Osama bin Laden
Si Osama bin Mohammed bin Awad bin Laden (may magkapirang bersyon:; Arabic: أسامة بن محمد بن عوض بن لادن, Usāmah bin Muḥammad bin ‘Awaḍ bin Lādin; namundag, Marso 10, 1957 - Mayo 2, 2011[1][2]) sarong myembro kan prominenteng Sauding bin Laden na pamilya asin siya an kagmuknang lider kan teroristang organisasyon, an al-Qaeda. Ini bantog na gayo sa pag'atake sa Nweba York kan Septyembre 11, 2001 kun saen narogmok kaini an sinasabing Twin Towers. Si Bin Laden saro sa sampolong hinahanap kan Federal Bureau of Investigation dawa totoo mayo siya sa lista kan mga suspetsadong kaggibo kan si pagbomba kan Twin Towers, asin dai man siya sina'ngatan nin anoman na kargo dapit sa atakeng ini.
Alagad, si bin Laden sinasabing kakomplot sa magkapirang mga makuring pag'aatake sa Estados Unidos asin kan saiyang mga kaalyado: an pagbomba kan 1993 sa World Trade Center asin sa Pentagon; an 1998 na pagbobomba sa mga embahada kan Amerika sa Kenya asin Tanzania kun saen labing 200 katawo an nagkagaradan; asin an 2000 na pagbobomba sa US Cole sa Yemen. Si bin Laden inako man na siya an kagboot duman sa nangyaring baradilan sa Somalia kun saen 18 Amerikanong soldados an naputlan buhay.[3]
Poon pa kan 2001, si Osama bin Laden asin an saiyang minuknang teroristang organisasyon, an al-Qaeda, mayor na target kan Estados Unidos sa kampanya kaini laban sa "Terorismo". Pigtutubod na si bin Laden asin an saiyang kairibang mga namamayo sa Al-Qaeda nagpapa'ipli' sa pagdolonan kan Afganistan asin kan inapod na Federally Administered Tribal Areas na sakop kan Pakistan; alagad, sa totoo lang bako man pala siya igdi madudukayan.
Kan Mayo 1, 2011, mga sampolong taon nag'ayaw na kan narogmok an Twin Towers huli sa pag'atake kaini kan al-Qaeda, si Osama bin Laden nataraka' sa sarong pigtatagoan na mansion sa Abbottabad, Pakistan asin pakalihis nin halipot na baradilan, si bin Laden nagadan kan pwersa militar kan Estados Unidos. Sinasabi na si bin Laden iyo an kagtolod kan makuri asin daing siring na terorismo sa kinaban.
Sa pagkagadan niya, binibistong nang nagsalida saiya bilang pamayo kan al-Qaeda si Ayman al-Zawahiri.
[liwatón] Pamilya
Si bin Laden pinangaki sa Saudi Arabia kan 1957 sa ama niyang dugong Yemeni asin sa ina niyang dugong Syriano. An ama niya, si Mohammed bin Laden, nagtogdas nin sarong kompanyang imbwelto sa konstruksyon asin dara kan kuneksyon niya sa mga namomoon, nagyaman na husto mala ta nagin bilyonaryo. An kompanya niya nakasikwit nin mga darakulang kontrata sa pagtogdok asin paghirahay kan mga meskinita sa siyudad kan Mecca asin Medina.
An ama niya nagkuang magkapirang agom asin nag'ama nin sobra sa 50 aki. Sinasabi na si Osama ika-17 o ika-25 sa mga kaakian na ini. Siya nag'adal nin management asin economics sa King Abdul Aziz University sa Jedda, Saudi Arabia kun saen dakulang impluensya saiya an mga maestro duman sa relihiyon, na nagpata'naw saiya kan mas mahiwas na kinaban nin Islamikong pulitika.[4]
[liwatón] Mga panluwas na takod
- La única entrevista verídica a Bin Laden (Comprobada)
- Mensaje íntegro en castellano radiado el 08/sept/2007
- Recompensas para Justicia
- Lista de los más buscados por el FBI
- Extensa biografía de bin Laden en la web de la Fundación CIDOB
- Bush Bin Laden, una sociedad comercial cuestionable
- Negociados entre los Bush y los Bin Laden
- Osama Bin Laden
- La Red Al Qaeda
- Cómo la CIA entrenó a Bin Laden
- Bin Laden un guerrero de la CIA
- Bin Laden niega estar detrás del 11-S (noticia en inglés)
[liwatón] Toltolan
- ↑ "In an intelligence driven operation, Osama Bin Ladin was killed in the surroundings of Abbottabad in the early hours of this morning.". Sinusog Mayo 2, 2011. http://www.mofa.gov.pk/Press_Releases/2011/May/PR_150.htm.
- ↑ Adam Brookes, "US forces kill Osama Bin Laden in Pakistan", BBC News. Sinusog May 2, 2011.
- ↑ http://www.infoplease.com/spot/osamabinladen.html Sinusog Mayo 14, 2011
- ↑ http://www.infoplease.com/spot/osamabinladen.html Sinusog Mayo 14, 2011
