Vicente Lim

Vicente Lim
Vicente Lim
	Lim kan 1914
Vice-Chief of Staff of the Armed Forces of the Philippines
	Termino; Enero 11, 1938 – Mayo 4, 1942
President	Manuel L. Quezon
Suminunod ki	Basilio Valdes
Sinundan ni	Simeon de Jesus
Deputy Chief of Staff of the Armed Forces of the Philippines
	Termino; Desyembre 21, 1938 – Septyembre 1, 1941
President	Manuel L. Quezon
Suminunod ki	Basilio Valdes
Sinundan ni	Simeon de Jesus
Personal na mga detalye
Kamundagan	Vicente Lim y Podico; Pebrero 24, 1888; Calamba, La Laguna, Captaincy General of the Philippines
Kagadanan	Desyembre 31, 1944 (edad 56); Manila Chinese Cemetery; City of Greater Manila, Philippines
Lulubngan	Manila Chinese Cemetery, Manila, Philippines
Agom	Pilar Hidalgo-Lim
Mga aki	Luis (son); Roberto (son); Vicente Jr. (son); Patricio (son); Eulalia (daughter); Maria (daughter)
Alma mater	Philippine Normal School; United States Military Academy (Class of 1914)
Military service
Ranggo	Brigadier General
	Military career
Alyansa	Philippines; United States;
Serbisyo/Sangay	United States Army; Philippine Army
Taon kan Serbisyo	1910 – 1944
Ranggo	Lieutenant Colonel, US Army; (retired in 1936); ; Brigadier General, Philippine Army; (1936–1944);
Yunit	45th Infantry Regiment Philippine Scouts; 41st Division, PA (USAFFE)
Tinugon sa	Vice Chief of Staff, Philippine Army; Chief, War Plans Division, Philippine Army; Deputy Chief of Staff, Philippine Army; Commanding General, 41st Division, Philippine Army, II Corps (USAFFE);
Battles/Wars	World War I; World War II Battle of Bataan; ;
Mga Onra	Legion of Merit; Purple Heart; Distinguished Conduct Star; Distinguished Service Star; Distinguished Long Service Star; Posthumous honorary rank of Lieutenant General
Signatura

Si Vicente Podico Lim (namundag Vicente Lim y Podico; Pebrero 24, 1888 – Desyembre 31, 1944) sarong Filipinong brigadier general asin heroe sa [[Ikaduwang Gerang Pankinaban]. Si Lim iyo an pinakaenot na Filipinong gradwado sa United States Military Academy sa West Point (Klase nin 1914). Bago kan pagkatugdas kan Philippine Army, siya nagin opisyal sa Philippine Scouts (sarong lokal na filipinong yunit kan US Army). Durante kan Batalya nin Bataan, si Lim iyo an Commanding General kan 41st Division, Philippine Army (USAFFE). Kan pagbagsak kan Filipinas siya hararom na imbwelto sa Resistensyang Filipinong Hiron sagkod kan saiyang pagkadakop asin ehekusyon.

Si Lim saro sa pitong kagmuknang myembro kan Boy Scouts of the Philippines. Siya pig'onra nin pagromdom sa kwartang papel na 1000 nin Filipinas kairiba an duwa pang heroeng Filipino na naglaban asin nagadan kontra Hapones kan Ikaduwang Gerang Pankinaban.

Kaamayi nin buhay asin edukasyon

Si Vicente Lim namundag kan Pebrero 24, 1888, sa banwaan nin Calamba sa La Laguna (ngonyan, Laguna), asin siya ikatolo sa apat na mga aki ninda Jose Ayala Lim Yaoco asin Antonia Podico. Bilang dugong Tsino Filipino, an ama niya lubos na Sangley (migranyeng Tsino) na nagsasalapid kan saiyang buho mantang saiyang ina, Antonia Podico, sarong Mestiza de Sangley (Chinese mestiza). Si Jose Lim nagadan kan si Vicente siyamm na taon pa sana,, na binayaan an saiyang ina asin siya asin magturugang na padakulaon sinda hale sa tinutubo kan sadit na negosyo. Si Vicente asin mga tugang, Joaquin, Olympia asin Basilisa, siring sa dakul na mga Tsinong Filipinos, nagdarakula na binibisto an sadiri ninda komo tunay na mga Filipino.

Sa mga kaaramigo na Jose Lim asin Antonia Podico iyo an pamilya ni José Rizal, na ini ngapit minidbid na Heoroe Nasyonal nin Filipinas.^[1] Si pamilya Lim, siring ka pamilya Rizal, nag'aaryendo kan daga pagrorogaring kan Orden Dominakanoo: mga paroyan sa baryo nin Calamba, Lecheria asin Real saka mga tubohan sa Barrio Barandal. Kan 1891, an daing ontok na siplingan ultan kan mga admiistrador na Kaetila ka kadagaan Dominikano asin mga tumatawo igdi dapit sa renta asin iba pang bagay, nag'abot na sa makuring sitwasyon asin bungta kaini, dakul na mga tumatawo an pinaralayas, na nakadamay igdi an pamilya Lim asin pamilya Rizal.^[1]

Si Vicente nagtapos elemmentarya sa Tanauan, Batangas.

Gera Filipino-Amerikano

Durante kan Gera filipino-Amerikano igdi nahiling an katorse anyos na Vicente kan saiyang pagkamoot sa banwa, mala ta siya sin mga kaakian saiyang tinipon, nagsisirbeng mga paradarang mga sekretong surat kan mga gerilya sa sakop kan grupo niMiguel Malvar nag'ooperar sa bandang Calamba^[1]

Philippine Normal School

Pakalihis kan Gera Filipino-Amerikano si Vicente nagpadagos kan saiyang pag'adal sa Liceo de Manila, asin natapos niya an teacher training program sa Philippine Normal School.^[2] Siya ngapit nagin maestro publiko sa Santa Cruz, Manila nin sarong taon. Siya nagdesidir magkua pang dagdag na kurso asin nagbalik sa Philippine Normal. Si Vicente mahusay na estudyante, haralangkawon an mga grado sa matematiks, asin sa iba pang asignatura. Siya mahusay man na atleta. Hanga' kan saiyang tibay sa atletiks asin kan saiyang intelehensya, an sarong maestro superbisor pigsonsonan siyang gayo na magkua nin entrance examination sa United States Military Academy sa West Point. Mantang siya nagsegunda sana sa mga eksam tinao kan Philippine Bureau of Civil Service, an grado niyang 99% sa Mathematics iyo an nagsegurong masikwit niya an scholarship. Kan 1910, si Vicente nagin pinakaenot na Filipino nag'entra sa West Point.^[1]

Toltolan

↑ ^1.0 ^1.1 ^1.2 ^1.3 Lim, V. (1980). To Inspire and to Lead : The Letters of Gen. Vicente Lim, 1938–1942. (A. Lim, Ed.) Manila.
↑ (n.d.). The Filipino Philippine Scout Officers of the US Army.

[[Category:People executed in the Philippines

[Inspire-1] 1.0 ^1.1 ^1.2 ^1.3 Lim, V. (1980). To Inspire and to Lead : The Letters of Gen. Vicente Lim, 1938–1942. (A. Lim, Ed.) Manila.

[Scout-2] (n.d.). The Filipino Philippine Scout Officers of the US Army.

[1]

[2]