Tatsuko Hoshino
| Tatsuko Hoshino | |
|---|---|
 | |
| Katutubong ngaran | 星野 立子 |
| Minundagan | 15 Nobyembre 1903 Tokyo, Japan |
| Kagadanan | Error: Need valid death date (first date): year, month, day Kamakura, Kanagawa, Japan |
| Nilubongan | Jufuku-ji, Kamakura, Japan |
| Kasibotan | writer |
| Genre | haiku poetry |
| Hirong pagsurat | Hototogisu |
Si Tatsuko Hoshino (星野 立子, Hoshino Tatsuko; 15 November 1903 – 3 March 1984) an sarong Hapones na pararawitdawit nin haiku na nagin aktibo sa panahon nin Shōwa sa Japan.
Mga amay na taon
[baguhon | baguhon an source]Si Hoshino namundag sa Kōjimachi, Tokyo, bilang aking babae ni Takahama Kyoshi, sarong pararawitdawit asin nobelista. Nag-adal siya sa preparatory school para sa Tokyo Woman's Christian University. Pagkatapos kan saiyang kasal sa makoapo ni Hoshino Tenchi, pig-liwagan siya kan saiyang ama na magpoon na magsurat nin haiku asin dai nahaloy nagpahiling nin sarong makangangalas na talento.
Karera sa literatura
[baguhon | baguhon an source]Kan 1930, nagpundar si Hoshino nin sarong magasin na haiku na eksklusibo para sa mga babaying inaapod na Tamamo. Nag'ayon siya sa Hototogisu literary circle pakalihis nin duwang taon, asin naghiras kan posisyon bilang nangengenot na babaeng pararawitdawit nin haiku ki Teijo Nakamura. Dangan pigsaro an duwa ni Takako Hashimoto asin Takajo Mitsuhashi .
Kan 1937 ipinublikar ni Hoshino an saiyang pinakaenot na antolohiya nin haiku, na sinundan nin iba pang mga tomo kaiba an Kamakura, Sasame asin Jitsui. An saiyang istilo nagdanay na maimbod sa pag-insistir kan saiyang ama sa mga tradisyonal na porma, asin sa paggamit nin natural na simbolismo, alagad na-temper kan saiyang pagkamoot sa naturalesa asin sarong malumoy, pambabaeng paagi sa aroaldaw na buhay.
Pagkagadan kan saiyang ama, nagin parapili si Hoshino nin haiku para sa Asahi Shimbum, asin nagkontribwir sa mga kolum nin haiku sa manlaen-laen na peryodiko asin magasin.
Apwera sa haiku, nagpublikar man siya nin mga dokumentaryo sa pagbiyahe, arog kan Tamamo haiwa ("Mga Istorya kan Grupong Tamamo") asin Yamato Seki-Butsu ("Mga Budyang Gapong Yamato").
Nagpoon na mag-istar si Hoshino sa Kamakura, prepektura nin Kanagawa kan 1911 asin pakatapos nin halipot na panahon sa Tokyo, nagbalik siya sa Kamakura kan 1931 asin nagtutubod na ini sarong marahay na lugar tanganing padakulaon an saiyang mga aki. Nagadan siya kan 1984 sa edad na 80. An saiyang lolobngan yaon sa templo ni Jufuku-ji sa Kamakura.
Saro siya sa "4 Ts" kan mga babaeng pararawitdawit nin haiku na Japan; an iba pang tolo iyon si Takajo Mitsuhashi, Teijo Nakamura, asin Takako Hashimoto . [1]
Hilingon man
[baguhon | baguhon an source]- ↑ Haiku Mind. Shambhala Publications. 2008. pp. 40, 42, 80, and 196. ISBN 978-0-8348-2235-1.
Mga pinagkukuanan
[baguhon | baguhon an source]- Atsumi, Ikuko (editor). Mga Babaeng Pararawitdawit kan Hapon . New Directions Publishing Corporation (1982).ISBN 0-8112-0820-6ISBN 0-8112-0820-6