Urduja

Si Urduja iyo sarong mitikal na soldadong prinsesa na nairekord sa mga akawnt nin pagbiyahe ni Ibn Battuta (1304 – posible 1368 o 1377 AD), na iyo sarong Muslim na dayo gikan sa Morocco. Pigsasaladawan siya bilang sarong prinsesa kan Kaylukari sa kadagaan nin Tawalisi. Maski ngani an lokasyon kan Kaylukari and Tawalisi iyo dae pa nasisiguro, sa Filipinas si in Urduja iyo mahiwas na pinagtutubudang gikan sa Pangasinan, sagkod iyo saro nang nasyunal na heroe.

Hitsura[baguhon | baguhon an source]

Si Urduja iyo pigsasaladawan bilang halangkaw asin magayon na babayi na may malabulawan-tanso na palnit, tanos asin makintab na buhok, asin hararom sagkod itom na mga mata. Napapano nin bulawan asin matibay sa pagkapot nin espada asin pagsakay sa kabayo. Pamayo man siya kan mga "Kinalakihan" (soldadong babayi). Bistado siya bilang may makusog na boot, matali, asin maboot na babayi. Dakol man siyang aram na lenggwahe na iyo sarong ordinaryong karakter sa mga noble kan pre-kolonyal na Sur-subangang Asya.

Sa popular na kultura[baguhon | baguhon an source]

An Princesa Urduja, na iyo sarong "live-action adventure" na pelikula na pigbase sa nasambit na mitiko, iyo pigluwas kan 1942.^[1]

An Urduja, na iyo sarong animasyon na nakabase man sa mitikal na prinsesa,^[2] iyo pigluwas kaidtong Hunyo 18, 2008. Buminida digdi sinda Regine Velasquez (bilang si Prinsesa Urduja), Cesar Montano (bilang si Lim Hang), Eddie Garcia (bilang si Lakanpati), Johnny Delgado (bilang si Wang), Epi Quizon (bilang si Daisuke), Ruby Rodriguez (bilang si Mayumi), Michael V. (bilang si Kukut), Allan K. (bilang si Tarsir) asin si Jay Manalo (bilang si Simakwel) bilang mga aktor nin boses. Si Joey de Leon man an nagsurat nin liriko, asin an kanta iyo komposisyon ni Ogie Alcasid.

An menor na planetang 5749 Urduja na nadiskobre ni Eleanor Helin iyo pigpangaran bilang pag-onra saiya. An opisyal na pangngarang pagsambit iyo naipublikar nin Minor Planet Center kan 8 Nobyembre 2019 (M.P.C. 117229).^[3]