Anton Alikhanov

Anton Alikhanov Антон Алиханов
IKa-6 na Gobernador nin Kaliningrad Oblast
Inkumbent
Pagtukaw sa pwesto 29 Septyembre 2017
President	Vladimir Putin
Suminunod ki	Nikolay Tsukanov Yevgeny Zinichev (acting)
Katuwang na Pamayo kan Gobyerno Kaliningrad Oblast
Termino 22 Septyembre 2015 – 30 Hulyo 2016
Personal na mga detalye
Kamundagan	Anton Andreyevich Alikhanov (1986-09-17) 17 Septyembre 1986 Sukhumi, Abkhaz ASSR, Unyon Sobyet (presenteng Georgia)
Partido politikal	United Russia
Agom	Daria Abramova
Mga aki	2
Alma mater	FinU Plekhanov Russian Economic University

Si Anton Andreyevich Alikhanov (Russian: Антон Андреевич Алиханов; namundag 17 Septyembre 1986) sarong Rusong politko, kandidato sa economic sciences, asin sarong abogado. Siya nagserbing gobernador nin Kaliningrad Oblast poon pa kan 29 Septyembre 2017.

Si Alikhanov iyo an pinakahuben na Gobernador nin Rusya sagkod Mayo 2018, kan si Dmitry Artyukhov nagin Gobernador nin Yamal-Nenets Autonomous Okrug.

Siya kaapil sa namomoon na partido politikal kan Pederasyon Rusya, an United Russia.

Biograpiya

Si Anton Alikhanov namundag kan Septyembre 17, 1986 sa siyudad nin Sukhumi (parte kan Abkhaz ASSR) sa Georgian SSR, aki kan ama niyang may dugong Caucasus Greek asin ina niyang Ruso Cossack na an ginikanan Georgian asin Ruso.

Susog sa mga report sa medya, an ama niyang si Andrei Alikhanov saro sa kagtugdas kan dakulang kompanyang Rosmysomoltorg (na may 20% na pagbabakas) asin haloyan nang amigo ni dating enot na Katuwang na Primer Ministrong si Igor Shuvalov asin negosyanteng si Oleg Mitvol. Kan mga 1990, si Mikhail Babich, Plenipotentiary Representative of the President of the Russian Federation in the Privolzhsky Federal District, nagtrabaho kasaro an ama ni Anton.

Siya naggradwar sa All-Russian State Tax Academy kan Ministriya nin Pinansya nin Rusya, major sa Pinansya, Kredito asin Jurisprudence.

Kan 2010, siya nagtrabaho sa Ministriya nin Hustisya kan Russian Federation.

Kan 2012, sa Plekhanov Russian Economic University sa Mosku, saiyang ipigdepender an saiyang tesis para sa degree bilang kandidato nin economic sciences sa uulayon na "Managing costs for the development of the organizational culture of the company" in the specialty "Economics and management of the national economy (management)" (supervisor - Doctor of Economics, Professor A Govorin).

Kan 2013, siya nagtrabaho sa Ministriya nin Industriya asin Komersyo kan Pederasyon Rusya, kun saen siya nagserbing Katuwang na Direktor kan Department of State Regulation of Foreign Trade Activities, dangan - Direktor.

Kan 14 Agosto 2015, nagin siyang myembro kan advisory council sa industriya sa hunta kan Eurasian Economic Commission.

Kan 22 Septyembtre 2015, siya nanombrahan na Katuwang na Chairman nin Kaliningrad Regional Government namamahala sa agrikultura asin industriya.

Kan 30 Hulyo 2016, nagin siyang Acting Chairman kan Gobyerno nin Kaliningrad Oblast.

Kan 6 Oktobre 2016, susog sa Dekreto Presidensyal Nu. 529, si Presidente Vladimir Putin, pignombrahan siyang Akting na Gobernador nin Kaliningrad Oblast. Siya nakumpirma sa pwesto kan Rusong eleksyon gubernatoriyal 2017 by 81,06% votes of electors.

Kan Marso 2021 si Alikhanov nagpahayag kan saiyang intensyon na magpartisipar sa eleksyon para gobernador sa Kaliningrad Oblast, taon 2022.

Buhay personal

Si Anton Alikhanov naagom si Daria Abramova na may aki siya igdi nin duwa. An lolo kan agom niya, si Mogeli Shalvovich Khubutia, iyo an pamayong doktor sa Moscow Research Institute nin Sklifosovsky. Mga iba pang mga sadiring-tawo niya iyo an presidente kan Union of Georgians sa Rusya asin negosyante na si Mikhail Khubutia, na kagsadiri kan kompanyang Rosimpex, na iyo an saro sa dakulaon na supplier nin mga armas sa paghunting asin sa isports sa Rusya. An tugang kan bise-gobernador - si Georgy Alikhanov nag'aadal medisina sa Moscow State University of Medicine and Dentistry asin kaapil sa sarong grupo musikal.