Harry Potter

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An eskudo de armas kan Hogwarts

An mga librong Harry Potter seryeng popular nin mga librong pantasya na an kagsurat iyo si J.K. Rowling. An bidang karakter igdi sa mga usipon iyo si Harry Potter.

Sa mga libro, an pantasya dapit sa mahika. Si Harry Potter namundag na may kapangyarihan sa pagmadyik huli ta siya sarong wizard. Saiyang nadiskubre na dakol man palan mga tawo na may kabatiran sa pagsalamangka, asin dakul pa man na mga wizard asin mga asuwang igdi sa kinaban na nabubuhay dai aram lamang kan mga tawong mayong darupi' sa pagsalamangka' (na inaapod nindang "muggles"). Kan siya onse, nakaresibi siya nin surat na nag'aagda saiya na mag'entra sa sarong eskwelahan na an pangaran Hogwarts na binibilog nin mga hubin na mga aswang asin mga wizard. An lambang libro pigsasaysay an buhay niya sa eskwelahan na ini, manongod sa mga tawo na nabisto y nasumpongan niya igdi, mga bagay na saiyang nano'dan asin an mga adbentura niya.

Igwang kagabsan na pitong libro sa serye. May serye nin mga pelikula an ginibo na kan Warner Bros. para sa enot na anom na libro. Pigpo'nan kaini an pagpelikula kan 2001. An ika-anom, Harry Potter and the Half Blood Prince, pinagpasale na kan Hulyo 7, 2009. An enot na kabangang kabtang kan ikapito na iyo na an ultimong pelikula, an Harry Potter and the Deathly Hallows, pinaluwas na kan Nobyembre, 2010. An ikaduwang kabtang ipapaluwas sa Hulyo, 2011.

Poon kan pigpaluwas an enot na nobela kan Hunyo 30, 1997 Harry Potter and the Philosopher's Stone, an mga libro grabe an ginuno na popularidad, pag'omaw na gayo asin labilabing pagbenta sa bilog na kinaban[1] An serye totoo nag'ani man nin mga tuyaw, orog na ta an tenor garo malaen nang madyik. An serye nin mga libro, kun isisikad sa Hunyo 2011, nagbenta nang 450 milyon na kopya asin napalis na sa 67 lenggwahe.[2][3] asin an ultimong apat na libro nagpako nin rekord sunodsunod na iyo na an pinakamasulong na mga libro sa bilog na historya kan kinaban.

Bilang serye ini nin iba-ibang genre, na kaiba na diyan an pantasya, pagdangadang nin bagong panahon, fiction, romansa, thriller, ini tagob nin mga kahulogan sa kultura.[4][5][6][7] Susog ki Rowling, an mayor na tema iyo an kagadanan,[8] dawa totoo primeramente konsiderado ining literaturang pang'aki. Igwa pa man nin ibang mga tema sa serye, arog kan pagkamoot asin pag'ori.[9] An mga bersyon sa Ingles napublikar kan Bloomsbury sa Reyno Unido, kan Scholastic Press sa Estados Unidos, kan Allen & Unwin sa Australya, asin kan Raincoast Books sa Kanada. Sa Oktobre 2011, an serye ipapaluwas sa pormang e-libro paagi sa "Pottermore."[10] An mga libro ginibo sa walong parte kan Warner Bros. Pictures, ta pigbaak an ikapitong libro sa duwang kabtang; ini na an serye nag'ingreso nin pinakadakula sa serye nin mga pelikula. An serye nagbunga man nin mga konektadong negosyo sa ibang mga paninda, na nagresulta na an marka "Harry Potter" nagkakahalaga na nin sobra sa $15 bilyon.[11]

Mga libro[liwaton | liwaton an gikanan]

  1. Harry Potter and the Philosopher's Stone (1997) (United States version: Harry Potter and the Sorcerer's Stone)
  2. Harry Potter and the Chamber of Secrets (1998)
  3. Harry Potter and the Prisoner of Azkaban (1999)
  4. Harry Potter and the Goblet of Fire (2000)
  5. Harry Potter and the Order of the Phoenix (2003)
  6. Harry Potter and the Half-Blood Prince (2005)
  7. Harry Potter and the Deathly Hallows (2007)

Mga Pelikula[liwaton | liwaton an gikanan]

  1. Harry Potter and the Philosopher's Stone (Nobyembre 4, 2001)
  2. Harry Potter and the Chamber of Secrets (Nobyembre 3, 2002)
  3. Harry Potter and the Prisoner of Azkaban (Mayo 31, 2004)
  4. Harry Potter and the Goblet of Fire (Nobyembre 18, 2005)
  5. Harry Potter and the Order of the Phoenix (Hulyo 11, 2007)
  6. Harry Potter and the Half-Blood Prince (Hulyo 7, 2009)
  7. Harry Potter and the Deathly Hallows (Enot na parte - Nobyembre 19, 2010)
  8. Harry Potter and the Deathly Hallows (Ika-2ng parte - Hulyo, 2011)

An mga karakter[liwaton | liwaton an gikanan]

  • Harry Potter An bida sa mga istorya. Si Harry bakong tipikal na hubin na wizard. An mga magurang ni Harry, sinda James asin Lily Potter, ginadan ni Lord Voldemort kan siya omboy pa sana. Huli kan pangyaring ini, siya pinadakula kan saiyang nanahon, si Nana Petunia, an tugang kan saiyang ina, asin kan tatahon niyang si Tata Vernon; kasaro niya an aki nindang si Dudley.
  • Ron Weasley (Rupert Grint): Ugos na amigo ni Harry. Si Ron hale sa pamilyang tarataong magmadyik, na may limang tugang na lalaki asin sarong tugang na babae.
  • Hermione Granger (Emma Watson): Saro pa sa kaugos na maray na amigo ni Harry. An mga magurang ni Hermione bakong mga salamangkero, mga "Muggles" inaapod.
  • Albus Dumbledore: Prinsipal sa Hogwarts. Siya mapangyareng gayo. Takot saiyang maray si Voldemort. An papel ni Dumbledore ikinawat ni Richard Harris sa enot na duwang pelikula. Kan magadan si Richard Harris, si Michael Gambon na an nagsangle sa papel.
  • Rubeus Hagrid (Robbie Coltrane): Maestro asin tagaasikaso sa Hogwarts, amigo ni Harry, Ron, asin ni Hermione, asin sarong malahigante.
  • Lord Voldemort: An mayor na kontrabida sa serye. Siya kinakatakotan nanggad sa kinaban nin salamangka' asin binabansagan na " Siya na dai dapat mangaranan" o, "Siya na iyan". Bago kan saiyang malaen na reputasyon bisto siya sa pangaran na Tom Marvolo Riddle. An parte niya kinawat sa iba-ibang pelikula ni Richard Bremmer, Christian Coulson, asin ni Ralph Fiennes.
  • Sirius Black: (Gary Oldman) Ugos na amigo ni James Potter. Siya naakusar sa kargong murder na dai niya man totoong nagibo, asin nakalungkas siya sa Azkaban. Siya an ninong ni Harry.
  • Severus Snape (Alan Rickman): An tagatimplang potion sa Hogwarts. Si Harry asin an saiyang mga amigo dai lamang suno' si Snape asin maski ngane an ibang karakter sa mga istorya dai siya nagugustohan.
  • Draco Malfoy (Tom Felton): An estudyanteng si Slytherin asin saro sa enemigo ni Harry. Ini pigsugo na gadanon si Dumbledore pero dai man naka'asba.

Toltolan[liwaton | liwaton an gikanan]

  1. Allsobrook, Dr. Marian (18 June 2003). "Potter's place in the literary canon". BBC. http://news.bbc.co.uk/2/hi/entertainment/2996578.stm. Retrieved on 15 October 2007. 
  2. http://news.bbc.co.uk/2/hi/entertainment/2996578.stm
  3. http://news.bbc.co.uk/2/hi/entertainment/7649962.stm
  4. Fry, Stephen Living with Harry Potter BBC Radio4, 10 December 2005.
  5. Jenson, Jeff (2000). "Harry Up!". Plantilya:Italiclink. http://www.ew.com/ew/article/0,,85524~5~0~,00.html. Retrieved on 20 September 2007. 
  6. Nancy Carpentier Brown (2007). "The Last Chapter". Our Sunday Visitor. http://www.osv.com/Portals/0/images/pdf/TheLastChapter.pdf. Retrieved on 28 April 2009. 
  7. J.K. Rowling. "J.K. Rowling at the Edinburgh Book Festival". http://www.jkrowling.com/textonly/en/news_view.cfm?id=80. Retrieved on 10 October 2006. 
  8. Geordie Greig (11 January 2006). "'There would be so much to tell her...'". Daily Telegraph (London). http://www.telegraph.co.uk/news/main.jhtml?xml=/news/2006/01/10/nrowl110.xml. Retrieved on 4 April 2007. 
  9. http://web.archive.org/web/20061228015000/http://www.quick-quote-quill.org/articles/2003/tan.jpg
  10. Ed, Pottermore. "Pottermore Insider: You ask, we answer". Pottermore. http://insider.pottermore.com/2011/07/you-ask-we-answer.html. Retrieved on 22 July 2011. 
  11. Thompson, Susan (2 April 2008). "Business big shot: Harry Potter author J.K. Rowling". The Times (London). http://business.timesonline.co.uk/tol/business/movers_and_shakers/article3663197.ece. Retrieved on 14 July 2009. 

Mga panluwas na takod[liwaton | liwaton an gikanan]