Yaeko Batchelor

Si Yaeko Batchelor namundag kan Hunyo 13, 1884, sa Usu, Date City, Hokkaido. An saiyang pangaran sa pigrehistro kan pamilya bilang Yaeko Mukai, asin an saiyang pangaran kan aki pa iyo si Fuchi. An saiyang ama iyo si Mukai Tomizō, miyembro kan sarong makapangyarihan na pamilyang Ainu, asin an pangarang Ainu iyo si Morotcaro . An saiyang ina an pangaran Hutchise. Kaiba sa limang tugang ni Yaeko iyo an Anglikanong pastor na si Yamao Mukai [ ja ]. An ama ni Yaeko hararom an pagsarig sa misyonerong Anglikano na si John Batchelor, asin tinugutan si Yaeko na mabunyagan. Alagad, kan si Yaeko 11 anyos, nagadan an saiyang ama. Kan siya 13 anyos, luminuwas sa Sapporo tanganing mag-adal sa Ainu Girls' School na pinapalakaw ni Batchelor, asin sa laog kan panahon, nagpadagos siya sa St. Hilda's School sa Tokyo.

Kan 1906, kan si Yaeko 22 anyos, siya inampon ni John Batchelor asin kan saiyang agom na si Louisa. Enero kan 1909 si Yaeko nag-iba sa mag-agom pasiring sa England, asin hinirang bilang sarong layong ebanghelista kan Arsobispo kan Canterbury. Ipinadagos niya an misyon na ini sa Biratori asin Noboribetsu. Kan 1912, kaiba kan nag ampon saiyang ama, nagduman siya sa Sakhalin tanganing duman ipalakop an saiyang pagtubod.

Kan 1931, sarong koleksyon kan saiyang mga rawitdawit na tanka na may titulong For the Young Ainu an ipinublikar. An ina na nag ampon saiya na si Louisa nagadan kan 1936, asin ilinubong sa Maruyama Cemetery sa Sapporo. An ama na nag apomon saiya na si John Batchelor nagadan kan 1944. Si Yaeko nagtipon nin mga 250 kan saiyang mga libro asin nagkapira sa iba pang mga gamit sa saiyang harong pagkatapos kan saiyang kagadanan.