Masaker sa Ba Chúc
An Masaker sa Ba Chúc (Vietnamese: Thảm sát Ba Chúc) masaker na makangirhat pinaggibo kan mga elementong kaapil sa Liberation Army of Kampuchea (Khmer Rouge) poon Abril 18 abot Abril 30, 1978, sa banwaan nin Ba Chúc, Probinsya nin An Giang, Byetnam na nagresulta sa pagkagadan nin mga 3,157 na sibilyan. An hokbo nin Khmer Rouge na naglusob sa Byetnam hinarakot mga residente sa mga templo asin mga eskwelahan ta duman pinagparasakitan asin ginaradan sinda. An mga residente na nagdurulag sa mga kabukidan sunod na mga aldaw hinarapag man asin maringis na pinagburuno'. Haros gabos kan mga sibilyan binaradil, tinaragsak o pinagpurugotan payo.[1]
An makagiram-giram na pangyaring ini iyo an nagin sarahotan na an pwersa kan Byetnam sakyadahon an Kambodya kan hinapos nin taon na iyan, asin ini nagresulta sa pagpatalsik sa poder kan Khmer Rouge asin kan lider kaini na si Pol Pot.
Toltolan[baguhon | baguhon an source]
- ↑ Báo Đời sống và Pháp luật (2013-11-08). "Rợn người nhà mồ nạn nhân Pôn Pốt ở An Giang". Archived from the original on 2020-08-14. Retrieved 2015-09-04.
- Mga artikulo na naglalaog nin teksto sa tataramon na Vietnamese
- Mga tamboan na artikulo
- 1978 sa Kambodya
- 1978 sa Byetnam
- Diringkilan kan 1978
- Mga Masaker kan 1978
- Abril 1978 na mga pangyayari sa Asya
- Historya nin Probinsya nin An Giang
- Relasyon sa Pag'ultan nin Kambodya asin Byetnam
- Mga Masaker nin Khmer Rouge sa Byetnam