Jump to content

Tulompulo may anom nin daing-kagadanan na mga babayeng pararawitdawit

Gikan sa Bikol Sentral na Wikipedia, an talingkas na ensiklopedya
Si Lady Ise, pintura ni Kanō Tan'yū

An Tulompulo may anom nin daing-kagadanan na mga babayeng pararawitdawit (女房三十六歌仙, Nyōbō Sanjūrokkasen) sarong kanon kan Mga pararawitdawit na Hapon na pig-antolohiya sa tahaw kan panahon nin Kamakura. Dai aram an kagtipon asin eksaktong petsa kan pagtogdok kan kanon ,[1] alagad an reperensya kaini sunod na narisa sa Gunsho Ruijū, bulyom 13.[2]

Lima sa 36, sinda Ono no Komachi, Lady Ise, Nakatsukasa, Saigū no Nyōgo asin Kodai no Kimi an nagluwas man sa sarong naenot na antolohiya na may kaparehong titulo na Tulompulo may anom nin daing-kagadanan na rawitdawit na nagpoon kan 1113 (huring panahon nin Heian).An pararawitdawit na si Fujiwara no Kintō pinili an orihinal na pagpili na ini na naenot sa Tulompulo may anom nin daing-kagadanan na mga babayeng pararawitdawit.[3]

An limang babaeng pararawitdawit na ini gikan sa orihinal na publikasyon kabali sa Tulompulo may anom nin daing-kagadanan na mga babayeng pararawitdawit asin pig-kanonisa kaiba an iba pa gikan sa mga panahon kan Heian asin Kamakura.

Papel kan mga rawitdawit sa korte kan mga babaye sa panahon nin Heian sa Hapon

[baguhon | baguhon an source]

An mga babae na pigkanonisar sa kompilasyon na ini tipikal na mga nobleng babae na asosyado sa korte imperyal, halimbawa, si Lady Ise, agom ni Emperador Uda, Inpumon'in no Tayū (literal an Attendant sa Empress Inpu), Michitsuna no haha (literal na ina ni Michitsuna), Fujiwara no Shunzei no Musume (Literal na aking babaye ni Shunzei Fujiwara).

An mga iskolar na si Esperanza Ramirez-Christensen asin Yumiko Watanabe nagsuherir na an kawaran nin tamang pangaran o singular na identidad, na nagsisimbolo nin mas mahiwas na relasyon nin kapangyarihan sa estruktura na nag-iiba sa mga babayeng korte, tibaad nakakontribwir sa saindang autobiograpikong pagmawot na maggibo nin rawitdawit.[4][5][6]

An pre-modernong propesor sa literaturang Hapon na si Roselee Bundy nagsusubaybay kan kontribusyon sa rawitdawit sa korte kan mga babaye na nakaabot sa pinakahalangkaw na punto kaini sa kabangaan kan panahon kan Heian bilang mga pangyayaring komunal na estetiko, bago an luway-luway na propesyonalisasyon kan genre nagpoon na maghale kan mga boses kan mga babaye poon sa panahon nin Kamakura.[5]

Lista kan mga rawitdawit

[baguhon | baguhon an source]

Plantilya:Confusing

【1】 【2】 左 【3】 右 【4】
○ Ono no Komachi 小野小町 ○ ○ Shikishi Naishinnō 式子内親王 ○
○ Lady Ise 伊勢 ○ Kunai-kyō 宮内卿 ○
○ Nakatsukasa 中務 ○ Suō no Naishi 周防内侍（平仲子）
○ Saigū no Nyōgo (Kishi Joō) 斎宮女御 Fujiwara no Toshinari no Musume 俊成卿女 ○
Ukon 右近 ○ ○ Taikenmon'in no Horikawa 待賢門院堀河
○ Fujiwara no Michitsuna no Haha 右大将道綱母 ○ Gishūmon'in no Tango 宜秋門院丹後
○ Uma no Naishi 馬内侍 Kayōmon'in no Echizen 嘉陽門院越前
○ Akazome Emon 赤染衛門 ○ ○ Nijōin no Sanuki 二条院讃岐
○ Izumi Shikibu 和泉式部 ○ Kojijū 小侍従
○ Kodai no Kimi 三条院女蔵人左近（小大君）　　　　 Go-Toba-in no Shimotsuke 後鳥羽院下野
○ Murasaki Shikibu 紫式部 ○ Ben no Naishi 弁内侍
Koshikibu no Naishi 小式部内侍 ○ Gofukakusa-in no shōshō no naishi 少将内侍
○ Ise no Taifu 伊勢大輔 ○ ○ Inpumon'in no Tayū 殷富門院大輔
○ Sei Shōnagon 清少納言 ○ Tsuchimikado'in no Kosaishō 土御門院小宰相
Daini no Sanmi 大弐三位（藤原賢子） ○ Hachijō-in Takakura 八条院高倉 ○
Takashina no Kishi 高内侍（儀同三司母） ○ Fujiwara no Chikako 後嵯峨院中納言典侍（典侍藤原親子）
Yūshi Naishinnō-ke no Kii 一宮紀伊（祐子内親王家紀伊） ○ Shikikenmon'in no Mikushige 式乾門院御匣
○ Sagami 相模 ○ Sōhekimon'in no Shōshō 璧門院少将 ○

Mga kopya sa kahoy kan Tulompulo may anom nin daing-kagadanan na mga babayeng pararawitdawit ni Chōbunsai Eishi

[baguhon | baguhon an source]

Kan 1801 an ukiyo-e na pintor Chōbunsai Eishi naggibo nin serye nin mga pintura tanganing iladawan an Tulompulo may anom nin daing-kagadanan na mga babayeng pararawitdawit[7] tanganing isabay an kaligrapiya kan lambang berso kan pararawitdawit, siring sa ginibo kan 36 na daragita na mga estudyante ni Hanagata Giryu(花形義融)[8] calligraphy school "Hanagata Shodo".[9] An album, na pigkopya gamit an woodblock printing, may katuyuhan na ipaisi an eskwelahan. An 36 na retrato nababanga sa sarong "wala" (左) na grupo asin sarong "tuo" (右) na grupo kun saen an wala na grupo binibilog nin mga pararawitdawit na nabuhay sa pag'oltan kan ika-siyam asin ika-kagsarong siglo, asin an toong grupo binibilog kan mga pararawitdawit na nabuhay sa ika-kagduwa asin ika-kagtolong siglo.

An mga koponan nag-iiwal sa sarong pair-competition sa lambang spread, na sarong praktis na nagpoon pa kan Heian period imperyal na korte kan huring parte kan ikasiyam na siglo. An Smithosonian na parasaligsig na si Andrew J. Pekarik pigkumpara an kompetisyon na pormang sosyal na arte na ini sa mga slam nin rawitdawit sa Nuyorican Poets Café kan mga taon 1990.[10]

An album ipinublikar ni Nishimura Yohachi na may album binding (gajōsō)[11] asin nagtampok man nin sarong woodblock na nakaimprentang takop na dinisenyo ni Hokusai.[12] An mga block carvers iyo sinda Yamaguchi Matsugorō (山口松五郎) asin Yamaguchi Seizō (山口清蔵).[8]

Mga toltolan

[baguhon | baguhon an source]
  1. ↑ "女房三十六歌仙". www.asahi-net.or.jp. Retrieved 2022-02-19.
  2. ↑ 保己一／編, 塙 (1960). 群書類従 第十三輯 和歌部 歌合 (in Hapon). 続群書類従完成会. pp. 347–349.
  3. ↑ "The Thirty-Six Poetic Immortals". www.metmuseum.org. Retrieved 2022-02-19.
  4. ↑ The father-daughter plot : Japanese literary women and the law of the father. Rebecca L. Copeland, Esperanza U. Ramirez-Christensen. Honolulu, Hawaii. 2001. ISBN 978-0-585-47883-8. OCLC 53481891.
  5. 1 2 Bundy, Roselee (2012). "Gendering the Court Woman Poet: Pedigree and Portrayal in "Fukuro zōshi"". Monumenta Nipponica 67 (2): 201–238. doi:10.1353/mni.2012.0017. ISSN 0027-0741. https://www.jstor.org/stable/42001267.
  6. ↑ Watanabe, Yumiko; 渡邉, 裕美子 (March 2003). "「女の歌」という批評語". Kokubungaku Kenkyū 139: 20–29. http://hdl.handle.net/2065/43842.
  7. ↑ "Nishikizuri onna sanjûrokkasen - NYPL Digital Collections". digitalcollections.nypl.org. Retrieved 2022-02-19.
  8. 1 2 "Nishikizuri onna sanjūrokkasen | F|S Pulverer Collection". pulverer.si.edu. Retrieved 2022-02-19.
  9. ↑ "illustrated book; print | British Museum". The British Museum (in English). Retrieved 2022-02-19.
  10. ↑ Pekarik, Andrew (1993). "The Thirty-Six Immortal Women Poets". Impressions (17). ISSN 1095-2136. https://www.jstor.org/stable/42597773.
  11. ↑ "Glossary | F|S Pulverer Collection". pulverer.si.edu. Retrieved 2022-02-19. gajōsō (or gajōjitate) 画帖装（(画帖仕立て) Tipo nin pagbugkos na kun saen an lambang nakaimprentang papel tiniklop palaog asin idinidikit sa mga gilid sa luwas na patindog pasiring sa likod kan sunod na papel. An enot asin huring mga papel parateng idinidikit sa laog kan enotan o likod na takop.
  12. ↑ "Chōbunsai Eishi | Courtiers and Urchins, frontispiece for the album Brocade Prints of the Thirty-six Poetesses | Japan | Edo period (1615–1868)". The Metropolitan Museum of Art (in English). Retrieved 2022-02-19.

Mga panluwas na takod

[baguhon | baguhon an source]

Igwang relatibong medya para sa [[commons:Script error: The function "getCommonsLink" does not exist.|Script error: The function "getCommonsLink" does not exist.]] duman sa Wikimedia Commons

Kinua sa "https://bcl.wikipedia.org/w/index.php?title=Tulompulo_may_anom_nin_daing-kagadanan_na_mga_babayeng_pararawitdawit&oldid=292341"