Nelson Mandela

Gikan sa Bikol Sentral na Wikipedia, an talingkas na ensiklopedya
Si Nelson Mandela

Si Nelson Rolihlahla Mandela (18 Hulyo 1918, 5 Desyembre 2013), tubong Transkei, Sur na Aprika, an dating presidente kan Sur na Aprika asin iyo an pinaka-enot na na-elihir sa sarong demokratikong eleksyon. Siya nagkapot kan pwesto sa laog nin limang taon, poon 1994 abot 1999.

Bago siya nagin presidente, saro siyang maisog na aktibista laban sa apartheid o an pagsusuway kan puti sa itom ngane daing pagraramas sosyal. Siya man an lider kan Umkhonto we Sizwe, an armadong sanga kan Aprikanong Kongreso Nasyunal (Ingles: African National Congress). An Hokom kan Sur na Aprika pigsentensyahan siya nin pagkapiot nin 27ng taon huli sa salang pagsabotahe saka kun anoano pang krimen, manta na sige namomoon sya sa paglaban sa apartheid.. An saiyang pagkapreso haros naubos duman sa pagkakulong niya sa Isla kan Robben. Ngonyan pinaghihiling siya komo sarong respetadong estadistang nakakagurang. Sa Sur na Aprika, inaapod na gayo siyang Madiba, sarong pagrespetong pangapodan saiya kan saiyang tribu.