturing bicycle motors to a multinational automobile and motorcycle manufacturer.

Mga enot na taon

Si Honda namundag sa baryo kan Kōmyō, Distrito nin Iwata, Shizuoka, harani sa Hamamatsu kan Nobyembre 17, taong 1906. Ginugol niya an saiyang pagkaaki sa pagtabang sa saiyang ama na si Gihei Honda, sarong panday, sa saiyang negosyo na paghirahay nin bisikleta. Kan panahon na idto an saiyang ina na si Mika Honda, sarong parahabi. Si Honda daing interesar sa tradisyonal na edukasyon. An saiyang eskwelahan nagtao nin mga report sa grado kan mga kaakian, alagad hinagad ini pabalik sainda na may selyo kan pamilya, tanganing maseguro na nahiling ini kan saindang magurang. Si Honda naggibo nin sarong selyo tanganing arugon an selyo kan saiyang pamilya hale sa sarong ginamit na goma na pantakop sa pedal kan bisikleta. An pandadaya ini dai nahaloy asin nadiskubre kan magpoon siyang maggibo nin mga palsipikadong selyo para sa ibang mga kaakian. Dai aram ni Honda na an selyo dapat na imahe arog sa salming. An saiyang pangaran nin pamilya na 本田 (Honda) simetriko kun nakasurat nin patindog, kaya dai ini nagkawsa nin problema, alagad an ibang pangaran kan pamilya kan ibang mga aki dai simetriko.

Dawa kan siya aki pa, si Honda naogma sa nahiling niyang pinakaenot na kotse sa saindang baryo. Sa huring buhay, parati niyang sinasabi na dai niya malilingawan an hamot kan lana na itinatao kaini, na sinasabi na ini "garo pahamot" an parong. Si Soichiro sarong beses nag subli nin saro sa mga bisikleta kan saiyang ama tanganing mahiling an sarong demonstrasyon kan sarong eroplano na gibo kan piloto na si Art Smith, na nagpakusog kan saiyang pagkamoot sa makinarya asin imbensyon.

Sa edad na 15 anyos na mayong pormal na edukasyon, si Honda humanale sa saindang harong asin nagduman sa Tokyo tanganing maghanap nin trabaho. Nagin aprentis siya siya sa sarong garahe kan taong 1922. Pagkatapos nin pirang pag-alangan sa saiyang trabaho, siya nagdanay digdi sa laog nin anom na taon, asin nagtrabaho bilang mekaniko nin awto bago siya puminuli tanganing magpoon kan saiyang sadiring negosyo na paghirahay nin awto kan taong 1928 sa edad na 22.

Si Honda nagkarera nin sarong turbocharged Ford sa "1st Japan Automobile Race" sa Tamagawa Speedway kan taong 1936. Naaksidente siya asin nadugayan na maray an saiyang walang mata. Nalugadan man an saiyang tugang na lalaki. Pagkatapos kaini, nagpondo siya sa karera.

Pag-uswag kan Honda Motor Co., Ltd.

Kan taong 1937, si Honda nagmukna kan Tōkai Seiki tanganing makagibo nin mga singsing nin piston para sa Toyota . Durante kan Ikaduwang Gerang Pankinaban, sarong pag atake nin bomber kan B-29 kan Estados Unidos an nagraot kan planta sa Yamashita ni Tōkai Seiki kan taong 1944 mantang an planta sa Iwata narumpag sa linog sa Mikawa kan 1945 . Pagkatapos kan gera, ipinabakal ni Honda an mga nasalbar na tada kan saiyang kompanya sa Toyota sa kantidad na ¥450,000 asin ginamit an kwartang ini sa pag mukna kan Honda Technical Research Institute kan Oktubre taong 1946. Kan 1948 nagpoon siyang magprodusir nin sarong kumpletong de-motor na bisikleta, an Type A, na pigmamaneho kan mga enot na makina na pigprodusir asin pigdisenyo ni Honda asin ipinabakal sagkod kan taong 1951. An Type D kan 1949 sarong tunay na motorsiklo na may pressed-steel frame na dinisenyo asin ginibo ni Honda asin igwang 2-stroke, 98 cubic centimetres (6.0 cu in) 3 horsepower (2.2 kW) na makina, asin nagin pinakaenot na modelo sa serye nin mga motorsiklo na Dream . An Society of Automotive Engineers of Japan [ ja ] nilista an parehong Type A asin Type D na mga modelo bilang duwa sa saindang 240 Landmarks of Japanese Automotive Technology . Pagkatapos kan gera, si Honda namidbid giraray an saiyang amigo na si Takeo Fujisawa, na saiyang namidbid kan siya sarong para produsir pa nin mga singsing nin piston sa Nakajima Aircraft Company . Kan 1949, kinua ni Honda si Fujisawa na iyo an mamahala sa pinansiyal na lado kan kumpanya asin nagtabang sa pagpahiwas kan kumpanya. Kan 1959, an Honda Motorcycles nagbukas kan enot na dealership kaini sa Estados Unidos. Bilang presidente kan Honda Motor Company, ginibo ni Honda an saindang kompanya bilang sarong bilyon-dollar multinasyunal na nagprodusir kan pinakamabentang mga motorsiklo sa kinaban. An mga kakayahan sa inhenyeriya asin pagmemerkado ni Honda an nagresulta sa mga motorsiklo kan Honda na lampasan an Triumph asin Harley-Davidson sa saindang kanya-kanyang mga merkado sa sadiring merkado-lugar.

Si Honda nagdanay na presidente sagkod sa saiyang pagretiro kan taong 1973, kun saen siya nagtindog bilang direktor asin ninombrahan na "supremong parahatol" kan taong 1983. An saiyang estado iyo an magasin na People kung sain siya ibinugtak siya sa listahan kan "25 Most Intriguing People of the Year" para sa taong 1980, digdi inapod siyang "an Hapon na Henry Ford." Sa pagretiro, si Honda nagin sibot sa trabaho na konektado mananggad sa Honda Foundation. Sa saiyang mga memoir, ipinahayag ni Soichiro Honda an saiyang kamunduan huli ta minsan nagin siyang bastos sa saiyang mga empleyado, ini pinapasupog asin paminsan-minsan sinasampaling pa ngani sinda sa lalawgon.

Kan mga nakaaging taon

Dawa kan siya may edad na, si Soichiro asin an saiyang agom na si Sachi parehong nagkapot nin mga lisensya bilang pribadong piloto. Siya naoogma man sa pag-ski, golf, karera nin mga awto, pag-hang gliding asin pag-ballooning sa edad na 77 anyos, asin siya sarong artista na may halangkaw na naabot. Siya asin si Takeo Fujisawa guminibo nin kasunduan na dai nanggad ninda pipiriton an saindang sadiring mga aking lalaki na maglaog sa kompanya. An saiyang aking lalaki, si Hirotoshi Honda, iyo an kagmukna asin dating CEO kan Mugen Motorsports, sarong tuner para sa mga lunadan kan Honda na nag produsir man nin mga orihinal na lunadang pang karera.

An ASME nagmukna kan Soichiro Honda Medal bilang pagmidbid sa mga naginibohan ni Mr. Honda kan taong 1982; an medalyang ini nagbibisto nin pambihirang naginibohan o mahalagang mga kontribusyon sa inhenyeriya sa larangan nin personal na transportasyon. Kan 1989, siya pig-indukto sa Automotive Hall of Fame harani sa Detroit .

Si Soichiro Honda nagadan kan Agosto 5, taong 1991, pirang aldaw bago an Hungarian Grand Prix, huli sa pagkabigo kan atay . Siya 84 anyos. Si Ayrton Senna, nanggana kan Grand Prix, idinusay an kapangganahan sa Honda. Siya ninombrahan pagkatapos kan saiyang kagadanan sa pinakahalangkaw na ikatolong ranggo sa pagkasunod-sunod asin ninombrahan na sarong Grand Cordon kan Orden kan Nagsisirang na Saldang .

• Dakulang Opisyal kan Orden nin Merito kan Republika nin Italya (30 Marso 1978)
• Grand Cordon of the Order of the Rising Sun (Agosto 5, 1991; posthumous)
• Senior Third Rank (Agosto 5, 1991; posthumous)
• Golden Pheasant Award kan Scout Association of Japan (1991)