Tawaraya Sōtatsu
Tawaraya Sōtatsu (俵屋 宗達; 1570 - 1640) sarong Hapon na designer nin muwebles asin pintor kan eskwelahan na Rinpa.
Si Sōtatsu pinakabistado sa saiyang mga dekorasyon sa calligraphic kaabay kan saiyang kaibahan na si Hon'ami Kōetsu (1558–1637), asin sa saiyang mga kamangha-mangha asin dakulang impluwensyang byōbu na mga folding screen, an National Treasures na Wind God asin Thunder God, pati na an saiyang pagpinta kan mga kabanata na Sekiya asin Miotsukushi haloy sa The Tale of Genji. Pinapasikat man niya an teknik na tinatawag na tarashikomi, kun sain an ikaduwang patong kan pinta tiglalaag bago pa man magtuyo an primero na patong.
Bistado man siya bilang nagmukna kan Rinpa na eskwela para sa mga hapon na pintor kaibahan si Kōetsu. An Rinpa dai lang saro na eskwela, kundi grupo nin mga pintor na impluwensyahan kaini ni Sōtatsu asin Kōetsu. Pira sa mga nabistado na pintor hale sa Rinpa iyo sina Ogata Kōrin (1658–1716), Ogata Kenzan (1663–1743), asin Sakai Hōitsu (1761–1828). Dae siya bistado bilang pintor sa saiyang panahon alagad ngunyan siya an ikaduwang pinabisto na pintor sa Japan base sa kadakul nin bilang kan mga inclusion sa National Treasures of Japan.
Biograpiya
[baguhon | baguhon an source]An eksaktong petsa kan pagkaaki ni Sōtatsu, bandang 1570, dai pa klaro, pati na an lugar kan saiyang kapangakian. An pintor na si Tani Bunchō (1763–1841) nagsabi na si Sōtatsu orihinal na hale sa Noto asin nag-adal siya sa pamamayo ni Sumiyoshi Jokei sa Kyoto. Posible na an saiyang apelyido Nonomura.
Taong 1602 , nagtrabaho siya pamilya kan Taira para mag-ayos kan 12th-century na mga sutra scroll na Heike nōkyō sa Itsukushima shrine sa Miyajima. Ini an pinakaunang mga pinta na igwa nin attribution kay Sōtatsu, pero nagpapahiling na ini kan mga karakteristic kan saiyang mga huring obra. Tinutubudan man na si Kōetsu posibleng nakapagtrabaho man sa pag-ayos kan mga scroll.
An pinakaenot na kumpirmadong kolaborasyon ki Hon'ami Kōetsu (1558–1637) yaon sa Sagabon (Saga Books), sarong ambisyosong proyekto na pinonan kan mga 1606 ni Suminokura Soan (1571–1632) tanganing magpublikar nin mga detalyadong edisyon kan klasikal na librong Hapon asin mga libretto kan Noh. Si Sōtatsu an nagmukna kan mga disenyo para sa mga takop asin papel kan kadaklan sa mga libro, mantang si Kōetsu iyo an kaligrapo kan nagkapira sa mga teksto. An pangaran na Sagabon gikan sa suburb kan Kyoto kun saen ginibo an libro.
Si Sōtatsu nagpakasal sa sarong pinsan ni Koetsu. Nagbukas man siya nin sarong tindahan sa Kyoto, na an pangaran Tawaraya, kun saen siya nagtitinda nin manlaen-laen na dekorasyon na mga bagay, kabali an mga bentilador, papel na parol, mga screen, mga munyika asin mga disenyo para sa kimono, asin nagkua man siya nin mga komisyon para sa pagdekorasyon nin mga laog. An tindahan dai nahaloy nin huli ta namidbid an saiyang kahusayan sa arte.
An kolaborasyon nina Sōtatsu asin Kōetsu natapos kan mga 1620,nin huli ta siya nagrarayo sa propesyon nin dekorador asin disenyador, asin nagpoon na magtutok nin orog sa saiyang karera bilang sarong pintor.
Siya an nagdekorar kan mga pinto asin mga pantalan kan templo ni Yōgen-in durante kan rekonstruksyon na ipinagboot kan agom ni Tokugawa Hidetada's wife kan 1621, asin kan 1630 tinawan siya kan titulong hokkyō ("Tulay kan Dharma"), an ikatolong pinakahalangkaw na ranggo na itinatao sa mga artistang Budista.
An mga sirkumstansya kan pagkagadan ni Sōtatsu mayong nakakaaram, alagad posibleng nagadan siya kan mga taon 1640. An pinakamatrayumpo sa saiyang mga direktang estudyante iyo si Tawaraya Sōsetsu asin Kitawaga Sōsetsu.
Mga gibo
[baguhon | baguhon an source]An Waves at Matsushia na tigpinta kan mga taon 1620, pigkokonsiderar kan nagkapira na obra maestra ni Sōtatsu.
An Anthology with Cranes (鶴図下絵和歌巻) sarong handscroll na tigdekorar ni Sōtatsu gamit an pilak asin bulawan na pintura, kaibahan an mga kaligrapiya ni Hon'ami Kōetsu. Ini naglalaman nin sarong sa mga pinakapusong kaligrapiya ni Kōetsu asin saro sa pinaka-mahusay na halimbawa kan mga dekoratibong huring obra ni Sōtatsu. Posible na ini na obra iginibo sa pagitan kan 1602 hasta 1620, na panahon kung sain kadakolang tawo nagtataram kung nagtrabaho sinda ni Sōtatsu asin Kōetsu.
An teksto kan scroll sarong koleksiyon nin mga tula na waka hale sa mga poetang bistado bilang Thirty-Six Immortals of Poetry ('Trinta y Sais na Mga Imortal nin Panulatan'), na naglalaom nin saro na tula hale sa kada saro sa 36 na kasali kan grupo. An visual na disenyo iyo an mga gansa na nakatindog o nagpapalupad sa kadakol asin sa laba an scroll. An kahabilidad ni Sōtatsu sa pagdisenyo asin an saiyang 'napapirmi na orihinalidad' pinasidunggan talaga.
An scroll may sukol na 34.1 cm x 1356 cm asin arog kan Kyoto National Museum. Ini sarong Important Cultural Property.
An Poem Scroll with Deer saro pang kolaborasyon sa Hon'ami Kōetsu. An mga usa na pirak asin bulawan nag-uuyag kaiba an mga rawitdawit gikan sa antolohiya na Shin Kokinshi (新古今集). Nabanga ini sa mga pidaso pagkatapos kan Ikaduwang Giyerang Pankinaban . An pinakadakulang magkataraid na seksyon, na sinasabing labing un-tersio kan kumpletong obra, yaon ngonyan sa Seattle Art Museum.
An Wind God and Thunder God (紙本金地著色風神雷神図) sarong pares tao sa pinta gamit an tinta asin mga kulay sa papel na ginarayan nin bulawan. Pinapahiling kaini si Raijin, an Diyos kan kilat, kulog asin mga bagyo sa relihiyong Shinto asin sa mitolohiya kan Japan, asin si Fūjin, an Diyos kan duros. Mayo nin sinabi sa inskripsyon o selyo, pero dai tigninigar kaini kay Tawaraya Sotatsu.
Ini sarong partikularmenteng prominenteng obra sa eskwelahan nin Rinpa huli ta an duwang iba pa sa mga mayor na pigura kaini, Ogata Korin (1658–1716) asin Sakai Hoitsu(1761–1828), nagkopya kan pintura bilang pag-omaw (hilingon an bersyon ni Korin). An gabos na tolong bersyon kan obra ipinahiling na magkaibanan sa kaenot-enote sa laog nin setenta y singko taon kan 2015, sa eksibisyon kan Kyoto National Museum na "Rinpa: An Estetika kan Kapital".
An kada screen may sukol na 169.8 cm × 154.5 cm (66.9 pulgada × 60.8 pulgada). Ini arog kan Zen Buddhist tembo na Kennin-ji sa Kyoto, pero minsan na ipahiling sa Kyoto National Museum. Ini sarong National Treasure kan Japan.
An Dragons and Clouds sarong obra sa Freer Gallery of Art na midbid man bilang National Museum of Asian Art, sa Washington, DC dai pinag-olayan kan mga historyador nin arte na Hapon sagkod kan 1971, kan ibugtak ni Yumane Yuzo an pinturang ini sa konteksto kan mga obrang arte sa Japan, arog kan Waves and Dragon screen sa Honpou- Ji Temple sa Kyoto . An mga detalye manungod sa pagsasadiri kan pinturang ini bago ini binakal ni Charles Lang Freer kan 1905 gikan sa paratinda nin arte na si Bunshichi Kobayashi dai aram, alagad ini ngonyan pigkokonsiderar na saro sa pinakamarahay na halimbawa kan paggamit ni Sotatsu kan tarashikomi wet-on-wet na teknik, na kun saen art an paggibo nin arog kan mga panganoron.
Kan panahon na ginibo ni Sotatsu an screen na ini, an mga pinturang monochrome ink kan mga dragon parati na nakabasar sa ika-15 siglong gibo kan mga monghe-pintor arog ni Sesshu asin Sesson, asin man an mga naenot, mga pintor na Intsik na si Chen Rong (bantog sa saiyang mga pintura nin dragon) asin Muqi. Kan ika-17 siglo, an mga dragon nagbutwa bilang sarong popular na motibo sa darakulang pormat na mga obra arog kan mga folding screen asin mga sliding door panel. An Dragon and Clouds ni Sotatsu sarong anom na panel na screen, na may petsang amay sa 1600s dawa ngani an lugar kaini sa kronolohiya kan saiyang obra pinagdidiskutiran, asin igwa nin mga dimensyon na 171.5x 374.3 cm (itaas), 171.5 x 374.6 cm (ubos). An mataas, mas dakulang dragon sa sarong lado naglalayog pasiring sa kalangitan sa tigsoli, mantang an dragon sa lado minababa sa bungaw sa tigrakdag.
Mga Eksibisyon
[baguhon | baguhon an source]An Freer Gallery of Art nag-organisar kan pinakaenot na retrospektibo sa luwas kan Japan poon Oktubre 2015 sagkod Enero 2016.