Yoshiko Yuasa

Yuasa Yoshiko
Yuasa Yoshiko
	Yuasa Yoshiko
Ipinangaki	7 Disyembre 1896; ; ; ; Kyoto, Hapon
Trabaho	Parasurat
Dyanra	Mga traduksiyon nin literaturang Ruso

Si Yuasa Yoshiko (湯浅芳子, December 7, 1896 – October 24, 1990) sarong Russian language na iskolar asin tagarawitdawit kan Russian literature sa Shōwa era Japan.

Biograpiya

Namundag sa Kyoto, si Yuasa sarong parasuporta kan mobiyentong peminista sa huring parte kan Taishō asin amay na panahon kan Shōwa sa Hapon. Pagbalyo niya sa Tokyo, naakit man siya sa leftist political movements asin nagin imbwelto sa nanginginot na babaeng nobelista proletarian literature movement ni Chūjō Yuriko. Kan 1924, pagkatapos na magdiborsyo si Chūjō sa saiyang agom, an duwang babae nagpoon na mag-istar na magkaibanan, asin poon 1927-1930, nagbiyahe sinda na magkaibanan pasiring sa Soviet Union, kun sain sinda nag-adal kan tataramon na Ruso asin Russian Literature asin nagkaigwa nin pakikikatood sa bantog na direktor nin pelikula na si Sergei Eisenstein .

An ebidensya nagsusuherir na an relasyon sa pag-ultanan ni Yuasa asin Chūjō sarong romantiko kun bako man sekswal. Mantang si Yuasa igwa man nin romantikong koneksyon sa parasurat na si Tamura Toshiko kaiba an iba pa, si Chūjō sinasabing iyo an pagkamoot kan buhay ni Yuasa. Si Yuasa dai na nanggad nagkaigwa nin romantikong koneksyon sa ibang babae pagkatapos kan kasal ni Chūjō sa proletaryong awtor asin lider Japan Communist Party na si Miyamoto Kenji, dawa ngani sa sarong interbyu sa huring parte kan saiyang buhay sinabi ni Yuasa na an tataramon na "lesbian" (rezubian/レズビアン) na minaaplikar saiya.

Pagkatapos kan saindang pagbalik sa Japan asin si Chūjō nag-agom giraray, si Yuasa nagpadagos sa saiyang trabaho sa pagdadakitaramon kan mga awtor na Ruso, orog na an mga obra ni Maxim Gorky, Anton Chekhov asin Samuil Marshak. Siya orog na nabisto sa saiyang dakitaramon kan The Cherry Orchard ni Chekhov. Si Yuasa nagadan kan 1990, asin an saiyang lolobngan yaon sa Tōkei-ji, sarong templo sa Kamakura .

Pamana

Pagkagadan niya, an Yuasa Yoshiko Prize pigmukna para sa pinakamarahay na tigpalis kan sarong dula sa entablado sa ibang tataramon sa hapon.

Mga Paglaladawan

An Yuriko, Dasvidaniya sarong pelikula na drama kan 2011,na naglaladawan nin halipot na panahon kan 1924, kun sain si Nahana an nagganap bilang Yuasa. Sa direksyon ni Sachi Hamano, an pelikula nakapasar sa duwa sa mga nobelang autobiograpiko ni Yuriko, an Nobuko asin Futatsu no niwa, asin sa nobelang bakong piksyon ni Hitomi Sawabe na Yuriko, dasuvidaniya: Yuasa Yoshiko no seishun .