Tokyo Godfathers

Tokyo Godfathers
Ladawan:Tokyo Godfathers (Movie Poster).jpg Theatrical release poster
Pigdirekto ni/kan	Satoshi Kon
Pigproduser ni/kan	Shinichi Kobayashi Masao Takiyama Taro Maki
Screenplay ni	Keiko Nobumoto Satoshi Kon
Uusipon ni/kan	Satoshi Kon
Pinangengenotan ni/nina	Tōru Emori Yoshiaki Umegaki Aya Okamoto
Musika kan	Keiichi Suzuki Moonriders
Sinematograpiya	Katsutoshi Sugai
Pigliwat ni	Takeshi Seyama Kashiko Kimura
Kompanya nin produksyon	Madhouse
Pigdistributer ni/kan	Sony Pictures Entertainment Japan
Petsa nin pagpapaluwas	Agosto 30, 2003 (2003-08-30) (Big Apple Anime Fest) Nobyembre 8, 2003 (2003-11-08) (Japan)
Oras nin pagdadalagan	92 minutes
Nasyon	Japan
Tataramon	Japanese
Badyet	$2.4 million
Box office	$847,106

An Tokyo Godfathers (東京ゴッドファーザーズ, Tōkyō Goddofāzāzu) sarong 2003 Japanese animated Christmas tragicomedy adventure film sinurat asin tig direkta ni Satoshi Kon. Saro sa mga nag boses sina Toru Emori, Yoshiaki Umegaki, asin Aya Okamoto bilang bidang karakter.

Si Kon na-inspirar kan 1948 Amerikanong pelikula na 3 Godfathers tanganing gibohon an pelikula. Bakong arog kan ibang mga pelikula ni Kon, an Tokyo Godfathers mas nakabase sa realismo. Alagad, siring sa tipikal na trabaho ni Kon, an pelikula igwa nin mga aparato na bakong direkta, asin si Kon mismo inapod ining sarong biribid na sentimental na istorya.

An Tokyo Godfathers pinaluwas sa Japan kan Nobyembre 8, 2003, asin sa Norte kan Amerika kan Enero 16, 2004. Nanggana ini nin Excellence Award sa 2003 Japan Media Arts Festival asin Best Animation Film sa 58th Mainichi Film Awards .

Estorya

Kan Bisperas nin Pasko, tolong tawong mayong istaran—sarong dae kagurangan na maparainom na si Gin, an babaeng transgender na si Hana, asin an tin-edyer na nagdulag na si Miyuki—nakadiskobre nin sarong inabandonang omboy mantang naghahanap sa basurahan nin mga regalo, kaiba an sarong surat na naghahagad sa siisay man na makakua kan omboy na atamanon siya nin marhay asin sarong susi nin bag na may mga paisi kun isay an mga magurang kaini. An tulo nagpoon na hanapon an mga magurang kan omboy, asin nginaranan siya ni Hana nin Kiyoko, base sa traduksiyon sa Japan kan " Silent Night " asin literal na nangangahulugan na "inosenteng aki".

Sa luwas kan sementeryo, an grupo naka engkwantro nin sarong lider kan yakuza na nakulong sa irarom kan saiyang kotse. Pagkatapos ninda ining tabangan, itinao niya sa sainda an saiyang business card asin sinabihan sinda na mag-apod lang saiya kung may kaipuhan. Dangan inimbitaran niya sinda sa kasal kan saiyang aking babae, na mapaagom sa maykagsadiri kan club kun saen nagtatrabaho kaidto an ina ni Kiyoko. Sa resepsyon, sinabi sainda kan nobyo na an ina ni Kiyoko sarong dating bar girl na an pangaran Sachiko. Tinao niya sainda ang adres kan ina ni Kiyoko na si Sachiko, alagad an pagtiripon napundo kan an sarong Latino na paragadan nag-abot asin nagprobar na badilon an ama kan nobya bago kidnapon si Miyuki asin Kiyoko.

Sa harong kan si paragadan, nakipag-amigo si Miyuki sa saiyang agom dawa dae nagkakaintindihan an saindang tataramon. SHabnag sinda nag uulay, si Miyuki nagtuga na nagdulag sa saiyang harong pagkatapos na saksakon an saiyang mapagkontrol na ama, kan an saiyang padangat na ikos, na si Angel, nawara, sa pagtubod na siya an nag gadan igdi.

Mantang hinahanap ni Hana si Miyuki asin Kiyoko, inaataman ni Gin an sarong gurang na magagadanon na sa tinampo. Pagkatapos na tawan si Gin nin sadit na pulang bag, an lalaki nagadan nin matoninong. Sarong grupo nin mga tin-edyer an nag-abot asin binugbog si Gin asin an bangkay kan lalaki.

Mientrastanto, pighahanap ni Hana an mga babayi. Naghahanap nin istaran, nagduman sinda sa Angel Tower, sarong club na dating pinagtatrabahuhan ni Hana bago niya insultuhon an sarong mayong respeto na kostomer. Si Gin, na ilinigtas kan saro pang miyembro kan club, yaon man duman. Nagtuga si Hana na siya nagin pulubi pakatapos kan aksidenteng pagkagadan kan saiyang nobyo. Sa huri nadiskobre kan tulo na an harong ni Sachiko ginaba na asin dai maogma sa saiyang buhay kaiba an saiyang agom, sarong parainom asin parasugal. Nahiling ni Miyuki an mensahe kan saiyang ama sa dyaryo na an saiyang ikos na si Angel nag uli na. Asin duman niya naisip an saiyang nagibong kasalan, si Miyuki nagprobar na apodan an saiyang ama, alagad natakot asin ibinaba an telepono bago pa siya makataram nin sarong tataramon. An grupo nagpapahingalo sa sarong tindahan hanggang sa sinda pahalion igdi.

Kan si Hana nawaraan nin malay, pinakiulayan niya an saiyang grupo na magpirmir muna sa ospital. Duman, nahiling ni Gin an saiyang nasuhay na aking babae, na inaapod man na Kiyoko, na nagtatrabaho bilang sarong nars. Si Hana nagtutuya ki Gin sa atubangan kan saiyang aking babae asin nagluwas sa ospital, si Miyuki nakasunod sa likod karakarga an omboy na si Kiyoko. Nanompongan ni Hana asin Miyuki si Sachiko na madali nang maglukso sa sarong tulay. Tig-insistir ni Sachiko na kinua kan saiyang agom an omboy nin dai niya aram, asin ibinalik saiya ni Hana asin Miyuki an omboy.

Hinanap ni Gin an agom ni Sachiko, na nagkumpirma na si Kiyoko bakong saiya o ki Sachiko asin hinabon ni Sachiko sa ospital. Hinapag ni Miyuki si Sachiko sagkod sa pinakataas kan sarong edipisyo. Ibinulgar ni Sachiko na siya nagbados sa paglaom na mapaparani siys sa saiyang agom; kan an saiyang omboy namundag na gadan, kinua niya si Kiyoko sa ospital, na iniisip sa saiyang kamunduan na si Kiyoko saiya. Si Sachiko naglukso hale sa edipisyo; Nasalo man siya ni Miyuki bago siya mahulog, alagad nahulog si Kiyoko. tulos man na naglukso si Hana, para masalo an omboy na nakasabit sa bandera sa gilid kan edipisyo. Mantang an bandera nagpopoon nang magluya, an sarong huyop nin doros milagrosong nagpaluway kan pagbaba kaini, na nagtutugot ki Hana asin Kiyoko na ligtas na makaduong sa daga. Kan saindang pagtiripon giraray, ihinulog ni Miyuki an pulang bag kan gurang na lalaki sa salog, nabunyag an sarong tiket na nanggana sa loterya. Pagbalik sa ospital, an tunay na mga magurang ni Kiyoko nagpasalamat sa trio sa pagbalik kan saindang aking babae asin hinagad sainda na magin saiyang mga ninang asin ninong kaini. Kan an sarong inspektor kan pulis ipinamidbid sinda, an inspektor nabunyag na iyo an ama ni Miyuki.

Boses

An mga artista kan Tokyo Godfathers

Karakter	Hapon	Ingles
		Animax / Red Angel Media	GKIDS / NYAV Post (2019)
Gin	Tooru Emori	Darren Pleavin	Jon Avner
Hana	Yoshiaki Umegaki [ ja ]	Russell Wait	Shakina Nayfack
Miyuki	Aya Okamoto	Candice Moore	Victoria Grace
Oota	Shouzou Iizuka		Jamieson Price
Ina	Seizou Katou		Kate Bornstein
Yasuo	Hiroya Ishimaru		Kirk Thornton
Pulubing lalaki	Ryuuji Saikachi		David Manis
Ishida	Yuusaku Yara		Crispin Freeman
Sachiko	Kyouko Terase		Larissa Gallagher
Aking babae ni Gin na si Kiyoko	Mamiko Noto		Erica Schroeder
Doktor	Akio Ootsuka		Jamieson Price
Arao	Rikiya Koyama		Michael Sinterniklaas
Kiyoko	Satomi Koorogi		Kari Wahlgren
Kurumizawa	Inuko Inuyama [ ja ]		Philece Sampler
Babaying Ikos	Rie Shibata		Erica Schroeder
Drayber nin taksi	Kouichi Yamadera		Marc Thompson
Yamanouchi	Kanako Yahara		Philece Sampler

Mga dagdag na boses

Hapon: Akiko Kawase, Akiko Takeguchi, Atsuko Yuya, Bin Horikawa, Chiyako Shibahara, Eriko Kawasaki, Hidenari Umezu, Kazuaki Itou, Masao Harada, Mitsuru Ogata, Nobuyuki Furuta, Toshitaka Shimizu, Tsuguo Mogami, Yoshinori Kawasaki, Sonoto Kazama

Ingles ( GKIDS ): Crispin Freeman, David Manis, Erica Schroeder, Jaden Waldman, Jamieson Price, Jordan Cole, Kirk Thornton, Lexie Foley, Gloria Garayua, Marc Thompson, Michael Sinterniklaas, Orlando Rios, Philece Sampler

Produksiyon

Kan produksyon kan Millennium Actress, sarong prodyuser gikan sa Madhouse an naghapot ki Kon kun igwa siyang plano para sa saiyang masunod na pelikula. Pakatapos kan pelikula, si Kon inabot nin duwang bulan tanganing magsurat asin magsumiter nin sarong halipot na propuesto, na tulos na inako kan Madhouse.

An orihinal na istorya asin iskrip isinurat kan direktor na si Satoshi Kon, asin kaiba niya sa pagsurat si Keiko Nobumoto, na midbid bilang parasurat kan iskrip kan serye nin drama sa TV na Hakusen Nagashi asin an anime sa TV na Cowboy Bebop, asin an nagmukna kan anime sa TV na Wolf's Rain . Si Kon dati nang nagsabi ki Nobumoto na isurat an iskrip para sa Perfect Blue, alagad hinabuan niya ini, huli sa saiyang sibot na iskedyul. An direktor kan animasyon iyo si Kenichi Konishi, na nagtrabaho sa My Neighbors the Yamadas mantang yaon sa Studio Ghibli, asin an direktor kan Studio iyo si Shogo Furuya.

Mantang an nakaaging duwang obra nakasentro sa pag-uswag kan istorya, an obrang ini nagtao nin prayoridad sa pagiging teatro kan mga karakter asin an saindang presensya orog sa gabos sa parehong senaryo asin istorya. Dawa ngani an istorya asin mga teatro medyo nakakat an itsura, an pelikula ginibo bako tanganing magbalik sa lumang interpretasyon kan manga, kundi tanganing sa sarong interpretasyon kan manga na yaon sa enotan pagkatapos na mag-agi sa animasyon na nakasentro sa totoo.

An pelikula pigprodusir sa digital na teknolohiya, asin an gabos na mga sinundan na obra ni Kon mga digital na animasyon.

Mga Tema

An motibo kan Tokyo Godfathers iyo an "nagkataon" asin "pamilya", asin an istorya manungod sa "tolong pangenot na karakter na bako man magkakapareho nin dugo alagad nabubuhay na garo baga sinda sarong tunay na pamilya, asin sa paagi nin sarong milagrosong pagkakataon na pinukaw nin sarong omboy, an lambang saro sainda nakabawi kan koneksyon sa saindang orihinal na pamilya na saindang nawara.

An Tokyo Godfathers dai nag-aako nin sarong hayag na "paghalo nin fiksyon asin realidad" na motibo, alagad maingat na nagpapahiling na an relasyon sa pag-ultanan kan "piksyon asin realidad" may pagmangno man sa pelikulang ini. An namamansayan ni Kon sa saiyang direksyon iyo an "makahulugan na pagkakataon", sa madaling sabi, tanganing makagibo nin kadena nin mga milagrosong pangyayari tanganing mapaabante an istorya. Si Kon nagsurat sa press sheet, "An pelikula na ini sarong pagporbar na ibalik sa marahay na paagi an mga 'milagro asin pagkakataon' na itinulod sa ibang kinaban kan mga armas kan siyentipikong lohika," asin siring sa sinasabi na, "mga makahulugan na pagkakataon" asin "mga imposibleng pangyayari" sunod-sunod na nangyayari sa Tokyo Godfather. Sa madaling sabi, an ideya kan pelikulang ini iyo na an "piksyon" kan "mga milagro asin pagkakataon" makukua sa garo totoong buhay kan mga daing harong sa Tokyo. An katuyuhan kan direktor iyo na iladawan an serye nin mga pangyayari na dai nanggad mangyayari sa realidad na may pagmati nin realidad asin pagigin nakakakumbinsir na garo baga posible.

Sabi ni Kon: "An mga tawong daing harong, siring sa ipinapahiling kan termino, 'mayo nin harong,' alagad sa pelikulang ini, bako sanang 'mga tawong nawaran nin harong,' kundi pati na 'mga tawong nawaran nin pamilya,' asin sa sentidong iyan, an pelikulang ini sarong istorya manungod sa pagbawi kan mga nawara na relasyon sa mga pamilya." Pinili ni Kon an mga tawong mayong harong bilang saiyang mga bida huli ta haloy na siyang interesado sa buhay kan mga tawong arog kani. Saro sa mga nagpukaw para ki Kon na mag-isip nin Tokyo Godfathers iyo an ideya na sinda namundag dawa sa panahon nin kayamanan, asin kasabay kaini, sinda sinusuportaran huli ta an kinaban mayaman, kaya sinda pwedeng sabihon na sinda pinapagdanay na buhay kan syudad. An saro pang ideya iyo an ideya nin animismo sa siyudad, na dawa an mga edipisyo asin eskinita kan siyudad igwa nin kalag, asin na an mga pangenot na karakter minalaog sa ibang kinaban na nag-oorog sa siyudad. Base sa sarong istorya kun saen an tolong tawong daing harong na nabubuhay na garo mga pseudo-pamilya na nakakua nin sarong omboy asin naghingoang ibalik ini sa saiyang mga magurang, si Kon nag-imahinar nin sarong istorya kun saen an tulo naglaog sa sarong "ibang kinaban" kun saen an mga pambihirang pagkakataon nangyayari nin sunod-sunod, asin nabawi ninda an saindang relasyon sa saindang mga pamilya asin sosyedad sa paagi kan saindang mga pakikipagsapalaran, mantang an saro pang bida na an pangaran "Tokyo" nagbabantay sa sainda. Sa katunayan, an "mga tanawon na garo mga lalawgon", na kun saen an mga yunit sa luwas kan mga air conditioner asin mga bintana ginagamit bilang mga mata asin nguso, nakabugtak sa manlaen-laen na hiwa, na pwedeng sabihon na mga pigura kan mga diyos kan syudad na nakahiling sa mga pangenot na karakter. An mga "lalawgon" na ini dai nahihiling sa pananaw kan mga karakter, asin an mga paradalan sana an makakarisa kaini. Si Kon nagmukna man nin sarong piksyon digdi. An background kan pelikula sarong trick nin pag-overlap kan duwang layer nin impormasyon: "an tanawon kan siyudad = realidad para sa mga karakter" asin "an tanawon na may mga lalawgon na an mga paradalan sana an nakakahiling = sarong klase nin fiction", dawa ngani ini parehong ritrato sana.

An kamugtakan kan tolong pangenot na karakter, na bakong magkadugo, igwa nin kondisyon na sinda garo sarong pamilya. Bako ining sobrang pagpasobra kundi sarong suhestiyon nin sarong "bagong imahe kan pamilya sa maabot na panahon", kundi sarong suhestiyon sana na an ideya ni Kon nin sarong pamilya na may arog kaining klase nin relasyon pwedeng akoon. An ideya ni Kon iyo an magsuherir na kaipuhan na maghanap nin paagi tanganing an lambang tawo magkaigwa nin sadiring pamilya, imbes na sarong standardized na modelo kun ano an dapat na itsura kan sarong bagong pamilya. Sinabi ni Kon na dai niya intensyon na iladawan an mga tawong mayong harongo pamilya bilang mga representante nin kaluyahan asin kawaran nin kaogmahan, o bilang sarong ulang sa sosyedad, asin na an tolo mga simbolo kan mga kaluyahan asin pagbasol kan gabos imbes na tunay na mga tawong mayong harong. Sinabi man niya na sinda bakong maogma bako huli ta sinda daing harong, kundi huli ta an saindang buhay nawaran kan saindang dating liwanag, asin na an kaogmahan yaon sa proseso nin pagrahay, na iyo an istorya kan trabahong ini mismo.

Pagtao

An pelikulang ini pinaluwas sa Amerika del Norte kan Sony Pictures kan Disyembre 29, 2003, sa sarong dai nagin mapangganang pagprobar na makakua nin nominasyon sa Academy Award para sa Pinakamarahay na Animated Feature . An pelikula pinaluwas sa sub-only DVD kan Abril 13, 2004, asin plano nindang gamiton an DTS para sa DVD, alagad sa kahurihurihi pig-scrap. Ipinahayag kan Disyembre 19, 2019, an internasyonal na lisensyador sa animasyon, an GKIDS, sa pakikipagtabangan sa orihinal na distributor kan Estados Unidos na Destination Films, nagpaluwas kan pelikula kan Marso 9, 2020, na may bagong 4K na restorasyon asin sarong bagong English dub.

Resepsyon

Sa website kan review aggregator na Rotten Tomatoes, an pelikula igwa nin 92% na rating nin pag-aprobar base sa 76 na pagrepaso, na may average na rating na 7.3/10. An pinagkaoroyonan kan mga kritiko kan website nagsasabi, "Magayon asin substantibo, an Tokyo Godfathers nagdadagdag nin sarong nakakahiro – asin medyo bakong kombensyonal – na paglaog sa animated na kanon kan Pasko." An Metacritic, na naggagamit nin weighted average, nagtao sa pelikula nin marka na 75 sa 100, base sa 25 kritiko, na nagpapahiling nin "sa pankagabsan na paborable" na mga pagrepaso. Tinawan ni Roger Ebert an pelikula nin tolong bitoon sa apat, na inaapod ining "nakakapurisaw asin nakakapukaw sa boot".

Ipinahiling ni Susan Napier na an Tokyo Godfathers parte kan pagka uso sa anime asin manga na naglaladawan nin mga pamilya sa sarong nagdadakol na madiklom na paagi, na nagpapahiling kan mga problema sa tradisyonal na mga pamilya, asin mga pagprobar kan mga tawo na magtogdok nin sarong "pseudo-pamilya" gikan sa sarong nagdadakol na pagkabaranga asin nagbubulag na modernong sosyedad nin Hapon. Sa ibong kan garo baga tradisyonal na katapusan kaini, an pelikula nagtatao nin mas radikal na bersyon kan pamilya. Sa bilog na istorya an tolong daing istaran na mga vagabond na ini dai aram na nagpoporma nin sarong "pseudo-pamilya" tanganing protehiran an saindang mga sadiri sa luwas kan kinaban asin tanganing madaog an saindang personal na mga demonyo.

Hilingon man

• Kawaran nin harong sa Hapon
• Mga pelikula sa Hapon kan 2003
• Listahan kan mga pelikula sa Pasko

Mga panluwas na sumpay

• Tokyo Godfathers (film) at Anime News Network's encyclopedia
• Tokyo Godfathers sa IMDb
• Tokyo Godfathers at Box Office Mojo
•