Yosano Akiko

Namundag si Yosano bilang Hō Shō (鳳 志やう) sa sarong mauswag na pamilyang negosyante sa Sakai, harani sa Osaka. Poon sa edad na 11, siya an pinakaresponsable sa pagpapadalagan kan negosyo kan saindang pamilya, nagpoprodusir asin nagpapabakal nin yōkan, sarong klase nin kendi. Poon sa pagkaaki, mahilig na siyag magbasa nin mga obrang panliteratura asin pirme siyang nagbabasa sa mahiwas na bibliyotika kan saiyang ama. Bilang sarong estudyante sa haiskul, nagpoon siyang mag subskribir sa magasin nin rawitdawit na Myōjō (Maliwanag na Bitoon), na kun saen siya nagin prominenteng kolaboradora. An editor ni Myōjō, si Tekkan Yosano, na nagin agom niya, nagtukdo saiya nin rawitdawit na tanka, pagkatapos nindang magkahilingan sa mga pagbisita kaini sa Osaka asin Sakai tanganing magtao nin mga lektura asin magtukdo sa mga workshop.

Kan kahobenan niya, dae tinugutan si Yosano na makipag-ulay sa mga kalalakihan, na saiyang sinitar bilang dahilan kan saiyang natatagong sekswalidad. Dai siya tinutugutan na magluwas sa saiyang harong na mayong kaiba asin mabibilang lang ang beses na nakaduman siya sa harong kan iba. Pagkatapos niyang mag-agom, negatibo an saiyang paghorop-horop sa saiyang kahobenan, na nagsasabi ,"Nakomprediyo ko na sa kaenot-enote kun gurano ka-inbidiyoso, inhusta, asin kadiklom an sakong kahobenan."

Kasal si Tekkan kan nabisto niya si Akiko, asin binayaan niya an saiyang agom pakatapos kan sarong taon tanganing makaibahan si Akiko. Nagpuon sinda nin bagong buhay bilang mga pararawitdawit sa sarong suburb kan Tokyo. Nagpakasal sinda kan 1901, kan si Yosano 23 anyos asin nagkaigwa nin 13 na aki, 11 sainda an nabuhay sakgod sa pagkagurang. Nagkaigwa si Tekkan nin mga extramarital affairs kaiba an saiyang dating agom.