Vicky Morales

Vicky Morales
Ipinangaki	Victoria Torres Morales ( 1969-07-10 ) Hulyo 10, 1969 Manila, Filipinas .
Mga Trabaho

Vicky Morales
Ipinangaki	Victoria Torres Morales ( 1969-07-10 ) Hulyo 10, 1969 Manila, Filipinas .
Mga Trabaho

Victoria "Vicky" Torres Morales-Reyno [2] (  ; namundag kan Hulyo 10, 1969 ) sarong Filipinong parapahayag sa radyo asin sa telebisyon . Saro siya sa taga pag bareta kan GMA Network pagka banggi sa 24 Oras poon pa kan 2014, [3] asin an tagapagdara kan Sabado nin hapon na dokumentaryong drama na palabas na Wish Ko Lang! kada Sabadong hapon poon kan 2004. [4] Para sa pag-host kan Wish Ko Lang! , nakua niya an premyo na "Pinakamatibay na Tagapagdara kan Programang Pampubliko sa Telebisyon" durante kan ika-29 na PMPC Star Awards para sa Telebisyon kan 2015 na itinao kan Philippine Movie Press Club. [5] Dati siyang nag-angkla kan Saksi, an huring programa kan bareta kan GMA Network, poon 1999 [2] sagkod sa taong 2014. [3] Sa GTV, siya an nag-host nin sarong programa sa bareta sa magasin na may titulong Good News Kasama si Vicky Morales, [6] na pinunan kan 2011 kan an GTV dati mas bisto bilang GMA News TV . [7] [8] [9]

Apwera sa pag-ako nin sarong premyo gikan sa PMPC, nakaresibe siya nin manlaen-laen na mga pag-omaw gikan sa ibang mga lokal na premyo kabali an Catholic Mass Media Awards, UP Gandingan, USTv Awards, Gawad Tanglaw, Northwest Samar State University Student Choice Awards, asin Anak TV Seal. [2] An saiyang mga kakayahan bilang sarong peryodista na bisto man sa bilog na kinaban kan Asian TV Awards, New York Festival, US International Film and Video Awards, asin kan George Foster Peabody Awards . [4]

Karera

Mga taon sa kolehiyo asin ABS-CBN stint

Kan siya naglaog sa Ateneo de Manila University, an enot na kurso na saiyang kinua iyo an Bachelor of Science in Management alagad kan huri naglipat siya sa sarong kurso sa komunikasyon, tanganing, siya maging sarong peryodista. [2] Durante kan saiyang mga taon sa kolehiyo, ipinamidbid siya kan saiyang propesor sa ehekutibo kan ABS-CBN na si Charo Santos-Concio [10] [11] dangan nag odisyon siya tanganing magin parte kan ABS-CBN Network. [12] Gusto ni Charo na magin aktres siya alagad mas gusto ni Morales na magin tagapag bareta. [11] Nakapasar siya sa mga odisyon dangan pagkatapos, nag-atendir siya nin pagsasanay tanganing mapakarhay an saiyang kakayahan. [11] Sa sarong punto kan saiyang pagsasanay, nagtrabaho siya kaiba si Korina Sanchez sa halipot na panahon. [13] [11]

Pakalihis nin tolong bulan na pagsasanay, an mga ehekutibo kan ABS-CBN dai nakuntento sa saiyang pagtanghal, kaya, hinale siya sa pagsasanay. [12] Pero, bako ini an saiyang huring stint gikan sa ABS-CBN. Kan huri siya pigkua ni Dong Puno bilang saiyang mga taohan sa produksyon asin kan huri saro siya sa tagaheras sa saiyang programa sa negosyo sa ABS-CBN. [12] Dakul an nanudan ni Morales ki Dong asin pigkonsiderar niya ini bilang saiyang taga tukdo. [12]

Broadcast journalist sa GMA Network

Kan 1990, pagkatapos Niya mag gradwar sa kolehiyo, si Morales sekretong nag-aplay [11] para sa sarong anchor spot sa GMA Headline News (ngonian dai na ginagamit na Ingles na programa nin bareta sa banggi kan GMA Network) na makikisumaro sa mga para bareta kan programa na si Tina Monzon-Palma asin Jose Mari Velez . [2] Pagkatapos an AVP kan GMA para sa bareta na si Dan de Padua inapudan si Vicky, siya an nakua bilang taga bareta para sa GMA Headline News asin nalampasan an 500 pang aplikante. [4] [11] Siya an nag-angkla nin sarong parte kan nasambit na programa sa huring bareta na may titulong "Marahay na Bareta," na, sa paagi, iyo an magigin titulo kan saiyang sadiring programa nin bareta sa magasin kan 2011. [2]

Pagkatapos kan saiyang trabaho sa GMA Headline News, an ehekutibo kan GMA na si Tony Seva nakiulay ki Vicky na makipag-ulay giraray ki Dong Puno sa saiyang programa sa bareta sa aga na may titulong Business Today . [4] Pakalihis nin duwang taon kan saiyang sarong palabas sa aga, nagbalik siya sa pag bareta sa banggi asin nag-angkla kan GMA Network News, na, enot na nagpoon sa tataramon na Ingles asin kan 1999 binalik giraray sa tataramon na Filipino. [2]

Kan taong 1999, si Morales nagpoon na magin para bareta sa pan bangging programa nin bareta sa tataramon na Filipino na Saksi . [4] An 1999-2004 na edisyon kan Saksi nagtampok kan saiyang dating kapadis asin host kan Imbestigador na si Mike Enriquez, na iyo an kaiba niya sa 1999 na edisyon sa tataramon na Filipino kan GMA Network News . [15] Kan 2004, si Morales padagos na nagin para heras kan bareta sa pan bangging Filipino language news program na Saksi kaiba an bagong kapadis na si Arnold Clavio asin sarong bagong host sa program na sinalidahan si Bernadette Sembrano kan Wish Ko Lang! . [16] Parte na siya kan I-Witness bago siya naglaog sa Wish Ko Lang! [4]

Sa pagbukas kan GMA News TV channel kan 2011, tinawan siya kan programa na may titulong Good News Kasama si Vicky Morales . [6] An channel kan huri pig-bago sa GTV asin an palabas ni Vicky pigdara. [6] Kan Nobyembre 10, 2014, si Morales nagin kaibahan sa 6:30 PM programa nin bareta kan GMA Network, 24 Oras, na nagin ikatolong para bareta, pagkatapos na makaibahan kan Saksi sa laog nin 15 taon asin sinalidahan ni Pia Arcangel . [3]

Personal na buhay

Si Dante Morales asin Ma. Luisa Torres Morales an mga magurang ni Vicky. [17] Si Dante, an ama ni Vicky siya sarong medikal na doktor, saro sa mga direktor kan Manila Jockey Club, na saiyang sinalidahan gikan sa saiyang agom na si Ma. Luisa, na saro man na miyembro kan board member kan club. [17]

Si Morales kasal sa sarong abogado na si Alfonso "King" Reyno kan Hunyo 2, 2001. [1] Sa pagkakataon, si King parte man kan Manila Jockey Club arog kan mga magurang ni Vicky nin huli ta siya an Chief Operating Officer (COO) kan club. [17] An mag-agom igwa nin tolong aki: an kambal na si Filippo Luis asin Leon Alfonso (parehong namundag kan 2008), asin si Daniela Simone (ipinangaki kan 2010). [18]

Imahe sa publiko

Bilang sarong peryodista sa saiyang mga programa sa telebisyon, pighihiling ni Morales an saiyang sadiri bilang bakong matibay na klase o mahigos, mapag-atubang na klase alagad idedepensa niya an sarong posisyon na saiyang pinapahalagahan. [4] Dugang pa, iheheras niya an bareta bilang kun siisay siya, an boot sabihon, pagigin mapagkamoot. [4] Nagmukna siya nin positibong pampublikong persona na nagtatao nin paglaom asin simpleng kaogmahan sa saiyang mga paradalan siring sa nahihiling sa saiyang mga palabas na Wish Ko Lang! asin Marahay na Bareta . [4] An saiyang ugali sa saiyang posisyon naprobaran kan 2020 kan siya nag-interbyu ki Dr. Bong Javier, direktor kan Makati Medical Center, manungod sa pagbalga kan mga protocol kan COVID-19 ni Senador Koko Pimentel sa ospital. [19] An publiko, partikularmente an mga tao, nag-omaw ki Morales asin ilinadawan siya bilang nasusupog ki Pimentel alagad kalmado sa laog kan interbyu. [20]

Bako sana s pagbisto bilang sarong peryodista, si Morales nakagibo nin nagkapirang mga sala sa live na telebisyon. Saro digdi nangyari kan Oktubre 12, 2020, sa 24 Oras kun sain mahihiling siyang may kapot na cue card na an teksto nakaatubang sa camera. [21] An teksto igwa nin Taglish na naka surat na nagsasabing " PA-REVIEW NG SCRIPT PLEASE " (PLEASE REVIEW THE SCRIPT). [22] Saro pang sala an nangyari kan Mayo 20, 2021, sa 24 Oras man, kan iba an sinabi niya kan saiyang outro. [23] Nagsabi siya nin " At dahil hindi natutuli...ay natutulog an balita! " (ini pwedeng itradusir sa "Asin huli ta an bareta dai pwedeng turion ...oops, dai nagtuturog") imbes na " At dahil hindi natutulog an balita! ". [23] Minsan ngani, garo baga ginibo ini ni Morales sa sarong nakaka ugma na paagi huli ta sinabi niya an saiyang outro bago an sarong bareta manungod sa pagturi sa panahon kan pandemya nin COVID-19 asin an pag-iriwal ni Mel Tiangco asin Mike Enriquez, an saiyang mga ka trabaho manungod sa tema. [23] [24] Sa sarong interbyu, ipinaliwanag ni Morales na dai siya naggibo nin sarong blooper asin sinabi niya an linya nin tuyo asin idinagdag na an "bareta bakong tinuri, na an boot sabihon dai mi pinuputol o pigsensura an samong mga bareta tanganing paboran an siisay man." [25]

Kan Agosto 29, 2023, an sarong emosyonal na si Vicky Morales, kaiba si Mel Tiangco asin Emil Sumangil, nagbareta manungod sa pagkagadan ni Mike Enriquez. Pinunasan ni Morales an saiyang mga luha mantang itinatao an saiyang pantapos na tataramon.

Telebisyon
Taon	Titulo	Konektadong mga bagay
1991–1992	GMA Headline News	GMA Network
1992–1999	GMA Network News
1999–2014	Saksi
1999–2004	Ako-Saksi
2004–presente	Wish Ko Lang!
2007	Agenda kan Pilipinas
2011–presente	Marahay na Bareta	GMA News TV / GTV
2014–presente	24 Oras	GMA Network
2020	Ilaban Natin Yan!