Ginutaan na balatong
An ginutaan na balatong sarong gulay na luto. An ginagamit na mayor na ingrediente iyo an balatong na binabangotan nin pasayan, karne o sira. An pagluto kaini eneenot ngonang magbuladbukad an guta sa init kan kalayo. Pag siring na, an pinurutol-putol na balatong isinasalak na asin kinakaagan nin magkapirang siling halaba (balongkawit) ngane mapara-para an hirab kan guta.[1]
Importanteng an guta nakabuladbukad na saka lang ikaag an balatong. Kun isabay an balatong pwede ining malu'nok sa sobrang haloy na pagluto.
Toltolan[baguhon | baguhon an source]
- ↑ General, Honesto. The coconut cookery of Bicol.Bookmark.1994. 124 pages.
