Taira no Tokuko

Si Taira no Tokuko (Taira no Tokushi) (平 徳子; 1155 – Enero 25, 1214),[1] namidbid sia bilang Kenreimon-in (建礼門院), iyo an aking babae ni Taira no Kiyomori asin Taira no Tokiko. Sia an emperatris na agom ni Emperador Takakura.

Si Tokuko iyo man an huring Imperyo na nakaligtas sa dakulang ralabanan sa dagat kan Dan-no-ura.

An saiyang buhay nagin sarong nakakapukaw na naratibo bilang parehong kasaysayan asin literatura na nabubuhay.

Sa kasaysayan

Aking babae kan sarong emperador

Si Tokuko nagin an ampon na aking babae ni Emperor Go-Shirakawa (後白河天皇, ''Go-Shirakawa-tennō'') sia an ika-77 emperador kan Hapon na naghade poon 1155 sagkod 1158. Kan 1171, kan si Tokuko 17 anyos, an emperador naghale asin naglaog sa trono pagkapadi kan Budhi, na nagpuon sa pangaran na Budista na Gyōshin.

Agom kan sarong emperador

Kan 1172, si Tokuko inagom an ikaapat asin solamenteng nabubuhay na aking lalaki ni Go-Shirakawa, si Emperador Takahara. Si Emperador Takakura. Si Takura aiyo man an saiyang pinakaenot na pinsan nin huli ta an saindang ina, magtugang sa ina. An kasal inareglo, tanganing mapakusog an alyansa kan duwang magkapanugangan na lalaki; Si Go-Shirakawa an nag-isponsor ni Kiyomori bilang Chancellor Kan Realm, mantang si Kiyomori nagtao nin suporta militar asin pinansyal ki Go-Shirakawa.

An aking lalaki ni Tokuko asin Takakura, Prinsipe Tokihito, namundag kan 1178. Pakalihis sana nin sarong taon, si Kiyomori naglansar nin sarong kudeta, na hinale an saiyang mga karibal sa politika sa saindang mga katongdan, pinalayas sinda, asin sinalidahan sinda kan saiyang mga kaalyado asin mga kapamilya. Ipinapreso pa ngani niya si Go-Shirakawa; sa puntong ini sinda nawara na sa saindang alyansa sa politika.

An Kenrei-mon (建礼門), saro sa mga trangkahan pasiring sa Kyoto Imperial Palace

Kan 1180, si Emperador Takakura napiritan na maghale sa pwesto ni Kiyomori; Si Prinsipe Tokihito nagtukaw sa trono bilang Emperador Antoku. Ngonyan sia sarong emperatris na balo na, si Tokuko nag-ako kan pangaran na Kenrei-mon In. Sa panahon na ini, an mga pangaran kan nagkapirang trangkahan sa mga lanob na nakapalibot sa imperyal na mga natad bako sanang nanonongod sa mga pagbukas kan lanob mismo; an mga pangaran na ini ginamit man tanganing magsambit nin bakong direkta sa sarong haraning istaran nin sarong emperatris na an agom naghale, o bilang sarong bakong direktang paagi nin pagsambit sa sarong emperatris na balo mismo. Halimbawa, Kenrei-mon In (建礼門院) , na an opisyal na harong, pagkatapos kan paghale asin pagkagadan ni Emperador Takakura, yaon harani sa Trangkahan kan Kenrei.

Ina kan sarong emperador

Si Tokuko, na ngonyan Kenrei-mon In, iyo an ina ni Emperador Antoku. An aking emperador naghade poon 1180 sagkod 1185.

Nakaligtas sa Dan-no-ura

Pwedeng sabihon, an pinakamasakit na mga momento sa buhay ni Kenreimon-In kan nangyari harani na an katapusan kan ralaban sa Dan-no-ura, na nangyari harani sa timog na poro kan Honshu sa Shimonoseki, Yamaguchi.

• Genryaku 2, kan ika-24 aldaw kan ika-3 bulan (Abril 25, 1185): An Taira asin an Minamoto nag-iriwal sa huring pagkakataon.

An mga Taira desididog nadaog. Dakul sa mga samurai kan Taira an nag-apon kan saindang mga sadiri sa mga alon imbes na mabuhay tanganing mahiling an ultimong pagkadaog kan saindang angkan sa kamot kan mga Minamoto. An lola ni Antoku, si Taira no Tokiko, an balo ni Kiyomori, naglukso sa tubig, an hoben na emperador marigon na nakakugos sa saiyang mga takyag.

Si Kenrei-mon In nagprobar man na lamuson an saiyang sadiri; alagad susog sa mga kombensyonal na inaako man na mga istorya, sia hinale gamit an sarong kagkag huli sa saiyang halabang buhok.

Budista na madre

An dating aking babae, agom, asin ina kan mga emperador nagin sarong parasolo sa saiyang mga huring taon.

• Bunji 1, kan ika-1 aldaw kan ika-5 bulan (1185): Si Kenrei-mon In nagkua kan tonsure sa Chōraku-ji, sarong sanga na templo ni Enryaku-ji sa Higashiyama .
• Bunji 1, kan ika-30 aldaw kan ika-9 na bulan (1185): Si Kenrei-mon In nag-atras pa sa kinaban kan siya nagbalyo sa Jakkō-in [ ja ], sarong Budismong monasteryo harani sa baryo nin Ōhara [ ja ], amihanan-sirangan kan Heian-kyō. ... Archived 2007-10-24 at the Wayback Machine. Mag-click para sa link sa mga retrato ni Jakkō-in asin Ōhara Archived 2007-10-24 at the Wayback Machine. Archived
• Bunji 2, kan ika-20 aldaw kan ika-4 na bulan (1186): Si Gyōshin, an nakakulong na dating Emperador na si Go-Shirakawa, nagbisita ki Kenrei-mon In sa saiyang rural na pag-atras sa Ōhara.
• Kenkyū 2, sa ika-2ng bulan (1192): Si Kenrei-mon In nagadan sa Ōhara.

An dating pinapangalad na babaeng ini sinasabing nagkomposo kan rawitdawit na ini sa saiyang kubo nin ermitanyo:   Napangaturugan ko daw na mahihiling ko an bulan Digdi sa bukid -- An bulan na dati kong nahihiling Sa kalangitan sa ibabaw kan palasyo?

Sa literatura

Dakul na mga istorya asin obra nin arte an naglaladawan kan panahon na ini sa kasaysayan kan Hapon, asin sa paagi kan mga pinagkukuanan na ini na an buhay ni Taira no Tokuko pinakamidbid. An Osipon kan Heike iyo an pinakabantog sa mga pinagkukuanan na kun saen kita nakakanuod manungod sa makasaysayan na karakter na ini, dawa ngani kadakol na mga dula na kabuki asin bunraku an nagrereprodusir man kan mga pangyayari kan gera.

An sentral na tema kan istorya ni Heike—asin an tema kan istorya nin buhay ni Taira no Tokuko—sarong demonstrasyon kan batas kan Budismo nin impermanente. An tema nin dai permanente ( mujō ) nakua sa pambukas na dalan:

An tanog kan mga kampanilya kan Gion Shōja nag-aalingahot kan pagigin bakong permanente kan gabos na bagay; an kolor kan mga burak na sāla nagpapahiling kan katotoohan na an mga mauswag dapat na magluya. An mga mapalangkaw dai nagtatagal, garo sinda sarong pangatorogan sa banggi nin tigsoli; an mga makosog nahuhulog sa katapustapusi, sinda siring sa alpog sa atubangan nin doros.

Ini asin sa iba pang mga klasikong osipon na Hapon, an mga sentral na pigura midbid na gayo, an mga mayor na pangyayari sa pankagabsan nasasabotan, asin an mga istaka siring sa saindang pagkasabot kan panahon na idto kombensyonal na inaako bilang mga elemento sa pundasyon kan kulturang Hapon. An pagigin eksakto kan lambang saro sa mga rekord na ini sa kasaysayan nagin sarong nakakapukaw na tema para sa pang pag-adal; asin an nagkapirang pagkasaysay napatunayan na mahaloy sa mahiwas na pagsiyasat, mantang an ibang pinaghohona na “mga katunayan” nagin bakong eksakto. Sa literatura sa tataramon na Ingles, an buhay asin pagreynar ni Tokuko ilinaladawan sa bilog na duwang tomo na naratibo sa kasaysayan na fiction, White as Bone, Red as Blood, ni Cerridwen Fallingstar, na ipinublikar kan 2009 asin 2011, sunod-sunod.