Yukata

Yukata

panlalake asin pababayeng yukata
Klase	kasolutan pag tag-init kimono
Ginikanan na lugar	Hapon

An yukata (浴衣, lit. bathrobe) sarong daing linyang gapas na kimono sa tig-init, na isinusulot sa mga kaswal na lugar arog kan mga kapiyestahan sa tig-init asin sa mga haraning kariguan. An pangaran literal na itrinadusir bilang "tela sa pagkarigos" asin yukata orihinal na isinusulot bilang mga bathrobe; an saindang modernong paggamit mas mahiwas, asin sarong komun na tanawon sa Hapon sa panahon nin tig-init. Dawa ngani an yukata tradisyonal na indigo asin puti an kolor, an mga modernong yukata parateng igwa nin manlaen-laen na kolor na disenyo, asin dinisenyo tanganing mahugasan sa makina. An mga ini kapareho an itsura kan nemaki, sarong unisex na halipot an manggas na garo kimono na gubing na isinusulot kan mga bisita sa tradisyonal na mga harong-dagosan.

Mga teknik asin tela

An mga yukata ginigibo gamit an manlaen-laen na tela asin mga teknika sa pagtina. Sa tradisyon, ini ginigibo sa sarong teknik na inaapod na Nagaita-Chugata, kun saen an tela tinitina sa mag-ibong na lado gamit an mga stencil. Nin huli ta an teknik na ini mahal, sarong teknik na inaapod na Chusen an pigdevelop kan huring panahon kan Edo tanganing arogon an doble-sided na tela.

Pagtogdok asin pagsulot

Yukata ay isinusu'lot kan ma lalaki asin babayi. Arog kan ibang klase nin tradisyonanl na bado kan mga Hapon, an yukata gibo na may deretso an tahi asin haluag an manggas. An yukata kan mga lalaki midbid sa halipot na manggas na mga 10 sentimetro (3.9 pulgada) hali sa labot kan kili-kili, kompara sa mas halaba na 20sentimetro (7.9 pulgada) estrandarte kan pag-sulot nin yukata kan mga babayi. An nin obi, asin sandalyas o geta na daing medyas. Pwede man ining gamiton ning may pandong o nakapirming paypay asin dagdagan nin tradisyonal na bag na inaapod na kinchaku, na ginagamit kan mga lalaki asin babayi sa pagdara nin telephono asin ibag sadarit na pansadiring gamit.

Siring sa gabos na kimono, an wala na lado kan yukata nakabalot sa toong lado, asin nakaseguro nin sarong matagas, sarong patong nin obi, o sarong mas malumoy, saro man na patong nin obi . An panluwas na dyaket pwedeng idagdag para sa malipot na panahon.

Sa tradisyon, yukata kadaklan gibo sa gapas na tinina nin indigo  ; alagad, poon kan paglangkaw kan popularidad kan huring parte kan dekada 1990, kadakol na klase nin kolor asin disenyo an makukua na, na isinusulot kan mga lalaki asin babae.

Kustombre

• 
  Sarong pamilya sa yukata sa sarong banwaan onsen
• 
  Sarong babaeng Hapon na nakasulot nin yukata
• 
  Mga babae sa yukata
• 
  Natiklop na yukata asin obi sa Shibu Hotel sa Yamanouchi, Nagano
• 
  Endō Shimpei, 1887 woodblock print ni Tsukioka Yoshitoshi
• 
  ika-19 siglong yukata sa LACMA na may mga ilustrasyon gikan sa Hizakurige ni Jippensha Ikku

Dawa ngani sa kasaysayan, yukata tradisyonal na isinusulot bilang bathrobe sa bilog na taon, sa presenteng aldaw ini pambihira nang nahihiling, asin ini mayormenteng nakakulong sa mga banwaan onsen resort arog kan Atami, Kinosaki asin Kasutsu, kun saen yukata isinusulot pa man giraray bilang bathrobe, na parati itinatao sa mga bisita bilang parte kan saindang pag-istar sa sarong partikular na hotel.