William Hill Brown

Gikan sa Bikol Sentral na Wikipedia, an talingkas na ensiklopedya
The Power of Sympathy by William Hill Brown (1789), title page

Si William Hill Brown (Nobyembre 1765 – Septyembre 2, 1793) sarong nobvelistang Amerikano, asin siya an autor kan sinasabing pinakaenot na nobelang Amerikano, The Power of Sympathy (1789),[1] asin "Harriot, or the Domestic Reconciliation",[2] patin an saysay na serye'ng "The Reformer", napublikar man pareho sa Massachusetts Magazine.

Buhay[baguhon | baguhon an source]

Si Brown namundag sa Boston, Massachusetts, aki ni Gawen Brown asin kan saiyang ikatolong agom na si Elizabeth Hill Adams. Si Gawen Brown gikan Northumberland, Inglaterra asin sarong paragibong relo.[3] Si William binunyagan sa Hollis Street Church kan Desyembre 1, 1765.

Kan 1789, si William Brown nagpapublikar nin nobela The Power of Sympathy. Si Brown may mahiwas na adal manongod sa literaturang Europeo, halimbawa an Clarissa ni Samuel Richardson,[4] alagad hinihimo na maski may elemento gikan sa siring , ginigibo niya an pinangyarihan iyo an sa lugar nin Amerika asin eksperensya nin Amerikano. Alagad, an libro nagiistorya nin bagay nakaarog nanggad sa sarong iskandalo sa lugar niya kaya ini ibinawal ipabenta sa lugar ninda.[5] Siya nagpadara man nin magkapirang kontribusyon sa Columbian Centinel.

Mga Oktobre 1792, si Brown naghale sa lugar ninda asin nagpasiring sa iniestaran kan saiyang tugang na babae, si Eliza Brown Hinchborne, duman sa Umahan Hinchborne harani sa Murfreesboro, North Carolina, asin duman nagpoon mag'adal dapit sa ley katuwang si William Richardson Davie sa Halifax. Si Eliza nagadan kan Enero 1793. Dai pa tood sa klima kan Eastern North Carolina, si William Brown nagadan sa hinuhuna malaria sunod na Agosto sa edad na 27.[6]

Trabaho[baguhon | baguhon an source]

Si Brown may pagtubod na dapat an mga nobela magsirbeng panalmingan nin halangkaw na moralidad.[4]

  • Harriot, or the Domestic Reconciliation (1789)
  • The Power of Sympathy (1789)
  • Selected Poems and Verse Fables 1784-1793 by William Hill Brown (posthumous)[7]
  • Ira and Isabella (1807)[8]

Mga basahon pa[baguhon | baguhon an source]

Toltolan[baguhon | baguhon an source]

Mga panluwas na takod[baguhon | baguhon an source]