Jens Stoltenberg

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Jens Stoltenberg


Si Jens Stoltenberg (namundag Marso 16, 1959) sarong Norwegong pulitiko asin ekonomista asin presenteng Poon Ministro kan Norwega na nagtukaw kan Oktobre 17, 2005. Lider kan Partido Trabahador, siya dati nang nagserbi komo Poon Ministro (2000-2001).

Kan siya napili enot sa Parlamento taon 1993 para sa distritong Ostro, si Stoltenberg nagserbi man bilang Sekretaryo kan Estado sa Ministro nin Kapalibutan (1990-1991) asin Ministro kan Industriya (1993-1996) sa ika-3ng Gabinete ni Brundtland. Kan si Bruntland nagdimitir sa pwesto kan 1996, si Thorbjørn Jagland naelihir pamayo kan Partido Trabahador asin nagin siya Poon Ministro, manta si Stoltenberg nanombrahan Ministro kan Pinansya, katongdan kinapotan niya sundo Oktobre 17, 1997 kan si Jagland asin an entero niyang gobyerno nagdimitir. Kan si Stoltenberg yaon sa oposisyon sa Parlamento, siya nagserbi sa Komite sa Enerhiya. Kan nagkaigwang mosyon nin pagtiwala kontra sa Enot na Gabineteng Bondevik, si Stoltenberg nanombrahan Poon MInistro kan Marso 3, 2000 dawa siya panduwang lider kan partido asin bako mismo an namamayong lider.

Kan magluwas an resulta sa 2001 eleksyon parlamentaryo na daing makusog na mandato an saiyang gobyerno na iyo an ikinalagpak kaini sa taon mansanang iyan, si Stoltenberg matriumpong inangat an liderato ni Jagland sa pagkapot kan pamamayo kan saindang Partido kan taon 2002, asin bunga kaini si Stoltenberg iyo an nagdara kan Partido sa matriumpong pagsakat sa poder pakatapos kan 2005 na eleksyon. Siya nagbilog nin gobyernong koalisyon kaiba an duwa pang partido na yaon sa minoriya- an Partido Sentro asin an Partidong Makawalang Sosyalista). Siya otro naelehir kan 2009 para sa saro naman na termino bilang Poon Ministro kan Norwega.

Toltolan[liwaton | liwaton an gikanan]