James Bulger

Gikan sa Bikol Sentral na Wikipedia, an talingkas na ensiklopedya
Si James Bulger

Si James Joseph "Whitey" Bulger, Jr. (namundag Septyembre 3, 1929) iyo soboot sarong dating kagboot sa krimen na namayo kan Winter Hill Gang, sarong gang na nagooperar sa Sommerville, Massachusetts sa Estados Unidos. Siya man nagsirbeng "tagasumbong" kan Federal Bureau of Investigation sa sarong kontrobersyal na urulay na manta' tinutugotan siyang magpadagos kan saiyang mga kriminal na aktibidad.[1][2][3] Sinasabi na si pagbuyagyag kan Boston Globe asin huli man sa mga kaso sa korte iyo an nagbiklad kan korupsyon asin mga ilegal na aktibidad kan mga ahenteng federal na nadamay ki Bulger asin ini iyo nagin dakulang kasosopgan kan nasabing ahensya.[4][5][6]

Kan siya napagsabihan na may nakaabang saiyang mga akusasyon, siya nagdulag asin naghale sa Boston dangan tuminago kan Desyembre, 1944. Si Bulger nagin fugitivo na ikinaag sa listang 'Ten Most Wanted Fugitives' kan FBI..[7] Siya hinahanap huli sa raketering, 19 bilang nin murder, extortion, money laundering, conspiracy asin pagdistribuir nin narkotiks.

Kan Hunyo 22, 2011, siya inaresto sa sarong apartment na saiyang pinageestaran kinse anyos na palan, na yaon sa Santa Monica, California. Saiyang kasaro an saiyang piday si Catherine Greig. [8][9][10] Kan siya natoklo, edad niya na 81 asin nagbobologoybogoy na daa. [11]


Mga panluwas na takod[baguhon | baguhon an source]

Toltolan[baguhon | baguhon an source]