Taira no Tokiko

Si Nii no Ama tigsalbar nia an saiyang makoapo, si Emperor Antoku na gikan sa dragon, sa sarong imprenta ni Yoshitsuya Ichieisai.

Si Taira no Tokiko (平 時子; 1126–1185) sarong Hapon na aristokrata gikan sa panahon kan Heian. Siya an kasaroan ni Taira no Kiyomori, ina ni Taira no Tokuko, asin lola ni Emperador Antoku. Aban-aban nagpanuga sia na magin sarong madre. Pakatapos kaini sa pagkagabusan, siya inaapod sa pangaran na Budista bilang an "Madre kan Ikaduwang Ranggo" (二位尼, Nii no Ama).

Pagkatapos magadan ni Kiyomori kan 1181, an aking lalaki ni Tokiko, na si Taira no Munemori, iyo an nagin lider kan angkan kan Taira. Pagkatapos kaini, siya nagin representanteng angkan kan Taira. Susog sa Estorya kan Heike, si Taira no Tokiko tiglamos nia an saiyang sadiri sa panahon kan Labanan kan Dan-no-ura kaiba an saiyanf makoapo, si Taira no Tokushi.

Buhay

Sa paghuna kan iba sia kinua bilang kasaroan ni Kiyomori sa taon na 1145, base sa taon nin pagkamundag kan saiyang enot na aki, si Munemori. Pagkatapos kan Heiji rebelyon , siya nagin taga-suso kan aking lalaki ni Emperador Nijō, asin kan Disyembre 24, 1160, naitaas an posisyon na magin Jusanmi sa rekomendasyon ni Yaso no Tsubone. An saiyang papel bilang taga-suso ni Emperador Nijō asin an estado ni Kiyomori bilang ama na nag-ampon nahihiling bilang sarong muwestra nin pagigin maimbod ki Emperador Nijō asin sarong demonstrasyon nin serbisyong politikal sa panahon kan iriwal sa pag-oltanan ni Emperador Nijō asin kan retiradong Emperador na si Go-Shirakawa.

Pagkatapos magadan ni Emperador Nijō, sia asin an saiyang tugang na babae sa ama na si Shigeko, nagin sarong paboritong kasaroan ni Go-Shirakawa, iyo an nagin tulay kan alyansa politikal sa tahaw ni Kiyomori asin Go-Shirakawa, asin kan si Prinsipe Norihito (Emperador Takakura) nakurunuhan bilang Prinsipe kan Oktubre 10, 16, siya pig halal sa Jūni-i kan Oktubre-16 21 kan parehong taon.

Kan 1168, sia asin si Kiyomori parehong nagretiro sa sekular na buhay. Pagkatapos na si Kiyomori nagduman sa Fukuhara, sia mina istar sa Nishi-Hachijō asin nginaranan ining Hachijō Kurashiki-tei. Kan 1171, kan si Tokuko naglaog sa korte bilang Emperatris Kan Emperor Takakura, sia nagkaigwa ning dakulang obligasyon sa pangangaki ni Emperatris Tokuko asin sa mga seremonya para sa pagkamundag asin pagpadakula lan mga prinsipe asin prinsesa kan imperyo, na nagpapararom kan relasyon sa kan angkan na Taira asin kan pamilya kan imperyo.

Pagkatapos kan politikal na kariribokan kan Gerang Genpei kan 1180, kan si makoapo ni Tokuko, si Emperador Antoku, nagtukaw sa trono, sia asin si Kiyomori tinawan kan titulong Junsanmi. Mantang si Kiyomori nagpahiling nin makusog na intensyon na gibohon si Munemori na saiyang kasurog sa saiyang mga huring taon, an sanga kan Komatsu kan angkan na Taira, mga gikan ni Taira no Shigehira, dai kabali sa mayor na linya, asin an linyada ni Tokiko an nagin bagong mayor na linya.

Pagkatapos magadan ni Kiyomori, si Tokiko, kaiba an saiyang aking si Munemori asin an saiyang aking babae na si Tokuko, na iyo an ina ni Emperador Takakura, nagin sentro pigura kan angkan na Taira, na igwa nin dakulang obligasyon bilang an espirituwal kan angkan. Kan an angkan na Taira nagsapo nin huring pagkadaog laban sa mga pwersa kan Minamoto sa Laban sa Dannoura, naghinghing sia ki Emperador Antoku, "An kabisera yaon sa irarom kan mga alon," dangan kinugos an hoben na emperador asin naglubog sa dagat, nagkomiter nin paggadan. Siya 60 anyos kan panahon na idto.

Susog sa "Gukanshō," si Tokiko sinasabot nagdara kan espadang Ame no Murakuno no Tsurugi, saro sa Tolong Sagradong Kayamanan, asin si Emperador Antoku sinasabing sia an nagdara kan hiyas mantang nakalubog. Am emperador naligtas pagkatapos. Siring man, susog sa "Azumakagami," si Tokiko sinasabi sia an nagkugos ki ki Emperador Antoku asin naglubog kan saiyang sadiri mantang dara nia an parehong Ame no Murakumo no Tsurugi asin an ibang Tolong Sagradong Kayaman, an Yasakani no Magatama.

Lubungan asin Legasiya

An saiyang lubungan sa Akama Shrine, kun saen kada taon sa Mayo 2, sarong pangirumdom an ginigibo kan angkan kan Taira na iniroganisar bilang Nasyonal Taira Angkan Asosasyon, dagdag pa, sa Hikiji, Siyudad nin Nagato, Yamaguchi Prepektura, ugwa nin baybayon na inaapod na "Nii-no-hama," na pinangaranan sa tradisyon na an saiyang hawak hinuhugasan duman sa baybayon. Ini sarong bantong na destinasyon sa baybayon.

Mga Onra

• Halangkaw na Ranggo kan Korte kan Hapon: Nguhod na Panduwang Ranggo (従二位)