Vitiligo

Gikan sa Bikol Sentral na Wikipedia, an talingkas na ensiklopedya
Vitiligo sa kamot
Vitiligo sa kublit na itom

An vitiligo sarong natnat na kondisyon sa kublit kun saen an kublit nawawara an pigmento kaini. Nangyayari ini kun an pigmento selula kan kublit dai na nag'aasir asin nagpupunsyonar. Daing gayo isi an talagang kawsa kan pangyari nin vitiligo. An pagsasaligsig nagsusuwestyon na pwede huli sa autoinmune, henetiko, nerbyos o sa virus. May kaso totoo nakakawsa ini kan pagkalahid sa ibang mga kemikal. Kabanga daa kan apektado kaini naduduktan dai pa naabot edad 20 pero an kadaklan nakukua ini bago aboton an edad 40.

An porsentahe sa populasyon kan kinaban na nagkakahelang nin siring sa kublit dai maabot sa 1%. Mayo pang aram na bulong nakakaomay nanggad kaini alagad igwang mga panlahid na nakakatahob kan mga pagkakabang sa kolor kublit. Igwa man remedyo na an kublit na normal pwede itapal sa lugar na may vitiligo. Saro pang remedyo iyo an pagpailaw sa ultra-violet na sirang sa lugar na apektado kasabay an paglahid nin krema.

Mga tandaan asin sintomas[baguhon | baguhon an source]

An pagkaigwa nin vitiligo naririsa tolos sa mga patse-patseng lugar nin kublit na mayong pigmento nahihiling sa pagkapu'saw o pagkaputi kaini na risang iba sa kolor sa ibang parte kan kublit, na garo na baga karabang sa kolor.Ini pating mga patseng ini napoon saradit sana alagad nagdadakula o naglalakop. Prominente ining magbutwa sa pandok, kamot asin takyag. An pagkawara' kan pigmentasyon mas partikular sa mga palibot kan mga lusotan sa hawak arog kan nguso, mata, susunghan, sa palibot kan ikinabuhay asin sa pusod. An mga pasyenteng nagsasapo nin siring na kondisyon naagi sa depresyon asin pagkabalde' sa saindang hitsura. Ini dai nakakaolakit sa anoman na pagkaduruta'an.

An vitiligo mas risa sa mga kulbit na mairom arog kan sa negro asin daing gayo reparo sa mas mapupu'saw na kublit dawa nalataw na gayo sa mga puti kun nabalad sa saldang.


Toltolan[baguhon | baguhon an source]