Villa Donn'Anna

Palazzo Donn'Anna sa Naples.

An Palazzo Donn'Anna sarong historikong resdensya sa Naples, Italya. Ini namumugtak na barang na gayo sa hanggilid kan kosa nin Posillipo, sa bandang sulnopan kan doongan nin Mergellina. An edipisyo yaon sa sityo kan inapod na "Rocks of the Siren" ("Gapo kan Sirena) asin ta ini talaga orihinalmente inaapod na La Villa Sirena.

Historya

An orihinal na edipisyo sa sityo itinugdok gayod kan sarong tawong nag'ngangaran Dragonetto Bonifacio kaamayi nin ika-15ng siglo. Nalito ini pirang beses iba-ibang pagsasadiri alagad kan 1630 rogaring na kan sa ngonyan iyo an darang pangaran, si Anna Carafa, dukesa kan Stigliano asin agom ni Ramiro Núñez de Guzmán, an Espanyol na Viceroy nin Naples. Si Anna pinabago an desenyo kaini ki arkitekto Cosimo Fanzago kan mga 1640. Kan buminalik an saiyang agom na haleng Espanya na solo-solo kan 1644, an dai pa tapos na edipisyo pinabayaan na sana An palasyo binakal sa mga kagmana ni Anna Carafa ni Teora Mirelli. An mala-grandeng alagad naglalapa nang barokong edipisyo na nakatindog sa gilid-pampang nin dagat nagin sarong nakakalumay na tanawon sa mga ika-18 asin ika-19ng siglong mga artista asin pintor. Sa partikular, grabe an atraksyon kaini sa mga biyaherong mga Briton nagdadagos sa haraning villa ni William Hamilton. Paglaog kan ika-19ng siglo, an estruktura ro'ro' pang gayo. Kan amay nin 1900 sarong pamilyang Pranses, Genevois, binakal ini asin pinaghirahay nanggad sa kun anong hitsura na ngonyan. An parteng bandang sulnopan ibinenta kan 1928 sa pamilya Colonna di Paliano asin ngapit sa kun kiisay-isay pang mga pamilya, ta ini pigbaranga' sa mga saradit na mga pitak kan kagmana ni Genevois. An ibang kabtang kaini raraot pa, alagad kadaklan na parte nagagamit nang mga residensya, arog kan home gallery kan art dealer na si Lia Rumma asin kan Napoli football player na si Dries Mertens.