Claudia Rowe

Si Claudia Rowe sarong peryodista na sa presente nagtatrabaho sa The Seattle Times. Kan enot, siya nagtrabaho sa The New York Times, Mother Jones, Woman’s Day, The Huffington Post asin The Stranger asin iba pang mga peryodiko asin mga magasin. Siya nangagin myembro sa Humanities Washington Speakers Bureau.

Pasib

Si Claudia nasikwit an dakul naman na mga premyo katakod kan saiyang trabaho bilang peryodista asin sarong lataw na reporter asin tagatolod nin mga isyu.

• Siya nakamit an gawad na Casey Medal for Meritorious Journalism kan 2006, para sa "Judgment Calls: When to remove a child?", asin kan 2008 para sa “One Fatal Shot” Archived 2007-12-07 at the Wayback Machine..
• Saiya man na naresibi an primer premyong gawad hale sa Society of Professional Journalists.
• Siya ginawadan man kan Taylor Award haleng Nieman Foundation for Journalism kan 2009.

The Spider and the Fly

Kan 1998, si Claudia nag'eestar sa Poughkeepsie, New York, nagtatrabaho para sa The New York Times. Siya natokahan na gibohan pagsusurat an mga krimen nin sunod-sunod na panggagadan ni Kendall Francois, sarong serial na paragadan na nakautas nin buhay na nin walong babae. Si Claudia nagtostos nin limang taon balik-balik ki Kendall sa tuyong masabotan niya nin tunay kun ano an pag'iisip kan sarong paragadan asin kun ano talaga an motibasyon kan paragadan. Gusto niyang maladop an mga rason kan sarong kriminal kun ano ta siring an ginibong nakakagiram-giram na mga krimen. An bunga kan saiyang mahanot-ginhawang pag'aadal iyo an libro niyang napaluwas an The Spider and the Fly: A Reporter, a Serial Killer, and the Meaning of Murder,sarong libro dapit ki Kendall, an epekto na personal saiya kaini asin paano nakatabang si Kendall sa sadiri niyang mga pakikipagtusay sa saiyang mga problema man. Napublikar kan Dey Street Books kan Enero 24, 2017, an libro pigpresentar komo "part psychological thriller and part gut-wrenching memoir." (Review from Robert Kolker.)

Mga panluwas na takod

• Official Site