Pablo Amorsolo
Si Pablo Cueto Amorsolo (Hunyo 26, 1898 – Pebrero 21, 1945) sarong Filipinong pintor. Siya an ngohod na tugang kan Artista Nasyonal na si Fernando Amorsolo[1][2][3][4]
Biograpiya[baguhon | baguhon an source]
Si Pablo Amorsolo namundag sa Daet, Camarines Norte sa mag'agom na si Pedro Amorsolo asin Bonifacia Cueto. Kan siya walong taon pa sana, an pamilya niya naghubo' na sa Manila.[1]
Durante kan Ika-2 Gerang Pangkinaban, nagin siyang taga-ampoyon kan sinasabing Greater East Asia Co Prosperity Sphere, asin siya nagserbi komo sarong koronel sa Kempetai kan Imperyong Hapon. Kan umabot an mga hukbong Amerikano, si Amorsolo tinoklo' kan gerilyang Filipino[1]
Sinentensyahan siyang silot kagadanan asin binadil kan mga gerilya. Siya nagadan sa lugar kan Antipolo, Rizal[1]
Edukasyon[baguhon | baguhon an source]
Nagin siyang adal na pintor sa pagtotokdo' kan saiyang tatahon na si Fabian de la Rosa na sarong gurangan nang pintor. Pakatapos elementarya, si Amorsolo nag'adal sa Lyceum nin Manila. Dangan siya nagtapos sa School of the Arts sa Unibersidad kan Pilipinas. Duwang taon nakalihis, siya natokahan komo katuwang na maestro sa pagpipintura. Nagtokdo' siya sagkod na magtapos na an gera.[1]
Toltolan[baguhon | baguhon an source]
- ↑ 1.0 1.1 1.2 1.3 1.4 ”Pablo Cueto Amorsolo,” GeringerArt.com (undated), retrieved on March 18, 2008
- ↑ An article about Fernando C. Amorsolo that mentions Pablo Amorsolo, Cultural Heritage, GlobalPinoy.com, 2006, retrieved on: April 6, 2008
- ↑ Guillermo, Alice G. “Pablo Amorsolo” (as instructor at the University of the Philippines), Encyclopedia of Philippine Art. Manila: Cultural Center of the Philippines, 1994.
- ↑ "Amorsolo, Fernando, Pablo Amorsolo, Fabian de la Rosa and I. L. Miranda, Paintings of Twelve Philippine Women, Christian, Mohammedan and Pagan..., Manila: Philippine Education Company, Inc., 1929. Foreword by A. V. H. Hartendorp, Unpaginated, first edition." Archived from the original on 2017-12-28. Retrieved 2011-08-23.
