Tukawan na Pilay
A tukawan na pilay sarong hitsurang tukawan gibo sa kahoy na dinesenyo ni Daniel Berset asin pinanday ni Louis Geneve. Hinaman hale sa 5.5 toneladang pasagi asin 12 metro (39 pye) an langkaw kaini.
An tukawan dakula alagad putol an sarong tabay pinatindog sa tinampo nag'aatubang sa kwartel kan mga Burunyog na Nasyon (United Nations) namomogtak sa Geneva, Switzerland. Ini simbolismo asin pagromdom sa mga nagkabaryadi asin nagkapurutlan mga tabay huli sa bomba asin minang itinanom sa daga sa lugar na may gera. Saro ining pagprotesta asin pagkontra sa paggamit kan siring na mga bomba sa tahaw nin gera.
Historya[baguhon | baguhon an source]
An tukawan na pilay proyekto ni Paul Vermeulen, kapwa-kagmukna asin direktor kan Handicap International Suisse. Pinatindog kan organissayon na ini sa atubangan kan daratangan kan Palais des Nations sa Geneva kan Agosto 1997 na tinutuyo kuta na ikaag sana diyan nin tolong bulan sa paghalat kan pirmahan kan Ottawa Treaty kan Desyembre 1997 sa Ottawa, Canada. Kan an Tratado maratipikar nin 40 nasyon, an Tratado nagin marigon na instrumento kan ley internasyunal poon kan Marso 1, 1999.
Alagad, an dai pagpirma kan ibang darakulang nasyon sa Tratado asin makusog na suporta kan publiko sa iskulturang ini, iwinalat logod ini sa lugar abot 2005 na sa taon na iyan hinale ngona ta naghirahay sa kwartel kan Unidong Nasyon. Pakatapos kan pahirahay ikinaag ulit parehong lugar kan Pebrero 26, 2007.
An pagkaag-liwat kan Tukawan na Pilay kan 2007 iyo an pagpahayag nin suporta kan Handicap International sa pagpirma kan tratado internasyunal sa pagbawal kan mga cluster bomb, na napirmahan na ngane sa Oslo kan Desyembre 2008.
An obra rogaring kan si iskultor alagad kan 2004 ipiglito an pagrorogaring sa Handicap International na.