Kolambugan, Lanao del Norte

Mapa kan Lanao del Norte na ipinapaheling an kinamomogtakan kan Kolambugan

An Kolambugan sarong ikaapat na klaseng banwaan kan probinsya nin Lanao del Norte, Filipinas. Susog sa senso kan 2007, igwang 25,306 katawo na nageerok igdi. An "kolambugan" kinua sa pangaran nin sarong kahoy ("kolambug") na dagyang nagtutubo sa palibot kan lugar.

Heograpiya

An banwaan nin Kolambugan namomogtak sa may harani kan Sola' kan Panguil asin nagaatubang sa Ozamis City kan probinsya nin Misamis Occidental. Ini 47 kilometro an rayo' sa habagatan kan kabeserang banwaan nin Tubod. An Kolambugan kadolon sa amihanan an Sola' kan Pangui, sa habagatan an Tangcal, sa subangan an banwaan nin Maigo asin sa solnopan an banwaan nin Tubod.

Agi-agi

Kaamayan kan ika-19ng siglo, mga migranteng Amerikano an nagkaag nin sarong kompanya sa lumber na iyo an nagpatalubo nin husto sa dati sadit-sadit na munisipyo. Iyo ini an Kolambugan Luimber Development na ngonyan nag-ngangaran nang Findlay Millar timber Company.

Kan Hulyo 1, 1936, huli sa kari'gonan kan Orden Ehekutibo Nu. 37 ni Pres. Manuel Quezon, an Kolambugan nagin sarong banwaan kan probinsya nin Lanao. An probinsyang ini nabanga sa Norte asin Sur. An Kolambugan napasakop sa Lanao del Norte.

Mga Barangay

An Kolambugan nababanga sa 26 barangay.

Austin Heights Baybay Bubong Caromatan Inudaran Kulasihan Libertad Lumbac Manga Matampay Mukas Muntay Pagalungan

Palao Pantaon Pantar Poblacion Rebucon Riverside San Roque Santo Niño Simbuco Small Banisilan Sucodan Tabigue Titunod

Mga panluwas na takod

• Philippine Standard Geographic Code
• 2000 Philippine Census Information
• Official site of Kolambugan