Filipinas
| Motto: Maka-Diyos, Makatawo, Makakapalibutan, at Makabanwa | |
| Nasyunal na awit: Lupang Hinirang | |
 |
|
| Kapitolyo | Manila Plantilya:Coor dm |
| Pinakadakulang ciudad | Ciudad nin Quezon |
| Opisyal na tataramon | Filipino asin Ingles* |
| Gobyerno | Unitaryong presidencial na republika |
| - Presidente | Benigno Aquino III (LP) |
| - Vice Presidente | Jejomar Binay (PDP-Laban) |
| - Presidente kan Senado | Juan Ponce Enrile (PMP) |
| Katalingkasan | hali sa Espanya asin Estados Unidos |
| - Pigdeklarar | Hunyo 12, 1898 |
| - Pansadiring govierno | Marso 24, 1934 |
| - Pigbibisto | Hulyo 4, 1946 |
| - Presenteng konstitusyon | Pebrero 2, 1987 |
| Hiwas | |
| - Kagabsan | 300,000 km² (Ika-72) |
| 115,831 sq mi | |
| - Tubig (%) | 0.6 |
| Populasyon | |
| - Suma kan 2006 | 85,236,913[1] (Ika-12) |
| - Sensus kan 2000 | 76,504,077 |
| - Densidad | 276/km² (Ika-42) 715/sq mi |
| GDP (PPP) | Suma kan 2005 |
| - Kabilogan | $453 bilyon (Ika-25) |
| - Por capita | $4,923 (Ika-102) |
| HDI (2006) | 0.763 (Ika-84) – Katamtaman |
| Kurensiya | Piso kan Filipinas (PHP) |
| Zona nin oras | PST (UTC+8) |
| Internet TLD | .ph |
| Kodigong pantelepono | +63 |
| * An Cebuano, Ilokano, Hiligaynon, Bikol, Waray-Waray, Pampango, Pangasinense, Kinaray-a, Maranao, Maguindanaon, Tagalog, asin Tausug an mga opisyal na katabang na tatataramon sa saindang sadiring rehiyon. An Espanyol asin Arabo pigkokonsiderar na opsyonal asin boluntaryong basehan. | |
An Filipinas (Filipino: Pilipinas; Ingles: Philippines) o Republika kan Filipinas sarong nacion nin grupo nin mga isla sa Sur-subangan na Asya na Manila an kapitolyo. Igwa nin 7,107ng isla an arkipelago kan Filipinas na namomogták sa gamping sulnopan kan Kadagatan Pacifico. An nacion an ikadose sa pinakamatáwo sa enterong kinàban na igwang populasyon na 88 milyon.
[liwatón] Uusipon
Namondag an historya kan Filipinas kan nag-abot an mga enot na tawo sa Filipinas sa paagi kan mga tulay na dagâ 30,000 taon na an nakakaagi. An enot na rehistro kan pagbisita na hale sa sulnopan iyo an pag-abot ni Fernando Magallanes sa isla kan Homonhon sa sur-sulnupan kan Samar kan Marso 16, 1521.
Nagpoon an rebolusyon laban sa Espanya kan Abril taon 1896 na pagkalihis nin duwang taon naghantong sa proklamasyon kan katalingkasan asin pagkamukna kan Enot na Republika kan Filipinas. Alagad an Kasunduan sa Paris na ginibo sa katapusan ng Gyerang Espanyol-Amerikano naglipat kan poder sa Filipinas sa Estados Unidos. Nagpoon an pagkolonya kan Estados Unidos sa Filipinas kan Disyembre 1899 kaiba an limitadong lokal na pagkapot kan 1905. An parsyal na pagsasadiri itinao kan 1935 mantang naghahanda sa independensya hale sa Estados Unidos kan 1945. Alagad an 10-taon na transisyon hale sa pagigin komonwelt pasiring sa sarong soberanyang nacion nasibol nin huli sa pagsakop kan Hapon sa Filipinas kan panahon kan Ikaduwang Gyerang Pankinaban. Nin huli kaiyan an pagsasadiri itinao sa Filipinas kan Hulyo 1946.
[liwatón] Pulitika asin govierno
An Filipinas igwang sistemang presidensyal asin unitaryong porma nin govierno, na an presidente an nagsiserbing pamayo kan estado sagod pamayo kan govierno, asin an commander-in-chief kan Puwersa Armada. An presidente pig-eelihir sa paagi kan popular na boto sa terminong anom na taon.
