Wenceslao Retana

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Wenceslao E. Retana
W E Retana.jpg
Kamundagan1862
Kagadanan1924
Iba pang mga ngaranW.E. Retana
TrabahoParasurat, Filipinolohista

Si Wenceslao Emilio Retana y Gamboa ( ? 1862 - Enero 21 1924) sarong Espanyol na administrador kolonyal, parasurat, historyador, parapalagda', paradamot nin mga libro, asin maogid na paraadal kan mga bagay na Filipino. Nabantog siya komo saro sa pinakasangkap na kolektor nin Filipiniana.


Namundag siya sa probinsya nin Madrid sa lugar na inapod Boadilla del Monte kan taon 1862. Nag'adal siya na magin sarong inhinyero militar duman sa Guadalajara.

Dangan kaidto nagin siyang halangkaw na opisyal sa Ministerio de la Gobernacion. Kan taon 1884 natoka siya sa Filipinas komo sarong opisyal sa pinansya sa Batangas.


Naagom niya si Dona Adela Ramirez de Arellano, aki nin sarong distinguidong pamilya sa Manila. An mag'agom nagkaigwa nin walong aki, apat na babae, apat man na lalake. Saro sa aki niya iyo si Alvaro Retana, na ngapit nagin bantogan na baklang parasurat sa Espanya.


Huli sa helang sa puso, buminalik siya sa Espanya kan taon 1890. Duman nanombrahan siya sa iba-ibang katongdan sa gobyerno. Nagin siyang sekretaryo kan International Congress of American Scholars asin sekretaryo kan Congress of Geographic Orientalist of Madrid. Laen pa kan mga katongdan niya sa gobyerno, si Retana nagin aktibong gayo bilang peryodista, editor asin correspondent. Sa siring na opisyo, nagsirbe siya sa La Voz Española, asin Heraldo de Madrid, editor kan La Oceanía Española, katuwang na editor kan La Opinión, correspondent kan La España Oriental asin El Porvenir de Bisayas, La Política de España en Filipinas, La Época, El Nacional, La España Moderna, Nuestro Tiempo, Raza Española, Boletín de la Academia de la Historia, La Política Moderna, asin kan Guttemberg (1904). An saiyang tagong-pangaran "Desengaños".

Siya nagsurat manongod haros gabos na aspeto kan buhay Pilipino, magin man sa pulitika, relihiyon, arte asin kultura. Mala ta arog kahiwas an saiyang adal , an kabantogan niya lakop nanggad sa kinaban na sinasabi gayod segunda sana ki Ferdinand Blumentritt. Kan Oktubre 13, 1922 naako siya bilang kaapil sa Real Academica de Historia. Sa saiyang kayaman na buhay, nagin pa siyang diputado sa Espanyol na Cortes, hepe kan polisya sa Barcelona, asin gobernador sibil nin duwang probinsya sa Espanya.

Igdi sa Kabikolan, an obra niyang Archivo del bibliofilo filipino dakula na gayo an papel sa lantad nin kultura ta iyo ini an nagdara asin igdi nadukayan an epikong Ibalong na ilinakip ni Jose Castaño sa saiya man na obra, an Breve noticia acerca del origen, religion, creencias y supersticiones de los antiguos Indios del bicol.


Bibliograpiya[liwaton | liwaton an gikanan]

  • Frailes y clérigos, 1890.
  • Apuntes para la historia (aniterias y solidaridades) M. Minuesa de los Rios, 189
  • Sinapismos, 1890.
  • Avisos y profecías, 1892
  • Archivo del bibliofilo filipino : recopilacion de documentos historicos, cientificos, literarios y politicos, y estudios bibliograficos, Impr. de la viuda de M. Minuesa de los Rios], 5 vols, 1893-1905.
  • Cosas de allá, Imprenta de la Viuda de M. Minuesa de los Rios, 1893.
  • Bibliografía de Mindanao, Viuda de M. Minuesa de los Rios, 1894.
  • Los antiguos alfabetos de Filipinas (notas bibliograficas), Imprenta de la Viuda de M.Minuesa de los Rios, 1895
  • Brevísimo epítome de la imprenta en Manila (1593-1810), bibliography, 1896.
  • Catalogo abreviado de la biblioteca Filipina, bibliography, Imprenta de la Vda. de M. Minuea de los Rios, 1898
  • Los frailes filipinos, por un español que ha residido en aquel país, Madrid, 1898
  • La imprenta en Filipinas (1593-1810), 1899.
  • Tabla cronológica y alfabética de imprentas e impresores de Filipinas (1593-1898), 1908.
  • El periodismo filipino, 1895.
  • La Fiesta de toros en Filipinas, 1896.
  • La Imprenta en Filipinas Adiciones y Observaciones á La Imprenta en Manila de D.J.T. Medina, Madrid, 1897
  • Catalogo de obras filipina que ofrece en venta W.E. Retana, bibliography, Barcelona, Impr. El Siglo XX, 1902
  • La tristeza errante, nobela, 1903.
  • Aparato bibliografico de la historia general de Filipinas deducido de la coleccion que posee en Barcelona la Compañia general de tabacos de dichas islas Imprenta de la sucesora de M. Minuesa de los Rios, 1906
  • Vidas y escritos del doctor Rizal, biograpiya, 1907.
  • De la evolución de la literatura castellana en Filipinas, Madrid, 1909.
  • La Inquisición en Filipinas, 1910.
  • Noticias histórico-bibliográficas del teatro en Filipinas desde su origen hasta 1898, 1910
  • Orígenes de la imprenta filipina, 1911.
  • Índice de Personas Nobles y Otras de Calidad que han estado en Filipinas desde 1521 hasta 1898. Suárez, 1921
  • Breve diccionario bibliográfico de los ingenieros militares que han estado en las islas Filipinas desde 1565 hasta 1898, 1923.

Mga panluwas na takod[liwaton | liwaton an gikanan]

  • Isay si Wenceslao Retana? -[1]
  • Si Retana asin an La bibliografia filipina 1800-1872 - [2]