Tulompulo may Anom na Tanawon kan Bukid nin Fuji
- Para sa ibang gamit, Hilingon an Tulompulo may Anom na Tanawon kan Bukid nin Fuji (klaripikasyon).
Thirty-six Views of Mount Fuji (富嶽三十六景, Fugaku Sanjūrokkei) sarung serye nin mga landscape na imprenta kan Haponesong parakurit na si Hokusai (1760–1849). An serye nagpapahiling kan Mount Fuji hale sa manlaen-laen na lokasyon asin iba-ibang panahon asin kamugtakan nin klima. An madaling pag-uswag kan pagpublikar naging dahilan tanganing makadagdag nin sampulo pang imprenta sa serye.
An serye ginibo poon c. 1830 sagkod 1832, kan si Hokusai nasa saiyang setenta anyos na edad asin nasa pinakarurok kan saiyang karera, asin ini ipinublikar ni Nishimura Yohachi . Kabali sa mga imprenta an tulo sa pinakabantog na gibo ni Hokusai: The Great Wave off Kanagawa, Fine Wind, Clear Morning, asin Thunderstorm Beneath the Summit . Kinokonsidera man na saru sa pinakamarahay na obra kan serye an bakung gayong midbid na Kajiza in Kai Province. An Thirty-six Views ilinadawan bilang an "indisputable colour-print masterpiece".
Kasaysayan
[baguhon | baguhon an source]An Mount Fuji sarung popular na tema para sa art kan mga Hapones huli sa importansya kaini sa kultura asin relihiyon. An pagtubod na ini masusog sa The Tale of the Bamboo Cutter, kun sain an sarung dyosa idineposito an elixir nin buhay sa alitoktok. Siring sa ipinapaliwanag kan historyador na si Henry Smith, "Thus from an early time, Mt. Fuji was seen as the source of the secret of immortality, a tradition that was at the heart of Hokusai's own obsession with the mountain."
An lambang imahe ginibo sa paagi nin proseso kun sain an kurit ni Hokusai sa papel dinukot sa sarung woodblock tanganing giyahan an pag-ukit. An orihinal na disenyo siring na nawara sa proseso. An block kinaganan nin ink dangan inaplikar sa papel tanganing magibo giraray an imahe (hilingon an Woodblock printing sa Japan para sa mas malinaw pang detalye). An manlaen-laen na kolor, na nagkinahanglan kan paggamit nin saru pang block para sa kada kulay na nag-aapiray sa larawan, an nagpakomplikado kan imahe ni Hokusai.
An pinakaenot na mga kopya sa serye ginibo na may kadaklan na blue tones ( aizuri-e ), kaiba an mga pangenot na block na nagtatao nin mga giyahan kan sarung imahe. An Prussian blue pigment dai pa nahahaloy na ipinamidbid sa Hapon hale sa Europa asin si Hokusai ginamit man tulos ini, na nagsisiguro kan popularidad kaini. Kan an publisher na si Nishimura, sigurado na sa kapangganahan kan serye, an mga kopya ginibo na may manlaen-laen na kolor ( nishiki-e ). Si Nishimura nagplano na palawigon pa an serye sa labing sanggatos na mga imprenta, alagad an publikasyon nagpundo sa kwarenta y sais.
An pinakabantog na imahe hale sa serye pinakamidbid sa Ingles bilang The Great Wave off Kanagawa . Ini an pinakabantog na obra ni Hokusai asin parati pigkokonsiderar na pinakamidbid na kan mga Hapon sa bilog na kinaban. An saru pang dai matatawaran na obra gikan sa Thirty-six Views iyo an Fine Wind, Clear Morning, na midbid man bilang Red Fuji, na ilinadawan bilang "saru sa pinakasimple asin dangan man saru sa pinakapambihirang kopya kan mga Hapon na imprenta".
Impluwensya
[baguhon | baguhon an source]Mantang an Thirty-six Views of Mount Fuji ni Hokusai iyo an pinakabantog na serye nin ukiyo-e na nakasentro sa Mount Fuji, igwa pang nagkapirang mga obra na may parehong tema, kabali an huring serye ni Hiroshige na Thirty-six Views of Mount Fuji asin an kasunod na libro ni Hokusai na One Hundred Views of Mount Fuji (ipinublikar kan 1883–1835).
Sa saiyang libro kan 1896 manungod sa Hokusai, an kritiko nin art na Pranses na si Edmond de Goncourt nagsurat na sa balyo kan "rather crude colors" kaini, ini, "an album na nag-iinspirar kan mga tanawon kan mga impresyonista kan presenteng momento." An Pranses na artist na si Henri Rivière (1864–1951) nagpublikar kan set nin mga kolor na litograpiya kan "Thirty-six views of the Tour Eiffel" kan 1902, na inspirasyon kan seminal print set kan Hokusai, saru sa dakul na mga impluwensya kan art kan Hapon sa kaidtong late 19th century asin early century kan French art( Japonism midbid bilang "Japonisme" sa Pranses)
Mga Imprenta
[baguhon | baguhon an source]Dagdag na 10
[baguhon | baguhon an source]| No. | Image | English title | Japanese title |
|---|---|---|---|
| 1 (37) |  |
Tate River from the Timberyard at Honjo (in present-day Sumida, Tokyo) | 本所立川
Honjo Tatekawa |
| 2 (38) |  |
A View of Mount Fuji from the Pleasure District at Senju (state station) [ja] | 従千住花街眺望の不二
Senju Hana-machi yori chōbō no Fuji |
| 3 (39) |  |
Gotenyama [ja], Shinagawa Along the Tōkaidō | 東海道品川御殿山の不二
Tōkaidō Shinagawa Goten'yama no Fuji |
| 4 (40) |  |
Nakahara in Sagami Province (in present-day Hiratsuka, Kanagawa) | 相州仲原
Sōshū Nakahara |
| 5 (41) |  |
Dawn at Isawa in Kai Province | 甲州伊沢暁
Kōshū Isawa no Akatsuki |
| 6 (42) |  |
The Back of Fuji from the Minobu River (possibly actually the Fuji River near present-day Minobu, Yamanashi) | 身延川裏不二
Minobu-gawa ura Fuji |
| 7 (43) |  |
Ōno Field in Suruga Province | 駿州大野新田
Sunshū Ōno-shinden |
| 8 (44) |  |
Tea Plantation at Katakura in Suruga Province (near present-day Nakano, Fuji, Shizuoka) | 駿州片倉茶園の不二
Sunshū Katakura-chaen no Fuji |
| 9 (45) |  |
Kanaya Along the Tōkaidō | 東海道金谷の不二
Tōkaidō Kanaya no Fuji |
| 10 (46) |  |
Climbing on Fuji | 諸人登山
Shojin tozan |
Mga Eksibisyon
[baguhon | baguhon an source]An koleksyon kan Thirty-six Views of Mount Fuji na mga imprenta na yaon sa wellness spa kan Costa Concordia nawara sa panahon kan banggaan kan barko kan Enero 13, 2012.
An gabos na kwarenta y sais na mga kopya (an orihinal na treynta y sais asin an sampulong dagdag) itinampok sa eksibisyon Hokusai: 36 Views of Mount Fuji sa Freer Gallery of Art asin sa Arthur M. Sackler Gallery, an mga museo kan Smithsonian kan art sa Asya, kan tagsibol kan 2012.
An mga imprenta kan Thirty-six Views of Mount Fuji ipinahiling sa Museum of Fine Arts, Boston bilang parte kan sarung eksibit kan Hokusai kan Abril 5 sagkod Agosto 9, 2015.
An Thirty-six Views of Mount Fuji na mga imprenta ipinahiling sa National Gallery of Victoria, Melbourne, Australia bilang parte kan sarong eksibit kan Hokusai kan Hulyo 21 sagkod 22 kan Oktubre 2017, na nagtatampok nin duwang kopya kan The Great Wave off Kanagawa, an saru gikan sa NGV asin an saru gikan sa Japan Ukiyo-e Museum .
Igwa nin mas dikit sa 10 na kumpletong set kan Thirty-six Views of Mount Fuji, na may mga prominenteng pidaso na yaon sa Metropolitan Museum of Art, MFA Boston, sa British Museum, asin sa Bibliothèque nationale de France.
Mga Merkado
[baguhon | baguhon an source]An Thirty-six Views of Mount Fuji parateng ipinapabakal sa mga prominenteng auction na nakasentro sa art kan mga Hapon, arog kan Christie's, Sotheby's, Bonhams, asin iba pa.
Kan 2002, an sarung kumpletong set na ipinabakal sa Sotheby's nagkantidad nin $1.47 milyon, sa paagi nin sarung dai nagpapamidbid na parabakal.
Kan 2013, saru pang kumpletong set an pinagtipon ni Dr. Jitendra V. Singh, sarung propesor gikan sa Wharton School, na nainspirar kan Mt. Fuji na nahiling nya sa saiyang pagbyahe pasiring sa Japan siring man sa saiyang mga nakaaging Hindu na mga pilgrimage sa Mount Everest asin Mount Kailash . Enot niyang binakal an Fuji Seen From Kanaya sa Tokaido, na may mga iconic na pidaso na nakua poon 2014 sagkod 2016, an huring imprenta nakua kan Enero 2023.
Kan 19 Marso 2024, an koleksyon ni Singh ipinabakal sa auction sa Christie's, sa kantidad na $3.559 milyon hale sa pigkakarkulong bid na $3–5 milyon. An mga proceeds napaduman sa Singh's trust.