Jump to content

Umeboshi

Gikan sa Bikol Sentral na Wikipedia, an talingkas na ensiklopedya

  

An Umeboshi (Hapon: 梅干し, tinataram na [ɯmeboɕi], literal na kahulugan: “pinaalang na ume”) iyo mga atsarang (brined) prutas na ume na dakol sa Hapon. An tataramon na umeboshi kadaklan tinataram sa Ingles bilang "mga plum na may asin", "mga plum na Hapon", o "preserbadong plum". An ume (Prunus mume) sarong klase nin kahoy na namumunga sa genus na Prunus, na pirang beses tinatawagan na “plum”, alagad sa totoo mas harani ini sa apricot. An mga atsarang ume na dai pinatuyô tinatawagan na umezuke (梅漬け).

An mga umeboshi sarong popular na klase nin Hapon na tsukemono ("bagay na atsara"; preserbado o pinaalsa) na grabe an kaaslom asin kaasin. Igwa man nin mahamis na bersyon kan umeboshi na gibo gamit an pulot.

Pirmi ini pigsisirbe bilang side dish sa bagas o kaipuhan sa mga bola nin bagas (na permi dai tinatanggal an labot) para sa pamahaw o pangudtohan. Paminsan-minsan, ini man pigsisirbe na linuto o tinimplahan bilang pangsawsawan.

Mga pisikal na karakteristiko

[baguhon | baguhon an source]

An mga umeboshi pirming bilog an porma asin nagkakaiba-iba hali sa makinis sagkod sa makulubot na itsura. Kasagaran, maasin an namit kaini asin grabe an kaaslom huli sa dakulang laog nin citric acid. Alagad, igwa man nin mga mas mahamis na bersyon.

Produksiyon

[baguhon | baguhon an source]
Umeboshi na pinapamara sa saldang

An sentral na lugar kan prepekturang Wakayama midbid sa bilog na Hapon huli sa kantidad asin kalidad kan ume asin umeboshi kaini. An banwaan nin Minabe, Wakayama, partikularmente, nagtatanom nin mas dakol na ume asin nagpoprodusir nin mas dakol na umeboshi kisa sa arin man na ibang banwaan sa Hapon. An mga Umeboshi tradisyonal na ginigibo sa paagi nin pag-ani nin prutas na ume kun sinda hinog na sa mga Hunyo asin pigpapatos ini sa mga bariles na may 20% na asin kada gabat kan prutas. An asin nagkukua nin dagta, na dangan ibinababad kan ume sa laog nin mga duwang semana. An maasin, maasim na likidong ini pigbabakal bilang umezu (梅酢; perming inaapod na 'ume vinegar', dawa ngani bako ining tunay na suka .) [1]

Dakul na klase nin umeboshi na ipinapabakal sa merkado an pigdedesalinate sagkod sa sarong sokol asin pigbabad giraray sa sarong likido na pampalasa. Minsan sinda tinina nin pula gamit an mga herba na perilla na lila (na inaapod na akajiso ) o inaapod man nin namit na katsuobushi, kombu o pinahamis pa ngani nin pulot . Nin huli ta an mga klaseng ini na may namit igwa nin 3% sagkod 15% na laog nin asin, ini parati igwa nin natural o artipisyal na preserbatibo tanganing mapalawig an buhay sa estante. An mga natural na preserbatibo kabali an suka, alkohol asin bitamina B1.

Plato namay umeboshi

An mga Umeboshi per,img kinakakan sa dikit na kantidad na may bagas, para sa dagdag na namit. Ini man sarong komun na sangkap sa onigiri, mga bola nin bagas na pinatos nin nori asin pwede man ining gamiton sa makizushi . An Makizushi na gibo sa umeboshi pwedeng gibohon gamit an pitted umeboshi o umeboshi paste (na mas barato), na perming kaiba an mga tinadtad na preskong berdeng dahon nin perilla ( shiso ). An pamantayan na bulong kan mga Hapon para sa sipon asin trangkaso iyo an okayu (rice congee ) na may umeboshi. An saro pang paggamit kan umeboshi iyo an ume chazuke, sarong putaheng bagas na may binubo na berdeng tsaa na may umeboshi sa ibabaw.

Hinomaru bentō, na may sarong umeboshi sa ibabaw kan puting bagas, na nagrerepresentar kan bandera kan Hapon

An mga Umeboshi pigpapahalagahan kan mga samurai tanganing labanan an kapagalan sa ralaban, sarong pagpunsyon kan saindang laog na asin asin citric acid, kaiba an iba pang mga bagay. An asin, citric acid, asin polyphenols nagkokontribwir man sa saindang antimicrobial na aktibidad, kaya sinda sarong natural na preserbatibo para sa mga kakanon asin nakakatabang na malikayan an pagkahilo sa kakanon asin iba pang mga problema sa tulak na huli sa bakterya.

An Umeboshi ginagamit bilang accent sa pagluto tanganing mapakarhay an namit asin presentasyon. Pwede man ining iserbing pandagdag sa inomon na may shōchū asin mainit na tubig.

An mga Umeboshi perming kinakakan bilang meryenda; sa Estados Unidos asin Australia, kadakol na mga tindahan nin kakanon na Hapon an nag-iistar kaini. An pagkakan nin umeboshi sa Hapon katumbas kan ekspresyon sa Ingles na "sarong mansanas kada aldaw". An mga tindahan nin kendi para sa mga aki minsan nagdadara nin ari ume, o nakapatos na, maragamong na atsara na ume, asin pinaalang na umeboshi.

An mga kahon nin bento na igwa nin sarong umiboshi sa ibabaw kan bagas inaapod na Hinomaru bentō, huli ta an pulang ume sa puting bagas nakakaagid sa bandera kan Hapon. Huli sa hababang kantidad kan mga sangkap, an Hinomaru bentō tradisyonal na pighihiling na sarong baratong kakanon.

Pagpamara nin umeboshi

An tradisyonal na rekado na ini na estilo kan Hapon pigtutubodan na pantabang sa pagtunaw, para sa pag-iingat sa pagluwa asin sistematikong pagkahilo, kaiba an mga hangover. An green ume extract ginagamit bilang tonic sa Hapon. An citric acid pigtutubodan na nagseserbing antibacterial, nakakatabang na dagdagan an produksyon kan laway asin nakakatabang sa pagtunaw kan bagas. Dugang pa, an umeboshi sinasabing nakakalaban sa kapagalan (na sa kasaysayan itinatao bilang parte kan rasyon sa langtad kan sarong samurai) asin nagpoprotehir laban sa paggurang.

Susog sa sarong pag-aadal kan 2018, an umeboshi pwedeng igwa nin mga epekto na anti- allergic, asin "nagsuherir na an ume igwa nin potensyal na makapugol sa mast cell degranulation asin pwedeng may koneksyon sa nabawasan na peligro nin mga sintomas nin alerhiya sa mga babae." [2]

Pitted traditional umeboshi kada 100 g igwa nin:

  • Kusog 138 kJ
  • Protina 0.9 g
  • Taba 0.2 g
  • Karbohidrato 10.5 g
  • Sodium 8700 mg
  • Potassium 440 mg
  • Manganese 0.23 mg
  • BitaminaA 7 μg
  • BitaminaB 1 0.02 mg
  • BitaminaB 2 0.01 mg
  • Kolesterol 0 mg
  • Hibla sa pagkakan 3.6 g
  • Tubig 65.1 g

An tradisyonal (mga bersyon na bakong nabawasan an sodium) umeboshi mga sarong ikaapat na asin.

Mga kaparehong kakanon

[baguhon | baguhon an source]

An estilo nin umeboshi nin pag-atsara lakop sa Hapon asin kapareho an estilo sa ibang mga paagi nin pag-atsara na preserbado sa Asya na makukua sa Tsina, Vietnam, asin Korea.

Sa Vietnam, an sarong kaparehong marhay na klase nin atsara na ume inaapod na xí muội o ô mai [ vi ] .

Sa Filipinas, inaapod ining kiamoy o tsampoy, asin perming mas mara. An kiamoy asin tsampoy duwang klase nin Filipino-Chinese plum pickle na pigdadara sa paagi kan Manila galleon pasiring sa Mehiko, kun sain ini midbid bilang chamoy asin perming gibo sa apricot, ume o tamarind asin pinaghalo na asin asin alang na sili.

Sa mga nasyon sa Timog Asya, an mga Indian gooseberry na inaapod na amla sa Hindi o amala sa Nepali pig-aandam sa kaparehong paagi, minsan may asukar na syrup.

Sa Aprika del Sur, an kaparehong estilo nin preserbadong pinaalang na prutas inaapod na mebos sa Afrikaans, na an pangaran kaini garo hale sa mga Hapon sa paagi nin komersyo kan mga Olandes. Sa permi, an apricot ginagamit sa pagprodusir nin maasin, asidong klase, dawa ngani an ibang, pinahamis na klase na gibo sa ibang prutas inaapod man na mebos .

[baguhon | baguhon an source]
Eskultura nin sarong umeboshi sa Yunogō Hot Springs

Si Umeboshi nasambit sa Danganronpa 2: Goodbye Despair bilang sarong kakanon na habo ni Sonia Nevermind.

Sa serye nin manga na Fairy Tail, si umeboshi nakalista bilang an solamenteng habo ni Wendy Marvell ; an anime nagpahiwas kaini sa paagi kan pagkaigwa ni Grey Fullbuster asin Loke na "daog" siya sa laban sa sarong punto sa paagi nin pagkakan sainda sa atubangan niya, na nagin dahilan kan saiyang pagdulag sa takot.

Sa ikaduwang episode kan Soaring Sky! Pretty Cure, si Sora Harewataru tinawan nin umeboshi sa saiyang pamahaw, na habo niya.

Hilingon man

[baguhon | baguhon an source]

 

Mga Reperensya

[baguhon | baguhon an source]

.mw-parser-output .reflist{margin-bottom:0.5em;list-style-type:decimal}@media screen{.mw-parser-output .reflist{font-size:90%}}.mw-parser-output .reflist .references{font-size:100%;margin-bottom:0;list-style-type:inherit}.mw-parser-output .reflist-columns-2{column-width:30em}.mw-parser-output .reflist-columns-3{column-width:25em}.mw-parser-output .reflist-columns{margin-top:0.3em}.mw-parser-output .reflist-columns ol{margin-top:0}.mw-parser-output .reflist-columns li{page-break-inside:avoid;break-inside:avoid-column}.mw-parser-output .reflist-upper-alpha{list-style-type:upper-alpha}.mw-parser-output .reflist-upper-roman{list-style-type:upper-roman}.mw-parser-output .reflist-lower-alpha{list-style-type:lower-alpha}.mw-parser-output .reflist-lower-greek{list-style-type:lower-greek}.mw-parser-output .reflist-lower-roman{list-style-type:lower-roman}

Mga panluwas na sumpay

[baguhon | baguhon an source]

Plantilya:Japanese food and drink

  1. ↑ Mary Choate and Aaron Brachfeld (31 August 2015). At Home in Nature, a user's guide. Coastalfields Press. p. 303. GGKEY:K5213DDZJD2. Retrieved 21 January 2013.
  2. ↑ Biological and epidemiological evidence of anti-allergic effects of traditional Japanese food ume (Prunus mume). 2018-08-03.
Kinua sa "https://bcl.wikipedia.org/w/index.php?title=Umeboshi&oldid=293551"