Laya

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An tinanom na lâya
Burak kan lâya
Lâyang pula asin lâyang puti tinitinda sa Haikou, Hainan, Tsina

An Lâya (Zingiber officinale) sarong klaseng tinanom na pinapakinabangan an gamot o unod ta an tagok kaini iyo an ginagamit pantimpla sa mga luto bilang rekado, komo inomon o ginagamit sa pagbulong. An dahon matilabang mapanas nakaagid sa dahon sakate asin an saiyang gamot maisog an parong, maharang asin nataong kagat sa pangnamit saka nakakahale nin langse sa mga linuluto. Sinasabing may layang pula asin layang puti.

An lâya natural na tubo sa habagatan kan Tsina, dangan naglakop sa Spice Islands, ibang parte kan Asya, asta nakaabot sa Aprikang subangan asin Caribbean. An lâya dinara sa Europa paagi sa Indya kan enot na siglo AD dara kan makusog na bentahan sa rekado. Ngonyan an Indya an pinakamakusog magpatubo asin magbenta kan lâya.[1]

Sa Filipinas, uso man gibohon ining salabat paagi nin paggiling kaini na magin pulbos. Ini tinutubigan nin mainit kun gusto nang inomon asin marayrahay na gayo sa panahon na tig'lipot. Kun dai man, pwede man magsalabat kaini paagi nin pagâgâ kaini na magluwas an tagok bilang sarong tsa. Sa ibang lugar, ini dinudugangan pahamis arog kan tangguli o lemonsito sa pagtaong dagdag na namit.


Toltolan[liwaton | liwaton an gikanan]