Tagami Kikusha
Tagami Kikusha
| |
|---|---|
| Katutubong pangaran | 田上菊舎
|
| Ipinangaki | Michi Nobyembre 3, 1753 Tasuki, Distrito nin Toyoura, Probinsya nin Nagato |
| Trabaho | Literata |
| Nasyonalidad | Hapones |
| Peryudo | Amay na Moderno |
| Dyanra | Haiku na rawitdawit |
| Partedaryo | Si Taka asin Tagami Yoshinaga |
Si Tagami Kikusha (田上菊舎, 3 Nov 1753–23 Aug 1826 [ Hōreki 3.10.14 – Bunsei 9.8.23]) sarong Japanese Early Modern literata (bunjin). Bistado siya sa saiya nin mga rawitdawit na haiku, nagsurat man siya nin mga berso sa Intsik, asin nahaman sa tea ceremony, koto, and ink painting..
Biograpiya
[baguhon | baguhon an source]Namundag siya sa baryo kan Tasuki, Toyoura District, Nagato Province (sa modernong Hôhoku, Yamaguchi Prefecture). Taka, an pangaran kan saiya nin ina; sarong doktor man an saiya nin ama na si Tagama Yoshigana. An ngaran kan saiyang pagkamundag iyo si Michi. Kan 1728, huli ta an saiya nin ama nagmana kan posisyon bilang pamayo kan harong, nagbalyo siyia kaiba an saiya nin pamilya sa Innaichô, Chôfu, Shimonoseki. An saiya nin ana nagin saro nin retainer kan Chôfu domain, asin binago an saiyang pangaran sa Honjô Ryôsa. Kan taon man sanang iyan, kan siya 16 anyos, naagom niya si Murata Rinosuke, na hale sa sarong pamilyang parauma sa saindang baryo. Alagad, nagadan si Rinosuke kan 1776. Mayo sindang aki. Bilang resulta, kan siya 24 anyos, nagbalik siya sa saiyang natal household asin ibinalik sa saiyang natal family registry.
Nagpoon siyang mag-adal kan haikai nguna bilang sarong disipulo kan pararawitdawit na Chôfu haikai na si Goseian Shizan, na nag-ako saiya kan poetikong pangaran na Kikusha (orihinal na isinurat 菊車 alagad kan huri binago sa 菊舎). Kan 1781 [Tenmei 1], sa edad na 29, nagdesisyon siyang balikan an mga pagbaklay ni Matsuo Bashô (1644-1694) asin kan kagmukna kan sekta ni Jôdo Shinshû na si Shinran (1173-1263). Pagkatapos maghale hale sa Chôfu, inot siyang nagbisita sa Yahata Hitomaru Shrine sa distrito nin Ôtsu (modernong Yuya, Nagato, Yamaguchi Prefecture) tanganing mamibi para sa artistikong katibayan. Nagkua siya kan tonsure sa Seikôji, sarong templo kan Jôdo Shinshû sa Hagi na may koneksyon ki Hongan-ji, na nakaresibe kan pangaran na Budista na Myôi 妙意; dangan nagpoon siya nin sarong pagbaklay na nagsosolo tanganing pararomon an saiyang pakasabot sa rawitdawit na haikai.
Si Kikusha dangan nagbiyahe pasiring sa Kyoto asin Osaka, asin hali duman pasiring sa Probinsya nin Mino (modernong Prepektura nin Gifu ) kun sain binisita niya an haikai master kan Mino School na si Chôboen Sankyô asin nagin saiyang disipulo. Pagkatapos, sa pagsunod sa kurso kan Oku no hosomichi (Mahiwas na tinampo pasiring sa laog, Makitid na tinampo pasiring paitaas(north) ni Bashô na pagbaklay na pabaliktad, nagbaklay siya sa mga rehiyon kan Hokuriku, Shinano, asin Michinoku sagkod na makaabot siya sa Edo (modernong Tokyo). Nagdanay siya duman sa laog nin apat na taon, na sa katapustapusi tinapos an saiyang pagbiyahe sa paagi nin pagbalik sa Chôfu kan 1784 ( Tenmei 4). Pagkatapos, si Kikusha padagos pirme nagbibyahe pasiring sa mga lugar na arog karayo kan Kyûshû, na nagin saro sa pinakabantog na mga babaeng biyahero kan panahon nin Edo . An saiyang reputasyon nakadepende sa saiyang mga rawitdawit na haikai, alagad pakatapos kaini pinalawig niya an saiyang abot sa ibang mga larangan nin arte, kabali an kaligrapiya, pagpinta, an pitong-kuwerdas na koto, seremonya nin tsa, rawitdawit nin waka, asin kanshi .