Lech Walesa

Gikan sa Bikol Sentral na Wikipedia, an talingkas na ensiklopedya
Si Walesa kan 2009

Si 'Lech Wałęsa (Polako: [ˈlɛx vaˈwɛ̃sa], Ingles: /ˌlɛk vəˈwɛnsə/ or /wɔːˈlɛnsə/;[1] namundag Septyembre 29, 1943) sarong Polakong pulitiko, tagaorganisar nin unyon, asin aktibista. Sarong karismatikong lider, siya katuwang na nagtogdas kan Solidarity (Solidarność, Pagkaburonyog), an pinakaenot na unyon sa laog kan blokeng Sobyet, asin siya man nagkamit kan Premyo Nobel sa Katoninongan kan taon 1983, nagsirbeng Presidente kan Polonya poon 1990 abot 1995. [2]

Si Walesa bilang elektrisyan an hanapbuhay asin mayo nang mas halangkaw na adal. Kan siya makalaog sa astillero kan Gdańsk, nagin siyang aktibista sa trade-union. Huli kaini, siya iniipit na gayo kan gobyernong komunista nin Polonya, pirmeng binabantayan, nahaklas sa trabaho kan 1976, dangan naaresto na nin pirang beses. Kan Agosto 1980 siya instrumental na gayo sa negosasyon na an ibinunga iyo an inaapod na Gdansk Agreement sa pag'ultan kan mga nag'aaklas na trabahador asin kan gobyerno. Siya man nagin katuwang na kagtogdas kan hiron kan trade-union na iyo an Solidarity. Naaresto naman pakaimponer kan Ley Militar, an Solidarity pighalean legalidad. Kan siya mapaluwas sa preso pinadagos niya an pagka'aktibista asin saro siya sa prominenteng nagpanday kan inaapod na 1989 Round Table Agreement na iyo man an kawsa kan pagbutwa kan sinasabing libre-haros na eleksyon parlamentaryo na ginibo kan Hunyo 1989 asin masabi pa, pagkamukna kan gobyernong pinamamayuhan kan Solidarity.

Mga panluwas na takod[baguhon | baguhon an source]

Toltolan[baguhon | baguhon an source]