Yuri Gagarin

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Yuri Gagarin kan yaon sa Sweden

Si Yuri Alekseyevich Gagarin (Ruso: Ю́рий Алексе́евич Гага́рин); 9 Marso 1934 – 27 Marso 1968) sarong Rusong piloto asin astronauta. Siya an pinakaenot na tawo na nakapagbiyahe sa kahiwasan langit kan an pigsakayan niyang pang'espasyong lunadan na Vostok I nakakompleto sa paglikos mundo kan Abril 12, 1961 sa laog nin 108ng minuto.[1][2][3]

Si Gagarin nagin biglang sikat sa bilog na kinaban asin nagawaran nin mga medalya asin titulo, na saro na diyan iyo an maapod siyang "Heroe kan Unyon Sobyet", an pinakahalangkaw na onra. An saiyang pagsakay sa Vostok I iyo mansaana an saiyang paglayog espasyo alagad nagin siyang katuwang sa Soyuz I na misyon na nagtapos sa paglagpak kaini. Ngapit nagin siyang katabang na direktor sa pag'ensayo sa Yuri Gagarin Training Center sa luwas kan Moscow. Si Gagarin nagadan kan 1968 kan an saiyang pigpapalupad na pan'ensayong jet luminagpak. Sinasabing ini nagpaitok'itok paibaba asin naglagpak sa daga huli ta may sarong fighter jet, an Sukhoi Su-15 labi-labing nakarani igdi mantang yaon sa paglupad [4][5]



Toltolan[liwaton | liwaton an gikanan]