Tojikhon Shodieva

Tojikhon Shodieva
Ladawan:Tojikhon Toshmatovna Shodieva.jpg
Kamundagan	ika-26 kan Oktubre, 1905 Yangichek, Margilon district, Russian Turkestan, Russian Empire
Kagadanan	Enero, 1981 Uzbek SSR, Soviet Union
Pagkahimanwa	USSR
Mga gawad	Order of Lenin

Si Tojikhon Toshmatovna Shodieva ; (1905 – Enero 1981), sarong aktibistang komunistang Sobyet-Uzbek sa Hujum. Biktima man siya kan pag-agom nin amay, asin saro sa pinakahoven na babae sa Fergana na naghali kan saiyang paranja sa kadakol na tao, saro man siyang lider sa sarong lokal na prominente kan katalingkasan kan kababaihan, na naging rason kan pagiging aktibong miyembro kan partidong komunista saka sarong editor kan Yangi Yo'l na sarong magasin kan kababaihan. Alagad, huli kan nadakop siya kan Marso 1938 sa kasagsagi kan Great Purge pakatapos kaini nakulong siya sa kampo kan Magadan labor. Pakatapos kan saiyang pakakulong pinaluwas asin narehabilitar siya pakagadan kan Stalin, na iyo man an nagresulta kan pagbalik saiya kan saiyang mga premyo asin an pagbalik saiya bilang miyembro kan partido na nasabi. Siya nagsuperbisar kan pag uswag kan sarong kolektibong umahan asin naging pamayo kaini, pakgadan niya ipinangaran ini saiya bilang pag onra.

Pagkahubin

Si Shodieva ipinangaki kan ika-26 kan Oktubre 1905, sa sarong pamilya na sarong minero sa baryo Yangichek, na iyo na an inaapod ngunyan na Margilon. Kan siya onse pa sana an saiyang ama na si Tashmat Mirzabaev, na sarong minero, pinabakal siya sa kantidad na 200 na rubles sa sarong mayaman na shaman na hali sa Kokand na igwang siyam na agom. Kan saindang kasal, inabuso man siya asin kadakol pang naging agom. Pakatapos kan saiyang pag tios sa pang aabuso na nag abot pirang taon, naisalba siya kan taong 1920 kan pamayo kan departamento kan kababaihan kan Komite kan Rehiyonal na Partido kan Fergana, na iyo an nagtabang saiya para makahali asin maka-eskwela.

Karera sa politika

Bilang sarong estudyante kan eskwelahan kan partido, naya sa Komsomol, pakatapos na makatapos sa nasabing eskwelahan kan 1921, pinadara siya sa Khorzem para mag-tabang sa departamento kan kan kababaihan, na tig porma kan Republika kan Sobiet kan banwaan kan Khorezm. Kan 1924 pakatapos niyang makompleto an saiyang training sa nasabing departamento kan kababaihan sa banwaan kan Kokand, naging paratukdo siya duman; kan taon na ito naimbitaran man siya na magtaram sa Kongreso kan Komsomol Moscow sa Bolshoi Theater, pusog siyang nagtanggal kan saiyang belo sa kadakol na tao na iyo an pinaka-inot na nagtindog sa podium asin magtaram. Susog sa ibang sabi-sabi, nagpuon siyang magsulot nin belo kan nagbalik siya sa Kokand, alagad pinundo niya man ini kan taong 1924 hanggang 1926; na kan panahon na iyan pormal na siyang nakipag-suwayan sa saiyang abusong agom, pakatapos nag agom siya nin sarong miyembro kan saindang partido. Puon kaidto, sa ibong kan kadakol na pananakot sa saiya, siya nagpadagos na magsirbe asin maglaban para sa mga kababaihansa Sentral na Asya. Kan Enero 1925 naging lubos na miyembro na siya kan sarong Komunista. Pagkatapos kan pormal na pagpuon kan hujum kan 1926 siya pig-promote bilang sarong deputy head kan departamento kan mga kababaihan kan Rehiyonal na Komite kan Fergana tanganing makatabang sa pagpuon kan kampanya, kan taon na iyan nagin pamayo man siya kan deputy kan departamento kan kan kababaihan kan Komite Sentral kan Partido Komunista kan Uzbec SSR, na kun sain nagdanay hanggang Marso 1900. kan taon na iyan naresibe niya an inot niyang premyo, an Orden kan Pulang Bandera nin Trabaho, asin nag biyahe sa Moscow para mag-atendir kan tulong-taon na kurso para sa ehekutibo; kan matapos niya ini kan 1933 nagin pamayo siya kan departamentong politikal kan sarong istasyon nin traktora kan Makina. Dagdag kaini, nagin editor siya kan saron Magasinng para sa kababaihan kan Uzbek na Yangi Yo'l (Bagong Babae) kan Nobyembre 1929, asin kan Enero 1930 siya nagin kandidatong miyembro kan Sekretarya kan Komite Sentral kan Partido Komunista kan Uzbek SSR. Kan Marso kan parehas na taon, siya nagin deputy head kan organisasyon asin departamento nin instruksyon kan partido. Kan 1934 siya nagin miyembro kan ika17 Kongreso kan gabos na partidong komunista; kan taon man na ito, nag-ako siya kan Order kan Lenin. Puon 1935 hanggang 1937 nagserbi sita sa ika-7 konbokasyon sa Central Executive Committee sa USSR. Kan 8 Marso 1937 siya naelihir na inot na sekretarya kan Komite kan Partido kan Distrito kan Molotov.

Pagbagsak

Kan 1937, na kasagsagi kan pan-aapi sa politika kan taong 1930 siya asin an iba pa niyang kairiba nakulong. Kan ika-28 kan Marso 1938 nasentensiyahan sa nin pagkakakulong na maabot sampulong taon sa kampo, alagad an saiyang sentensya napalawig pa asin nag resulta nin halos duwang dekadang pag-kakakuling sa Magadan bago siya pinaluwas asin narehabilitar kan 1956.

Si kasunod na pangyayare sa saiyang buhay

Pakalaya niya asin pakatapos kan rehabilitasyon naibalik saiya an saiyang mga premyo asin naibalik siya sa partido. Sa kahurihurihi nagbalik siya sa Uzbek SSR asin nagmukna nin sarong winery sovkoz  na ipinangaran ki Usman Yusupov sa kababan kan Ferghana, na kun sain nagin direkto siya kan 1958. Dugang pa, nagtao siya nin mga diskurso sa mga grupo nin mga miyembro kan komsomol manungod sa buhay bago asin pagkatapos kan hujum. Pakalihis nin pirang panahon pagkatapos niyang magadan kan Enero 1981 an sovkoz  na saiyang pigtogdas asin pigdirehir pinangaranan giraray sa saiyang onra, asin nagkapirang tinampo sa Uzbek SSR ipinangaran man saiya.

Mga Premyo

• Orden kan Lenin
• Orden kan Rebolusyon kan Oktubre
• Duwang Orden kan Pulang bandera kan Pagtrabaho
• Orden kan Badge of Honor