Busay Niagara

Gikan sa Bikol Sentral na Wikipedia, an talingkas na ensiklopedya
An Busay Niagara, barang an American Falls asin Bridal Veil Falls alagad medyo tago sa too an Horseshoe Falls

An Busay Niagara (sinasayod, Busay Nayagra) iyo an arapodan sa tolong busay na nasakrang sa pagdolonan internasyonal kan probinsya nin Ontario kan Canada asin kan estado kan Nweba York kan Estados Unidos. Ini man iyo an naporma kan Ranggas Niagara (Niagara Gorge). Poon sa dakula pasadit, an tolong mga busay iyo an Horseshoe Falls, an American Falls, asin an Bridal Veil Falls. An tolong ini gabos yaon sa Salog Niagara na nadalahay asin natitipon sa Danaw Erie asin nabulos pasiring sa Danaw Ontario. Sinasabing an pagsararo na pagdalihig kan tolong busay iyo na an pinakahalangkaw na rata nin pagbulos nin arinman na busay sa kinaban, na may bulasok na paghulog nag'aabot 165 pye (50 m). An Busay Horseshoe iyo na an pinakamakusog na busay sa tolo, kun pag'uurulayan an langkaw kan vertical na paghulog kan tubig asin rikas kaini, sa bilog na Norte Amerika.[1] An mga busay namomogtak 17 milya (27 km) an rayo' sa norte-norte'solnopan kan Buffalo, Nweba York asin 75 milya (121 km) an rayo man sa sur-sur'subangan nin Toronto, sa pag'oltan kan duwang magkambal na siyudad nin Niagara Falls, Ontario asin Niagara Falls, Nweba York.

An Busay Niagara kun dalanon sa bandang parte kan Canada Kun dalanon an Busay Niagara sa tongod kan Kanada, mahihiling sa wala an American Falls, Bridal Veil Falls, asin an pinakadakula an Horseshoe Falls sa bandang too

Mga panluwas na takod[baguhon | baguhon an source]


Toltolan[baguhon | baguhon an source]

  1. "City Profile for Niagara Falls, Ontario". Archived from the original on 2020-09-21. Retrieved 2008-10-06.