Audrey Hepburn

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon

Si Audrey Hepburn (nmndg: Audrey Kathleen Ruston; Mayo 4, 1929 - Enero 20, 1993) sarong aktress na Briton-Belga, sarong humanitario, modelo y bailarina. Siya nagawadan kan Oscar saka premyo Tony.

Namundag sa Ixelles, Belgium, si Hepburn sa saiyang pagkaaki haros nag'estar sa Nederland asin sa Arnhem, Nederland na okupado kan mga tropang Aleman kan ika-2ng gerang pangkinaban. Duman sa Arnheim nag'adal siyang ballet dangan kan 1948 nagdakit sa London kun saen siya nagpadagos pag'adal ballet manta na nagin siyang modelo kan sarong retratista.

Pakatapos pagpapel niya sa magkapirang perlikulang europeo, asin paghimo niya sa sarong papel sa dramang Broadway na Gigi, siya nagpapel kan bida sa Roman Holiday (1953) asin ngapit ngane nagin na siyang saro sa pinakalataw na aktress sa kinaban. Dangan kan siya nagpapel sa Sabrina (1954), The Nun's Story (1959), Breakfast at Tiffany's (1961), Charade (1963) asin My Fair Lady (1964), naghakot siya nin mga nominasyon para sa, asin guminana, kan Academy Awards, sa Golden Globes asin BAFTAS asin, siring man, kan Tony Award huli sa performance niya sa 1954 na dulang Ondine. Masabi pa, si Hepburn saro sa dikit sanang mga entertainer na naripol makamit an Oscar, Emmy, Grammy asin Tony Awards. Sa totoo ngani, kan 1959 an American Film Institute isina'ngat siya sa pwesto bilang saro sa "five greatest female stars" sa sineng amerika.

Mga humanitariong kasibotan[liwaton | liwaton an gikanan]

Sa mga huring aldaw kan saiyang karera, si Hepburn nagsibot sa paglibot sa mga sobrang tios na mga nasyon. Mala ta siya natokang "Goodwill Ambassador of UNICEF" asin nagduman sa Mek'ele kan Etopya kan 1988 kun saen natabangan niyang mapadarhan nin pagkakan an 500 na mga kaakian yaon sa peligrong magadan sa gutom. Sa Turkey nagduman man siya kan Agosto 1988 asin duman an programa nin "immunization" asin pagkaag nin water system napangyari. Siring man kan Oktobre 1988 binista niya an Sud Amerika kun saen sa Venezuela asin Ecuador nahimong matogdas an tamang mga water system sa mga lugar na maipo an malinig na tubig. Nakipagsumpongan man siya sa mga lideres kan Honduras, El Salvador asin Guatemala sa Central America sa pagdara kan mga programa kan UNICEF. Taon 1989, Abril kaidto, sinongko niya an Sudan sa pagbungsod kan "Operation Lifeline" sa tahaw nin gera sibil. Kan Oktobre 1990 binisita niya an Biyetnam sa pasgpasunod kan programang "immunization" asin pagkaag nin toltol na water system. Alagad, an grabeng kagutoman na namalas niya iyo an sa Somalia na nagtanyog na gayo saiya kan siya nagduman kan Septyembre 1922, apat na bulan bago siya naotsan buhay dara kan minamate niyang kahelangan na "appendiceal cancer". Sabi niya, haros maski saen makukua an mga lubongan dawa saen na sana, sa gilid gilid, sa dalan, sa pampang salog asin haros mayo nang mapaglubongan kan mga bangkay.[1][2]


Mga panluwas na takod[liwaton | liwaton an gikanan]