Padi (katongdan)

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Sarong padi

An padi (hale sa, Kas. padre: ama) sarong tawo na may katongdan o poder sa pag'administrar nin mga ritong relihiyoso, rito nin pag'atang, o rito sa pagngayo'ngayo' sa Diyos o sa mga diyos-diyos. Sa ibang kultura, o relihiyon, pwede an sarong padi lalake o babae man.

An mga padi yaon nang dati kan mga enot pang panahon asin maski sa mga sosyedad na simple an estruktura. Yaon sinda sa pag'administrar nin rito sa Hudaismo, Kristianismo, Sintoismo, Hinduismo asin sa iba pang mga relihiyon. Sinda sinasaboot na may marhay na pakikipagtrato sa mga diyosdiyos o tinitingag nindang kagurangnan sa arin man na relihiyon na saindang naapilan. Sa katongdan nindang ini sinda dinudulok kan mga paratubod sa pagtao nin hatol sa mga bagay na espiritwal, sa paggibo kan mga maninigong ritwal nadadapat sa saindang pagtubod.

Sa antigong panahon sa ronang Bikol, bago nagdatong an mga Espanyol, an espiritwal na buhay kan mga Bikolnon minamato kan mga inaapod na babaylan, na masabing pading babae sa konteksto kan mga ritong saindang pinapapelan, asin an pading lalake na iyo man an inaapod na asog.


Mga panluwas na takod[liwaton | liwaton an gikanan]

External links[liwaton | liwaton an gikanan]

  • Description of the problem of Roman Catholic and Old Catholic reunion with respect to the female priesthood
  • An babaylan