Touria Chaoui

Touria Chaoui
Native name	ثريا الشاوي
Kamundagan	(1936-12-14)Desyembre 14, 1936 Fez, Morocco
Kagadanan	Casablanca, Morocco
Dahilan kan kagadanan	Assassination
Trabaho	Aviator, actor
Midbid bilang	First woman aviator in Morocco

Si Touria Chaoui ( Arabic : ثريا الشاوي; Disyembre 14, 1936, Fez, Morocco – Marso 1, 1956) iyo an pinakaenot na babaeng Morocco asin Maghrebi aviator sa edad na kinse anyos.

Amay na Buhay

Si Chaoui namundag kan Disyembre 14, 1936, sa Fez . An saiyang ama, si Abdelwahed Chaoui, sarong avant-garde na peryodista asin direktor nin teatro asin an saiyang ina an pangaran Zina. Saro siya sa duwang aki, an saiyang tugang na lalaki na si Salah Chaoui sarong bantog na artista na nag-eerok sa Vichy, Pransya. Kan 1948, an pamilya ni Chaoui nagbalyo hale sa Fez pasiring sa Casablanca tanganing magpoon nin bagong buhay.

Karera

An ama ni Chaoui nagpalista saiya sa sarong eskwelahan sa aviation na nakabase sa Tit Mellil, Morocco kan 1950. An eskwelahan sa aviation itinagama para sa mga pwersa kan Pransia na nagsasakop sa Morocco asin dikit na oportunidad an itinao sa mga katutubong Moroccan, orog na bako sa mga babae . An saiyang pag-enrol pigkontra kan eskwelahan asin kadakol an ginibo tanganing pugulan siya sa pagpartisipar sa programa sa aviation. Nin huli ta mayo nin lehislasyon na nag-uulang saiya na mag-enrol, an eskwelahan nag-aalangan na inako an saiyang aplikasyon sa paglaom na siya madali nang sumuko.

Sa ibong kaini pagkatapos nin sarong taon nin dedikadong pag-adal asin determinasyon, nakua ni Chaoui an saiyang lisensya sa aviation kan 17 Oktubre 1951, sa edad na 15. Siya an nagin pinakaenot na babaeng piloto na Moroccan asin Maghrebi.

Pelikula

Kan 1946, sa edad na trese, si Chaoui nagganap bilang sarong hoben na Leila sa The Seventh Door, sarong pelikula kan direktor na Pranses na si Andre Zwobada na ginibo sa Fez.

Funeral of Touria Chaoui

Assasination

Si Touria Chaoui nagadan kan Marso 1, 1956, sa edad na 19, mantang pighahale an saiyang nguhod na tugang na si Salah hale sa eskwelahan. An saiyang paragadan nabisto bilang si Ahmed Touil, an lider kan sarong sekretong organisasyon na nag-asasinar nin nagkapirang mga personalidad pulitikal kan Morocco. Siya gilubong sa sementeryo sa Ahl Fas, sa Casablanca.

Hilingon man

• Mga Babae sa Morocco
• Listahan kan mga enot na babae

Mga Reperensya

1. "Touria Chaoui - Morocco - Women Of Aviation's History" (in en-US). Women Of Aviation's History. 2015-07-25. http://centennialofwomenpilots.com/touria-chaoui-morocco/. 
2. Shoemake, Josh (2015-02-16). "The Amazing Aviatrix of Wartime Casablanca". Narratively. http://narrative.ly/the-amazing-aviatrix-of-wartime-casablanca/. 
3. Glacier, Osire (2012). Akyeampong, Emmanuel K.; Gates, Henry Louis, eds. Dictionary of African Biography (in English). OUP USA. p. 59. ISBN 978-0-19-538207-5. 
4. "Touria Chaoui, the arab world's first female aviator | Aviation Sans Frontières". asf-fr.org. Retrieved 2024-06-19. 
5. Glacier, Osire (2012). Akyeampong, Emmanuel K.; Gates, Henry Louis, eds. Dictionary of African Biography (in English). OUP USA. p. 60. ISBN 978-0-19-538207-5. 
6. "THE SEARCH FOR THE SEVENTH DOOR by Josh Shoemake". Alaska Quarterly Review (in English). Retrieved 2024-06-19. 
7. "Remembering Morocco's Touria Chaoui, First Arab Woman Pilot". www.moroccoworldnews.com (in English). March 26, 2019. Retrieved 2024-06-19. 
8. Aïssaoui, Saïd. "Organisations secrètes marocaines #6: Les "Milices d'Ahmed Touil", de la résistance nationale à la rébellion" (in fr). https://www.yabiladi.com/articles/details/59058/organisations-secretes-marocaines-milices-d-ahmed.html.