Trisha Yearwood

Trisha Yearwood
Yearwood in 2024
Kamundagan	Patricia Lynn Yearwood (1964-09-19) Septyembre 19, 1964 Monticello, Georgia, U.S.
Alma mater	Young Harris College (AS) Belmont University (BBA)
Trabaho	Singer actress television personality author
Mga taon na aktibo	1991-present
Agom
Mga gawad	List of awards and nominations
Musical career
Mga genre	Country country pop adult contemporary
Mga instrumento	Vocals, guitar, keyboards
Mga tatak	MCA Nashville Big Machine RCA Nashville Gwendolyn
Websityo	trishayearwood.com

Si Patricia Lynn Yearwood (namundag Septyembre 19, 1964) iyo an sarong Amerikanong country singer. Suminikat siya huli sa saiyang 1991 debut single "She's in Love with the Boy", na nagin numero unong hit sa Billboard country singles chart. An minakoresponder kaidtong self-titled debut album nakapabakal nin labi sa milyon na kopya. Nagpadagos si Yearwood sa mga serye nin mayor na country hits durante kan kaamayi sagkod katahawan kan dekada 1990, kabali an “She’s in Love with the Boy”(1991) , “The Woman Before Me” (1991)Walkaway Joe" (1992), "The Song Remembers When" (1993), "XXX's and OOO's (An American Girl)" (1994), asin "Believe Me Baby (I Lied)" (1996).

An single ni Yearwood kaidtong 1997 na "How Do I Live" uminabot nin numero dos sa U.S. country singles chart asin nagin matrayumpo sa ibang nasyon. Luminataw idto sa saiyang enot na compilation (Songbook) A Collection of Hits (1997). An album sertipikadong quadruple-platinum sa Estados Unidos asin natampok an hits "In Another's Eyes" asin "Perfect Love". Nagkaigwang surunod-sunod na komersyal na trayumpo si Yearwood pag-abot kan mga suminunod na taon kabali an hit singles "There Goes My Baby" asin "I Would've Loved You Anyway". Nagpaluwas siya kan saiyang ikasampulong studio record Jasper County kaidtong 2005, na enot na luminuwas sa publiko bilang numero uno sa Billboard Top Country Albums chart asin top ten sa Billboard 200. Idto an nagin saiyang pinakamarikas na napabakal na album sa Estados Unidos. Puminirma si Yearwood sa Big Machine Records kaidtong 2007 asin nagpaluwas nin critically acclaimed Heaven, Heartache and the Power of Love sa parehong taon.

Ginugol ni Yearwood an nagkapirang taon gikan sa hiatus gikan sa saiyang sadiring karera tanganing magpokus sa iba pang mga proyekto. Pinublikar niya an tulong matrayumpong cookbooks, na luminataw sa The New York Times Best Seller list. Kaidtong 2012, nagpoon siya nin sarong culinary television series sa Food Network called Trisha's Southern Kitchen, na sa huri nanggana nin sarong Daytime Emmy Award. Nakapabakal si Yearwood nin labi sa15 milyon records sa bilog na kinaban. An saiyang trabaho nagkapatao saiya nin nagkapirang gawad asin mga nominasyon, kabali an tulong Grammy Awards, tulong gawad gikan sa Academy of Country Music, asin tulong gawad gikan sa Country Music Association. Nagin cast member si Yearwood kan Grand Ole Opry kaidtong 1999. Poon kaidtong 2005 kinasal siya sa sarong country singer na si Garth Brooks, na saiyang nakatrabaho sa nagkapirang okasyon.