Susham Bedi

Si Susham Bedi (Hulyo 1, 1945 – Marso 20, 2020) sarong Indian na awtor nin mga nobela, halipot na istorya, asin rawitdawit. Siya sarong propesor kan lengguwahe asin literatura nin Hindi sa departamento nin Middle Eastern asin Asian Languages and Cultures (MEALAC) sa Columbia University, New York. An saiyang mga sinurat kadakol na manungod sa mga eksperyensiya kan mga Indian sa South Asian diaspora, na nagpokus sa psychological asin “interior” na mga paglalaban sa kultura. Dai arog kan ibang prominenteng Indian American na mga nobelista, kadakol kan saiyang sinurat nasa lengguwaheng Hindi imbes na Ingles. An saiyang mga sinurat lakop na naipatradusir sa Ingles, Pranses, Olandes, asin iba pang mga lengguwahe kan mga artista, akademiko, asin estudyante.

Siya sarong aktres sa India kan dekada 1960 asin enot na parte kan dekada 1970. Sa Estados Unidos, nagluwas siya sa mga programa sa telebisyon arog kan True Crime, New York City, Third Watch, asin Law & Order: Special Victims Unit, asin sa mga pelikula arog kan The Guru (2002) asin ABCD (1999).

Karera

Amay na taon

Si Bedi nagpoon kan saiyang karera sa pagsurat kan high school asin kolehiyo, na nakikilahok sa mga lokal na kompetisyon asin nagsusurat nin mga artikulo asin istorya para sa mga magasin. Nagtrabaho man siya bilang aktres asin komentarista sa Indian television kan huring parte kan dekada 1960 asin 1970.

Nag-adal siya sa Delhi University asin Punjab University sa India asin nagtutukdo nin literatura sa Hindi. An saiyang PhD dissertation ipinaluwas kan 1984 bilang Innovation and Experimentation in Contemporary Hindi Drama kan Parag publications sa India.

Akademiko

Si Bedi nakikilahok sa pagsiyasat nin mga hapot manungod sa identidad, pagigin totoo, asin pagbabago sa saiyang mga kritisismo sa kultura asin akademikong gibohon, asin an mga temang ini nakareplek man sa saiyang mga sinurat. Siya an awtor nin walong importanteng nobela sa lengguwaheng Hindi, pati man mga koleksyon nin mga halipot na istorya sa Hindi. An mga ini lakop na naipatradusir asin nagin paksa nin mga akademikong disertasyon asin mga debate manungod sa eksperyensiya kan South Asian diaspora.

Siya man an nagin parte sa pagsaliksik sa lenggwaheng Hindi asin naggibo nin orihinal na materyales sa pagbasa asin pagdangog na para sa pagsabot sa Hindi. Dakul sa mga materyales na ini an makua sa internet. An saiyang “Using Authentic Materials in the Language Classroom: A Case in Hindi” piglaog sa antolohiya na “Teaching and Acquisition of South Asian Languages” (University of Pennsylvania Press).

Poon 1990 sagkod 1991, nagkontribwir siya sa sarong programa kan BBC kada semana, an “Letters from Abroad”, kun sain saiyang pinag-olayan an mga pang-aroaldaw na isyu manungod sa buhay sa New York.

Pagsurat nin Nobela

An saiyang pinakasikat na nobela iyo an Havan (1989), na ipinalipat sa Ingles ni David Rubin asin ipinublikar kan Heinemann International sa irarom kan titulo na The Fire Sacrifice kan 1993. An saiyang mga nobela asin halipot na istorya parating may mga babaeng protagonista na nasa proseso nin pagkua nin bagong identidad na bako man lubos na daan o bago, na perming nakakakua nin identidad asin kusog sa mga diperensya sa saindang buhay. An pokus kan istorya ni Bedi nakatuon sa negosasyon asin pagbabago kan proseso mismo, an sakit asin trahedya kan pagkawara kan kultura, alagad pati man an paglaom asin oportunidad sa paggibo nin bagong asin mas makusog na identidad kun an saro andam na magtios sa proseso nin pagbabago. Kaya an saiyang mga obra nakatuon sa mga eksperyensiya kan mga taga-South Asia na nag-istar sa ibang lugar asin mga imigrante.

Pag-arte

Si Bedi nagluwas sa palabas na True Crime: New York City, Third Watch, Law & Order: Special Victims Unit asin an The Guru (2002) asin ABCD (1999)

Personal na bunay

Siya nagadan kan 20, Marso 2020 sa edad na 74.

An aktres na si Purva Bedi an saiyang aking babayi.

Mga onra asin pagmidbid

Kan 2007, siya an tinawan nin 100,000 rupees kan Uttar Pradesh Hindi Sansthan huli kan saiyang mga kontribusyon sa lenggwahe asin literatura nin Hindi.

Kan Enero 2006, siya an pinadaganan kan Sahitya Academy sa Delhi huli kan saiyang mga kontribusyon sa literatura nin Hindi.

Bibliograpiya

Mga Nobela asin Halipot na Istorya

• Maine Nata Tora (I Broke the Ties), Bhartiya Gyanpith, 2009.
• Sarak ki Laya (Rhythm of the Road, second short story collection), National Publishing House, 2007.
• Portrait of Mira, National Publishing House, Delhi, 2006.
• Morche (Battlefronts), (novel) Delhi, Vani Prakashan, 2006.
• Shabdon Ki Khirkiyan (Words as Windows), (Poetry collection) Delhi, National Publishing House, 2006.
• Nava Bhum Ki Ras-katha (Epic of the New Land), Delhi: National Publishing House, 2002.
• Gatha Amerbel Ki (Song of the Amerbel), Delhi: National Publishing House, 1999.
• Itar, (The Other), Delhi: National Publishing House, 1998.
• Chiriya Aur Cheel (The Sparrow and the Kite: Short Story Collection), Delhi: Parag, 1995.
• Katra Dar Katra (Drop by Drop), Chandigarh: Abhishek, 1994.
• Lautna, (Returning), Delhi: Parag, 1992.
• Havan (The Fire Sacrifice), Delhi: Parag, 1989.

Kultural asin Kritikal na gibo

• Hindi Basha Ka Bhumandalikaran (The Globalization of Hindi), Samsamyil Prakashan, 2012.
• Kahan Hai Mera Gher (What is Home to me?). Vaagarth 113, Calcutta, Dec. 2004
• Diaspora me Hindi sahitya (Hindi Literature in the Diaspora: State and Direction). Bhasha 42,5, Delhi, Mar-April 2003, pp 105–112.
• "Quest for Identity: Grappling for the Literary Self in the Diaspora" Hindi: Language, Discourse and Writing. Volume 1 Issue 2. July–September 2000.
• Hindi Natya Prayog Ke Sandarbh Men (Innovation and Experimentation in Hindi Drama), Delhi: Parag, 1984.

Metudo nin pagtukdo

• "Bhasha Shikshan: Anubhav, Soch aur Chunotiyan ( Teaching Language: Experience, Thoughts and Challenges)". ANYATHA 1, Austin, USA, June 2004
• "Two Sides of a Coin: Heads and/or Tails" Hindi: Language, Discourse and Writing. Volume 2 Issue 4. January–March 2002.
• "Using Authentic Materials in the Language Classroom: A Case at Hand." Published in the anthology The Learning and Acquisition of South Asian Languages, Philadelphia: University of Pennsylvania Press, 1995.
• "Culturally Authentic Situation Cards for the Teaching and Testing of South Asian Languages: Hindi." Published by Consortium for Language Teaching and Learning, New Haven, 1992.
• "Sunna-Samajhna: Listening Comprehension in Hindi (2 volumes and 2 videotapes: Volume I: Novice and Intermediate, Volume II: Advanced)." Published by ACTFL, Yonkers, NY, 1992.
• "Authentic Materials for Developing Reading Comprehension in Hindi (2 volumes: Volume I: Novice and Intermediate, Volume II: Advanced)." Published by ACTFL, Yonkers, NY, 1991.