Anwar Sadat

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Anwar Sadat

Si Muhammad Anwar El Sadat (Arabe: محمد أنور السادات‎ Muḥammad Anwar as-Sādāt, pakasayod sa Ehiptong Arabe: [mæˈħæmmæd ˈʔɑnwɑɾˤ essæˈdæːt];Desyembre 25, 1918Oktobre 6, 1981) iyo an ikatolong Presidente kan Ehipto asin siya nagserbing onseng taon poon Oktobre 1970 sagkod na siya pinag'asasinar kan mga fundamentalista kan Oktobre 6, 1981. Sa laog kan peryodong ini nahira niya an direksyon kan Ehipto na nagrayo' sa mga prinsipyo pulitikal asin ekonomiko na pigtolod ni Nasser, mala ta ibinalik niya an multi-partidong sistema pulitikal asin ibinungsod an polisya ekonomikong Infitah.

Siya saro sa senior na kaapil kan grupong Libreng mga Opisyal na nagpatalsik sa Muhammad Aling Dinastiya durante kan Ehiptong Rebolusyon kan 1952; asin siya ugos na kahadoyhadoy ni Gamal Abdel Nasser na saiyang sinundan komo Presidente kan 1970. Kan siya Presidente, dinara niya an Ehipto sa inapod na Oktobreng Gera nin 1973 sa tuyong pagbawe' kan mga nasakop na teritoryo kan Israel durante kan si inapod na 1967 Gerang Anom-na-Aldaw. Nin huli kan saiyang pogosong paghiro' na ini, siya minatang heroe sa Ehipto asin sa Arabong kina'ban dawa ngane totoo, an hiro niyang ini, na katuwang an Syria, dai nagbunga nin toltol. Dangan naglaog siya sa paki'areglo sa Israel kun saen nagresulta sa inapod na Ehipto-Israel na Pagkasundoan. Huli kaini, iginawad saiya an Premyo Nobel para sa Katoninongan. Alagad, sa pangyaring ini ikina'ongis siya kan kadakulan kan mga Arabo, mala ta nagin logod siyang biktima nin pag'asasinar. Siring man, pinutol an pagkaapil kan Ehipto sa Arabong Pag'iriba.,[1][2][3][4].

Mga panluwas na takod[liwaton | liwaton an gikanan]

Toltolan[liwaton | liwaton an gikanan]