Big Ben

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An Toreng Relo
An Palasyo kan Westminster asin an Dakulang Ben

An Big Ben {Bkl. Dakulang Ben) iyo an arapodan kan dakulang kampana sa relong nakakaag sa itaas kan tore na pinatindog sa may norte-sulnopan na parte kan Palasyo kan Westminster sa London. An inapod na Dakulang Ben apat an atubangan na mabasahan nin oras asin nabagting lambang 15 minutos. An tore mismo iyo an ikatolong pinakalangkaw na toreng-relo sa bilog na kinaban na nagsosolong nakatindog.

Natapos mahaman kan 1859, ini naselebrar pa sana kan saiyang anibersaryo kan Mayo 2009. Opisyalmente, an tore mismo inaapod na Toreng-Relo, Palasyo kan Westminster, alagad, kadaklan kan mga tao, kaiba na an yaon sa palibot kan London, simpleng inaapod an tore na "Dakulang Ben".

An kampana mismo nagtitimbang na 13 tonelada. An relo sana, may gabat na mga 5 tonelada. An mga numerong pigura sa lalawgon kan relo may laba na duwang pie, asin nag'ooltan nin 1 pie sa mga gurit kan minuto. An mga takyag kan minuto kaini naglalaba na 14 pie. Nag'abot 13 taon si paghaman kaini asin natapos kan taon 1856. An langkaw kan tore 316 na pie.

An Dakulang Ben na kampana ikaduwa na, ta su enot naraot kan 1856 huli sa salang kalkulasyon.

An Dakulang Ben saro sa bantogan na bistohan kan London. An iba nagtutubod na nakua an pangaran niya ki Sir Benjamin Hall, si enot na natokahan kan patrabaho kaini.

An kampaang ini orihinalmente hale sa lumang palasyo kan Westminster, asin ini, kun susosogon, tinao sa Dekano ni San Paul ni William III asin bago ibinalik sa Westminster ngane ibitay sa harong niya ngonyan pinagpadagopdopan sa Whitechapel kan 1858. An British Broadcasting Company enot pinabalangibog an malagong na bagting kaini kan Des. 31, 1923, ta igwang ikinaag na mikropono sa alitoktok kan tore na konektado sa Broadcasting House kan BBC.


Panluwas na takod[liwaton | liwaton an gikanan]

  • An Dakulang Ben- [1]