Miguel Robles de Covarrubias

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Ladawan:WTNaga HMMM A22.JPG
Monumento ni P. Miguel Robles de Covarrubias
An rebulto ni P. Miguel Robles asin an Santuario ni Ina

Si Miguel Robles de Covarrubias sarong pading prayle na nagdara kan debosyon ki Nuestra Señora Peña de Francia sa Kabikolan kan taon 1710.[1] An nasabing debosyon nagpoon asin naggikan sa Salamanca, Espanya.

Agi-agi nin buhay[liwatón | liwaton an gikanan]

Siya aki nin sarong pamilyang Espanyol na sinasabing nag'erok sa San Martin del Castañar, probinsya nin Salamanca, Espanya alagad an pamilya guminikan sa Covarrubias na sarong munisipyo kan probinsyang Burgos, ngonyan parte kan autonomong kumonidad nin Castilla asin Leon, Espanya.

An pamilya niya naghubo sa Cavite, Filipinas haleng San Marin del Castañar. Pinaadal na siya nin gramatika sagkod natapos niya an teolohiya sa Unibersidad kan Santo Tomas. Kan siya seminarista, helangon siyang marhay asin an grabeng mate nin hawak niya ipinapangadye niya nin kaginhawahan ki Nuestra Senora de Pena de Francia asin an estampita kaini pirmi niyang daro-dara.

An nagtolod saiya kun napano ta nagtogdas siya kan debosyon ki Ina sa Nueva Caceres iyo ta ipigpromesa niya ki Nuestra Senora de Penafrancia na matogdok siya nin kapilya para igdi (ki Ina) sa pampang kan Salog Pasig alagad dai nadagos ta, manta nagaadal siya sa Unibersidad, inapod siya kan Obispo kan Nueva Caceres na kaidto iyo si Mons. Andres de Gonzales (1678-1700) na magpasiring sa Nueva Caceres.

Magkapirang bulan sa pag'estar niya sa Nueva Caceres, siya inordenan nang padi. Naalok siyang igdi na magtener asin kahurihan kaidto, ginibo na siyang kura paroko asin vicar general kan diocesis. Kan nahiling niyang mapawot nang maotob niya an promesa na magtogdok sa salog Pasig ta yaon na siya sa Nueva Caceres, pinagmarhay na lang niya na igdi na sana sa Nueva Caceres magpagibo kan kapilya.

Pakatapos kan kapilya, naghelang siya sa walang mata asin padagos nang nawaran an walang matang ini nin paghiling. Sa Manila, dai siya nakakuang remedyo. Pagbalik niya sa Nueva Caceres, sa maigot na mawot maglakop asin magdakula an debosyon, nagpagibo siya nin simbahan na gibo-sa-gapo kasalida kan kapilya. An milagro ta biglang naomayan siya sa pagkabuta.

An istorya niyang ini asin iba pang mga milagro nasambit niya gabos sa mga surat niya sa capellan kan Santaurio kan Penafrancia duman sa San Martin del Castañar, Espanya kan mga taon na 1710, 1711 aSin 1717.

Paggiromdom[liwatón | liwaton an gikanan]

An Plasa P. Miguel Robles de Covarrubias

Sarong plaza, kun saen igwang monumento siya, an hinaman bilang pagromdom ki P. Miguel Robles sa patio kan Santuario ni Nuestra Señora de Peñafrancia.[2] Prinobaran man na ngaranan na Miguel Robles de Covarrubias Avenue an Tinampong Balatas alagad dai ini pig-uyonan kan mga residentes kan barangay huli ta masakit sayodon an apelyedong Covarrubias.[3]

Toltolan[liwatón | liwaton an gikanan]

Mga panluwas na takod[liwatón | liwaton an gikanan]

Mga hihilngan[liwatón | liwaton an gikanan]

Mga ginonoan[liwatón | liwaton an gikanan]

  • *"The History of Peñafrancia," artikulo sinurat ni Rev. Fr. Florencio C. Yllana sa Peñafrancia Souvenir Program, Sept. 1941, p. 70 p. 178, p. 179, p.180, 181, p. 183.