Stella Aciman

Si Stella Aciman (namundag 1953, sa Istanbul) sarong nobelista, kolumnista, asin negosyante hale sa Turkey.

Si Stella Aciman namundag sa sarong pamilyang Judio kan 1953 sa Istanbul. Kan 1974, nagkua siya nin degree sa Business Administration sa Istanbul University, nagtrabaho bilang negosyante sa manlaenlaen na organisasyon, asin nagin assistant music director asin producer sa mga istasyon nin radyo sa Istanbul.

Karera sa Pagsurat

Kan mga enot na taon 2000, si Aciman nagpublikar kan saiyang enot na libro, Bella. Ini an saro sa mga enot na nobela sa Turkey na nag-atender sa isyu nin homosekswalidad kun sain an mayor na karakter, si Bella, kasal sa sarong lalaki alagad nagkaigwa nin pagkamuot sa ibang babae

Kan 2003, pakagadan kan saiyang ina, nagbalyo siya sa Turkish Republic of Northern Cyprus, nag-istar sa Lefkosa, asin binago an tema kan saiyang mga nobela sa nabanga na isla asin sa sosyedad kaini. Kan taon man na idto, nagpublikar siya kan saiyang ikaduwang libro, Kırlangıçların Ömrü (The Life of a Swallow). An saiyang ikatulong nobela, Bir Masaldı Geçen Yıllar 1926-1960 (A Fairy Tale from 1926 to 1960), napublikar kan 2006, na an istorya basado sa buhay kan mga babaeng Turko poon kan magin kolonya an Cyprus kan United Kingdom sagkod na makagana ini nin independencia.

Kan 2011, nagpublikar siya kan saiyang ikaapat na nobela, Orda Bir Ada Var Uzakta.

Regular man siyang parasurat sa peryodikong Yeni Düzen kan Turkish Cypriot.

Mga gibo

Bella (1st edition). Galata Yayıncılık, 2002, Edebiyat Roman Dizisi. ISBN 975-05-0049-0
Kırlangıçların Ömrü. Sınırda Yaşayan Düş Yorgunları (1st edition). Karakutu Yayınları, 2003. ISBN 978-97-5865-8275 ISBN 978-97-5865-8275
Bir Masaldı Geçen Yıllar 1926-1960 (3rd edition). +1 Kitap, 2006. ISBN 978-97-5606-3279 ISBN 978-97-5606-3279
Orda Bir Ada Var Uzakta (2nd edition). Galata Yayıncılık, 2011. ISBN 978-60-5446-3091 ISBN 978-60-5446-3091