Meka

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Masjid al-Haram, sentro kan Mecca, an nagpapalataw sa dangog niya

An Mecca (sinasayod /ˈmɛkə/), sinusurat man Makkah (Ingles: /ˈmækə/; Arabiko: مكة‎ Makka asin sa biklad na surat: Arabiko: مكّة المكرمة‎ sinusurat-susog-sa-tanog, Makkah Al Mukarrammah [mækːæt ælmukarːamæ]) iyo an pinakasagradong lugar na pigtitiriponan sa relihiyon na Islam, na sinusundan kan Medina. An siyudad na ini namomogtak sa Saudi Arabia, sarong syudad na moderno, kosmopolitan asin dawa totoo sarado sa mga bakong-moslem, binabanwa kan manlaenlaen na grupong etniko. Yaon igdi an inaapod na Kaaba, an edipisyong pangadyean kan mga pregrinong muslim sa pag'otob sa saro sa harigi nin kabanalan kan Islam, an pagsongko sa Mecca (Hajj) nin sarong muslim.

An tradisyon sa Islam iyo na an nagpoon kan pagbanwa kaini iyo an mga pag'araki ni Ismael. Kan ika-7ng siglo, an islamikong propetang si Muhammad pigdeklara an pagtindog kan Islam sa syudad na ini, na saro nang importanteng sentro nin komersyo. Pakalihis 966, an Mecca pinamamayohan nin mga lokal na mga sharifs hanggan 1924 kan an Imperyong Ottoman nagrampaog asin napasakop sa poder kan mga Saudi. Ngonyan na modernong panahon, an Mecca nag'aagi sa marikas na pag'uswag sa pagkadakula niya asin sa mga infraestruktura.


An siyudad na ini iyo an kabesera kan Mecca Province nin Saudi Arabia, sakop kan ronang Hejaz. Ini may populasyon na 1.7 milyon (2008), asin an rayo' niya sa Jeddah 73 km (45 mi) sa taas na 277 m (910 piye) sa langkaw kan dagat.