Dance Dance Dance (novel)
First edition (Japanese) | |
| Nasyon | Japan |
|---|---|
| Tataramon | Japanese |
| Ipinublikar | January 1994 (Kodansha International) (JPN) |
| Klase nin media | Print (Hardback & Paperback) |
| Pahina | 393 pp |
| ISBN | 978-0099448761 |
| OCLC | 24 |
| 895.6/35 20 | |
| LC Class | PL856613 1994 |
| Bàgo kan | A Wild Sheep Chase |
An Dance Dance Dance (ダンス・ダンス・ダンス, Dansu Dansu Dansu) iyo an ikaanom na nobela kan Hapon na parasurat na si Haruki Murakami. Inot ining naisapublikar kan taon 1988 dangan pigpalis man sa lenggwaheng Ingles ni Alfred Birnbaum kan1994. An libro sequel man sa saiyang nobelang A Wild Sheep Chase. Kan taon 2001, sinabi man ni Murakami na an pagsurat nya daa kan Dance Dance Dance nagin garo tagabulong saiya makalihis kan dai nya pig-andaman na kasikatan kan publikasyon kan Norwegian Wood kaya huli kaini labi an saiyang kaugmahan mantang pigsusurat ini.[1]
Istorya[baguhon | baguhon an source]
An nobela manungod sa mga suryal na agi-agi kan sarong dai pig-ngaranan na protagonista. Ini nagtatrabaho bilang parasurat komerysal. Naobligar sya na magbwelta sa Dolphin Hotel, sarong establisemento kun sain nya man namidbid an babaying saiyang namootan alagad dai nya lamang naaraman kun ano an ngaran kaini. Nawara na sana an babayi nin daing dawa anong gira na pwedeng susugan asin an Dolphin Hotel man nabakal kan sarong dakulang korporasyon dangan ginibo ining mas pasyonable asin susog sa istilong-Sulnopan na hotel.
An protagonista nangangaturugan kun sain an babayi sagkud idtong tawong Karnero-sarong makunswelong lalang na nakagubing nin kublit nin karnero asin dagos-dagos na nagtataram- kun sain ipigbunyag pa man kaini saiya an duwang misteryo. An inot-metapisikal- kun pano makakaligtas sa dai kaligtas-ligtas na katibaadan. An pangaduwa iyo an manungod sa pagkakagadan kan sarong call girl kun sain embwelto an sarong sikat nang aktor sa pelikula dangan ini ngani katuod pa man kan protagonista. Sa saiyang mga paglalakbay, namidbid man kan protagonista an sarong parahula, sarong problemadong trese-anyos na babayi, an saiya man na problemadong mga magurang, an parararawit na saro sana an braso, asin sarong receptionist na igwa man nin siring saiyang mga nahihiling.
Mayor na tema[baguhon | baguhon an source]
An nagkapira sa mga karakter kan nobela midbid nang dati sa mga isinurat ni Murakami. An Dance, Dance, Dance, mauongod sa mga tema nin tawuha, sekswalidad, pagkawara asin pagpabaya siring sa iba pang nobela ni Murakami. Parati man na sa mga nobela ni Murakami, an lalakeng protagonista nawawaran nin ina, agom, o ilusyon. Pira pa sa mga pirming yaon na mga elemento sa saiyang nobela iyo an teknolohiya, alienation, pagkaabsurdo, asin an pagkakadiskubre sa mga pantawong koneksyon.
Igwa man nin karakter sa istorya na igwa nin ngaran na Hiraku Makimura, na sarong anagram kan "Haruki Murami." An Makimura sa nobela saro man na pinakamarahay na autor asin parasurat.
Mga pinagkaiba sa Ingles na dakitaramon[baguhon | baguhon an source]
An supernatural na karakter na pigmimidbid bilang Sheep Man nagtataram nin magkaiba sa duwang bersyon. An karakter minataram man nin normal na Hapon sa orihinal kaining bersyon, alagad sa mga dakit-taramon sa Ingles, an saiyang pagtaram dai nin mga espasyo sa kada tataramon. An nasusurat na Hapon dai nagkakaag nin mga espasyo sa tataramon,
Paghiling[baguhon | baguhon an source]
An Dance Dance Dance nakaresibe man nin 69% na grado para sa book review aggregator na iDreambooks basado sa pitong kritiko.[2]
Impormasyon sa libro[baguhon | baguhon an source]
An Dance Dance Dance (Ingles na edisyon) ni Haruki Murakami, pigdakit-taramon ni Alfred Birnabaum.
- Harcover ISBN 4-700-1683-2, na ipinublikar kan Enero 1994 kan Kodansha International. Hardcover./.
- Paperback ISBN 0-677-579-66, na ipinublikar kan Enero 31, 1995 kan Vintage Press.ː. Paperback.ה.
Mga susugan[baguhon | baguhon an source]
- ↑ Jay Rubin. Haruki Murakami and the Music of Words. Vintage, 2005.
- ↑ "Dance Dance Dance". iDreamBooks. Archived from the original on 2019-05-28. Retrieved 2020-12-20.
Iba pang mga link[baguhon | baguhon an source]
- Exorcising Ghosts Archived 2017-01-06 at the Wayback Machine. - Links sa mga pahina nin mga repaso asin artikulo.
- Opisyal na Website ni Haruki Murami
Pinopoonan an artikulong ini.